1 Moze 5:1-32
5 Daʼa waö-waö sanandrösa khö Gadamo. Me luo iwöwöi Gadamo andrö Lowalangi, ifazökhi Gadamo si fakhili-khili khönia.+
2 Iwöwöi ndra matua awö ndra alawe.+ Me luo tewöwöi ira,+ ifahowuʼö ba ifotöi ira Niha.*
3 Me 130 fakhe ndröfi Gadamo, tumbu khönia nono matua si fakhili-khili khönia, simane yaʼia, ba ibeʼe töi Seti.+
4 Me no tumbu Zeti, 800 fakhe tö waʼanau noso Gadamo nasa. Tumbu khönia nono matua hegöi ono alawe.
5 Ba faʼanau noso Gadamo 930 fakhe, ba mate ia.+
6 Me no irugi 105 fakhe ndröfi Zeti, tumbu khönia nono sotöi Enosi.+
7 Me no tumbu khönia Genosi, 807 fakhe tö nasa waʼanau noso Zeti. Tumbu khönia nono matua hegöi ono alawe.
8 Ba faʼanau noso Zeti 912 fakhe, ba mate ia.
9 Me no irugi 90 fakhe ndröfi Genosi, tumbu khönia nono sotöi Kenana.
10 Me no tumbu Genana, 815 fakhe tö waʼanau noso Genosi nasa. Tumbu khönia nono matua hegöi ono alawe.
11 Ba faʼanau noso Genosi 905 fakhe, ba mate ia.
12 Me no irugi 70 fakhe ndröfi Genana, tumbu khönia nono sotöi Mahalaleli.+
13 Me no tumbu Mahalaleli, 840 fakhe tö waʼanau noso Genana nasa. Tumbu khönia nono matua hegöi ono alawe.
14 Ba faʼanau noso Genana 910 fakhe, ba mate ia.
15 Me no irugi 65 fakhe ndröfi Mahalaleli, tumbu khönia nono sotöi Yaredi.+
16 Me no tumbu Yaredi, 830 fakhe tö waʼanau noso Mahalaleli nasa. Tumbu khönia nono matua hegöi ono alawe.
17 Ba faʼanau noso Mahalaleli 895 fakhe, ba mate ia.
18 Me no irugi 162 fakhe ndröfi Yaredi, tumbu khönia nono sotöi Henokhi.+
19 Me no tumbu Henokhi, 800 fakhe tö waʼanau noso Yaredi nasa. Tumbu khönia nono matua hegöi ono alawe.
20 Ba faʼanau noso Yaredi 962 fakhe, ba mate ia.
21 Me no irugi 65 fakhe ndröfi Henokhi, tumbu khönia nono sotöi Metusala.+
22 Me no tumbu Metusala, lö iböhöli Henokhi wanörö lala Lowalangi sindruhu* sagötö zi 300 fakhe. Tumbu khönia nono matua hegöi ono alawe.
23 Ba faʼanau noso Henokhi 365 fakhe.
24 Lö iböhöli Henokhi wanörö lala Lowalangi sindruhu.+ Ba lö yaʼia saʼae börö me no ifawuʼa ia Lowalangi.+
25 Me no irugi 187 fakhe ndröfi Metusala, tumbu khönia nono sotöi Lameki.+
26 Me no tumbu Lameki, 782 fakhe tö waʼanau noso Metusala nasa. Tumbu khönia nono matua hegöi ono alawe.
27 Ba faʼanau noso Metusala 969 fakhe, ba mate ia.
28 Me no irugi 182 fakhe ndröfi Lameki, tumbu khönia nono matua.
29 Ibeʼe töinia Noakhi*+ ba imane, ”Ono daʼa dania zameʼe khöda fondrara dödö* ba waʼerege dödöda hegöi ba waʼamarase dangada wohalöwö ba danö niʼelifi Yehowa.”+
30 Me no tumbu Noakhi, 595 fakhe tö waʼanau noso Lameki nasa. Tumbu khönia nono matua hegöi ono alawe.
31 Ba faʼanau noso Lameki 777 fakhe, ba mate ia.
32 Me no irugi 500 fakhe ndröfi Noakhi, tumbu khönia nono matua sotöi Semi,+ Khamo,+ ba Yafeti.+
Nisura ba gahe zura
^ Mazui ”Adamo; Niha Sato”.
^ Eluahania ifaudugö waʼaurinia ba zomasi Lowalangi.
^ Te eluahania ”Molombase; Fondrara Dödö”.
^ Mazui ”faʼahono dödö”.
