1 Moze 36:1-43
36 Daʼa waö-waö Gezau, yaʼia daʼö Edomo.+
2 Mangowalu Gezau ba nono alawe Ganaʼana sotöi Ada+ ba Oholibama. Ada andre ono Gelono niha Kheti,+ ba Oholibama+ ono Ana maʼuwu Zibeona niha Hewi.
3 Ihalö göi foʼomonia Mbasamata+ ono Zimaʼeli talifusö Nebayoti.+
4 Tumbu nono Gada khö Gezau yaʼia daʼö Elifasi, ba tumbu nono Mbasamata yaʼia daʼö Regueli,
5 ba tumbu nono Goholibama yaʼia daʼö Yehusi, Yaelamo ba Kora.+
Daʼö nono matua si tumbu khö Gezau ba danö Ganaʼana.
6 Aefa daʼö, iʼohe woʼomonia Ezau, iraononia, ba fefu nösi nomonia, awö gurifö ba harato niʼowuloinia+ ba danö Ganaʼana. Findra ia ba soi böʼö iröi nakhinia Yakobo.+
7 Tebai fasinga ira börö me oya sibai haratora ba danö si toröi* yaʼira, ambö saʼae naha guriföra.
8 Andrö wa toröi Gezau ba mbanua si so ba hili Zeʼira.+ Ezau andre Edomo.+
9 Daʼa waö-waö Gezau ama niha Gedomo ba mbanua si so ba hili Zeʼira.+
10 Daʼa döi nono matua khö Gezau: Elifasi ono Gada foʼomo Gezau; Regueli ono Mbasamata foʼomo Gezau.+
11 Ono matua si tumbu khö Gelifasi yaʼia daʼö Temano,+ Omara, Sefo, Gaetama ba Kenasi.+
12 Tobali foʼomo ba döi Dimena khö Gelifasi ono Gezau, ba tumbu khönia Gamaleki.+ Daʼö maʼuwu Gada foʼomo Gezau.
13 Ono matua si tumbu khö Regueli yaʼia daʼö Nahata, Sera, Sama, ba Misa. Daʼö maʼuwu Mbasamata+ foʼomo Gezau.
14 Ono matua si tumbu khö Goholibama foʼomo Gezau, ono Ana ba maʼuwu Zibeona: Yehusi, Yaelamo ba Kora.
15 Daʼa zondröniaʼö mado ngaʼötö Gezau,+ yaʼia daʼö iraono matua khö Gelifasi, siaʼa nono Gezau: Temano, Omara, Sefo, Kenasi,+
16 Kora, Gaetama ba Amaleki. Daʼö zondröniaʼö mado ngaʼötö Gelifasi+ ba danö Gedomo. Yaʼira andrö maʼuwu Gada.
17 Ono matua si tumbu khö Regueli ono Gezau: Nahata, Sera, Sama ba Misa. Daʼö zondröniaʼö mado ngaʼötö Regueli ba danö Gedomo.+ Yaʼira andrö maʼuwu Mbasamata foʼomo Gezau.
18 Ono matua si tumbu khö Goholibama foʼomo Gezau: Yehusi, Yaelamo ba Kora. Daʼö zondröniaʼö mado ngaʼötö Goholibama ono Ana.
19 Daʼö nono matua si tumbu khö Gezau sondröniaʼö madora. Yaʼia andrö Edomo.+
20 Ono matua si tumbu khö Zeʼira niha Hori, niha si tumbu ba soi daʼö:+ Lotana, Sobala, Sibeona, Ana,+
21 Disono, Ezeri ba Disano.+ Daʼö zondröniaʼö mado niha Hori, ono Zeʼira, ba danö Gedomo.
22 Ono matua si tumbu khö Lotana yaʼia daʼö Hori ba Hemama. Talifusö Lotana alawe yaʼia daʼö Timena.+
23 Ono matua si tumbu khö Zobala yaʼia daʼö Alawana, Manahata, Ebala, Sefo ba Onamo.
24 Ono matua si tumbu khö Zibeona+ yaʼia daʼö Aya ba Ana. Ana andre zanöndra umbu nidanö saukhu ba danö si mate me ikubaloi galide khö namania Sibeona.
25 Ono matua si tumbu khö Ana yaʼia daʼö Disono, ba ononia alawe yaʼia daʼö Oholibama.
26 Ono matua si tumbu khö Disono yaʼia daʼö Hemeda, Esibana, Yiterana ba Kerano.+
27 Ono matua si tumbu khö Gezeri yaʼia daʼö Bilihano, Sawano ba Akano.
28 Ono matua si tumbu khö Disano yaʼia daʼö Usi ba Arano.+
29 Daʼa zondröniaʼö mado niha Hori: Lotana, Sobala, Sibeona, Ana,
30 Disono, Ezeri ba Disano.+ Daʼö zondröniaʼö mado niha Hori ba danö Zeʼira.
31 Daʼa razo-razo samatörö ba danö Gedomo,+ fatua lö hadöi razo ba ndraono Gizaraʼeli.+
32 Mamatörö Mbela ono Mbeori ba Gedomo, ba töi mbanua sebua khönia yaʼia daʼö Dinihaba.
33 Me no mate Mbela, Yobaba ono Zera moroi ba Mbosera daʼö wangalinia tobali razo.
34 Me no mate Yobaba, Husama moroi ba mbanua niha Demano daʼö wangalinia tobali razo.
35 Me no mate Husama, Hadada ono Mbedadi sokalaisi niha Midiano+ ba danö Moabi, daʼö wangalinia tobali razo. Töi mbanuania Awiti.
36 Me no mate Hadada, Samila moroi ba Masereka daʼö wangalinia tobali razo.
37 Me no mate Zamila, Saulo moroi ba Rehoboti sahatö ba nungo nidanö, daʼö wangalinia tobali razo.
38 Me no mate Zaulo, Baʼali-hanana ono Nakhibora daʼö wangalinia tobali razo.
39 Me no mate Mbaʼali-hanana ono Nakhibora, Hadaro wangalinia tobali razo. Töi mbanuania Fagu, ba Mehetabeʼeli döi woʼomonia ira alawe ono Materedi ono Mezahaba.
40 Daʼa döi zondröniaʼö mado ngaʼötö Gezau, daʼa göi döi nösi nomora awö döi mbanuara: Timena, Alawa, Yeteti,+
41 Oholibama, Ela, Finoni,
42 Kenasi, Temano, Mibesaro,
43 Magidieli ba Iramo. Daʼö döi zondröniaʼö mado ngaʼötö Gedomo, ba daʼö göi zi tobali töi nahiara ba danöra.+ Daʼö ngaʼötö Gezau ama niha Gedomo.+
Nisura ba gahe zura
^ Mazui ”si fatewu”.
