1 Moze 9:1-29
9 Aefa daʼö, ifahowuʼö Noakhi Lowalangi awö ndraononia matua imane, ”Miʼoʼono ba miʼoyaʼö ami, mifoʼösi gulidanö.+
2 Yamuʼataʼufi ami fefu ngawalö gurifö ba gulidanö, urifö si hombo ba saliwa-liwa ba danö awö giʼa ba nasi. Yaʼami zamatörö yaʼira.*+
3 Fefu gurifö sauri awö zaliwa-liwa ba danö, tola miʼa.+ Ubeʼe ömi fefu daʼö si tola miʼa, simane bulu ndruʼu.+
4 Hizaʼi, tebai miʼa+ nagole si so do,+ börö me nosonia* daʼö.
5 Baero daʼö, na so zanuwagö domö si no amaedola nosou, yaʼodo zanugi khönia. Na urifö atö daʼö, hasambalö nibunu. Na niha, hasambalö ibuʼa faoma nosonia börö me talifusöu ia.+
6 Gofu haniha zamunu awönia* niha ba hasambalö göi nibunu ia* dania,+ börö me tefazökhi niha si fakhili-khili khö Lowalangi.+
7 Ba miʼoʼono, miʼoyaʼö ami, mifoʼösi gulidanö.”+
8 Imane Lowalangi khö Noakhi hegöi ba ndraononia matua,
9 ”Iadaʼa, fawuʼu li ndraʼo khömi+ hegöi ba maʼuwumi,
10 ba fefu zonoso si fao khömi, fofo, urifö, ba fefu zonoso ba gulidanö si fao khömi, si möi baero moroi ba nowo.+
11 Fawuʼu li ndraʼo khömi: Lö saʼae tehori zonoso ba lö saʼae tekiko gulidanö ba waʼanönö danö idanö.”+
12 Imane nasa Lowalangi, ”Daʼa dandra mbuʼusa li nibeʼegu khömi ba fefu ngawalö zonoso si fao khömi, yaʼia daʼö buʼusa li soguna ofeta ba ngaʼötömi.
13 Ubeʼe ndrumi ba lawuo, daʼö zi tobali tandra mbuʼusa ligu ba gulidanö.
14 Ero ufaʼaso lawuo ba dalu mbanua, hasambalö so ndrumi ba lawuo.
15 Hasambalö itörö tödögu mbuʼusa ligu khömi ba fefu zonoso, ba lö saʼae anönö danö idanö ba wamakiko sonoso.+
16 So dania ndrumi ba lawuo, hasambalö ufaigi ba itörö tödögu mbuʼusa li si lö tebulö si no ufabuʼu ba ngawalö zonoso ba gulidanö.”
17 Imane Lowalangi khö Noakhi, ”Daʼa dandra wawuʼusa ligu ba zonoso fefu ba gulidanö.”+
18 Ono Noakhi si möi baero moroi ba nowo yaʼia daʼö Semi, Khamo, ba Yafeti.+ Ba gafuriata tumbu nono Khamo töinia Kanaʼana.+
19 Daʼö nono Noakhi si datölu, ba ngaʼötöra fefu niha si tumbu ba gulidanö.+
20 Tobali sohalöwö ba danö Noakhi samazökhi kabu nagu.
21 Samuza maʼökhö, ibadu nagu Noakhi ba mabu ia. Ba mörö ia ba nosenia lö nukha.
22 No iʼila Khamo wa lö nukha namania ba möi ifatunö khö ndra gaʼania si darua si so baero.
23 Ba lahalö mbaru sebua ira Semi ba Yafeti ba lasaitagö ba galisira, lawuwu tete weʼamöi bakha ba nose. Lafoʼambala namara ba no laʼerogö faböi laʼila wa lö nukha namara.
24 Me tokea Noakhi me döhö waʼamabunia, ba iʼila nifalua nononia siakhi andrö,
25 imane,
”Niʼelifi Ganaʼana.+
Tobali ia sawuyu fondrege niʼide-ideʼö ba gotalua ndra talifusönia.”+
26 Imane nasa,
”Nisuno Yehowa, Lowalangi Zemi,Ba tobali sawuyunia Ganaʼana.+
27 Yaʼibeʼe Lowalangi danö sebolo khö Yafeti,Ba yatoröi ia ba nose Zemi.
Tobali göi sawuyunia Ganaʼana.”
28 Faʼanau noso Noakhi 350 fakhe tö nasa me no aefa Anönö Danö Idanö.+
29 Faʼalawa ndröfi Noakhi 950 fakhe ba mate ia.
Nisura ba gahe zura
^ Mazui ”Tebeʼe ira ba dangau”.
^ Mazui ”faʼaurinia”.
^ Sin.: ”laduwagö ndronia”.
^ Sin.: ”zanuwagö do nawönia”.
