1 Moze 46:1-34
46 Ba mofanö Gizaraʼeli iʼohe fefu gokhötania. Me larugi Mbere-seba,+ ibeʼe zumange nitunu khö Lowalangi nifosumange namania Izaʼaki.+
2 Samuza inötö me bongi, fahuhuo Lowalangi khö Gizaraʼeli ba gangilata, ”He Yakobo, he Yakobo!” Itema li, ”Yaʼe ndraʼo.”
3 Imane Lowalangi, ”Yaʼo Lowalangi sindruhu, Lowalangi namau.+ Böi ataʼufi weʼamöi ba Miserai, börö me ba daʼö dania ubaliʼö ndraʼugö soi sebua.+
4 Yaʼo zi fao khöu dania ba danö Miserai ba yaʼo göi zolohe yaʼugö mangawuli ba daʼa.+ Yosefo zamakifu höröu* dania na mate ndraʼugö.”+
5 Aefa daʼö, mofanö Yakobo moroi ba Mbere-seba. Laʼohe ia* iraononia matua simanö göi ndraono awö woʼomora, lafatörö ba gureta nifaʼoheʼö Waraʼo.
6 Laʼohe fefu guriföra awö gama-gama niʼowuloira ba danö Ganaʼana. Ba ofeta Yakobo hegöi ngaʼötönia ba Miserai.
7 Iʼohe fefu ngaʼötönia ba Miserai yaʼia daʼö iraononia matua, iraononia alawe, simanö göi maʼuwunia ono matua hegöi maʼuwunia ono alawe.
8 Daʼa döi-töi ndraono matua khö Gizaraʼeli, yaʼia daʼö iraono matua khö Yakobo si möi ba Miserai:+ siaʼa nono matua khö Yakobo yaʼia daʼö Rubeno.+
9 Ono Rubeno yaʼia daʼö Hanokhi, Falu, Hezerono ba Karemi.+
10 Ono Zimeoni+ yaʼia daʼö Yemueli, Yamini, Ohada, Yakhino, Sohara, ba Saulo+ ono ndra alawe Ganaʼana.
11 Ono Lewi+ yaʼia daʼö Gereso, Kahati ba Merari.+
12 Ono Yehuda+ yaʼia daʼö Ero, Onani, Sela,+ Feresi+ ba Sera.+ Hizaʼi mate Gero hegöi Onani ba danö Ganaʼana.+
Ono Weresi yaʼia daʼö Hezerono ba Hamuli.+
13 Ono Gisasari yaʼia daʼö Tola, Fuwa, Yobi ba Simeroni.+
14 Ono Zebuloni+ yaʼia daʼö Seredi, Elono ba Yaleʼeli.+
15 Daʼö nono matua niʼadonogö Lea si tumbu khö Yakobo ba Wadana-aramo.* Ba tumbu göi khönia nono alawe sotöi Dina.+ Faʼato ngaʼötönia 33 niha fefu.
16 Ono Gado+ yaʼia daʼö Sifono, Hagi, Suni, Esibona, Eri, Arodi ba Areli.+
17 Ono Gaseri+ yaʼia daʼö Yimina, Yisiwa, Yisiwi ba Beria, ba talifusöra alawe yaʼia daʼö Sera.
Ono Mberia yaʼia daʼö Heberi ba Malekieli.+
18 Daʼö nono matua niʼadonogö Zilifa,+ sawuyu nibeʼe Labano khö Lea ononia alawe. Faʼato ngaʼötö Yakobo moroi khö Zilifa 16 niha fefu.
19 Ono Rakhela foʼomo Yakobo yaʼia daʼö Yosefo+ ba Beniami.+
20 Ono Yosefo yaʼia daʼö Manase+ ba Eferai,+ niʼadonogö Gasenata+ ono alawe khö Wotifera ba Miserai, ere ba Gono.*
21 Ono Mbeniami+ yaʼia daʼö Bela, Bekheri, Asibeli, Gera,+ Naʼema, Ehi, Rosi, Mufi, Hufimi+ ba Aradi.+
22 Faʼato ngaʼötö Yakobo moroi khö Rakhela 14 niha fefu.
23 Ono Dano+ yaʼia daʼö Husi.+
24 Ono Nafetali+ yaʼia daʼö Yaseʼeli, Guni, Yeseri ba Silemi.+
25 Daʼö nono matua khö Mbiliha, sawuyu nibeʼe Labano khö Rakhela ononia alawe. Faʼato ngaʼötö Yakobo moroi khö Mbiliha dafitu niha fefu.
26 Faʼato ngaʼötö Yakobo si fao khönia ba Miserai 66 niha,+ lö si farahu ba daʼö numönönia.
27 Darua nono matua si tumbu khö Yosefo ba Miserai. Faʼato nösi nomo Yakobo si tohare ba Miserai 70 niha fefu.+
28 Yehuda+ zi oföna ifatenge Yakobo ba wangombakha khö Yosefo wa so ira ba lala numalö ba Gosena. Me larugi Gosena,+
29 iwaʼö Yosefo enaʼö lahenaigö lafaʼanö guretania, ba möi ia wamalukhaisi amania Izaraʼeli ba Gosena. Me falukha ira namania, italagui mbagi ba ara sibai weʼenia.
30 Imane Izaraʼeli khö Yosefo, ”Lö saʼae afökhö khögu na matedo börö me no ifuli falukha ita ba lö si mate ndraʼugö.”
31 Aefa daʼö, imane Yosefo khö ndra talifusönia hegöi ba nösi nomo namania, ”Möido ufatunö khö Waraʼo+ wa no ofeta ba daʼa ndra talifusögu awö nösi nomo namagu moroi ba danö Ganaʼana.+
32 Ufatunö khönia wa yaʼami andrö kubalo+ sondrorogö urifö,+ ba no miʼohe fefu ba daʼa gokhötami hegöi nambi, biri-biri, ba sawi.+
33 Na ikaoni ami Faraʼo ba isofu hadia halöwömi,
34 mimane khönia, ’Ira sawuyumö andre iʼotarai me iraono sondrorogö urifö, simane ira tuama.’+ Na miwaʼö daʼö, itehegö khömi toröi ba danö Gosena,+ börö me anuzu dödö niha Miserai ba niha sokubaloi biri-biri.”+
Nisura ba gahe zura
^ Sin.: ”zameʼe tangania ba hörömö”.
^ Sin.: ”Gizaraʼeli”.
^ Eluahania ”Tanö Saloʼo Aramo (Siria); banua ba Mezofotamia”.
^ Eluahania Heliofoli.
