Sara Samueli 18:1-30
18 Me no aefa fahuhuo Dawido khö Zaulo, tobali si fahuwu si sökhi Yonata+ khö Dawido.* Ibörögö iʼomasiʼö Dawido andrö Yonata simane fangomasiʼönia botonia* samösa.+
2 Iʼotarai daʼö, itaha Dawido andrö Saulo ba lö itehegö na mangawuli Dawido ba nomo namania.+
3 Aefa daʼö, fawuʼu li Yonata khö Dawido+ börö me iʼomasiʼö ia Yonata simane botonia* samösa.+
4 Iheta mbaru sanau si lö taʼio khönia Yonata ba ibeʼe khö Dawido, simanö göi mbaru wasuwöta, föda, fana nifosinali, ba böbö löwi.
5 Ibörögö möi fasuwö Dawido ba oi mofozu nifaluania*+ gofu hezo ifatenge ia Saulo. Börö daʼö, ifataro ia Saulo tobali kafalo zaradadu,+ daʼa mbörö wa omuso dödö nono mbanua hegöi ira sawuyu Zaulo.
6 Me mangawuli Dawido hegöi ira awönia me no lakalaisi niha Wilisiti, möi baero fefu ndra alawe si so ba mbanua Gizaraʼeli maʼasagörö ba wamaondragö Razo Saulo ba manunö ira,+ manari, laʼomusoiʼö dödöra, labözi damburu+ hegöi kecapi.*
7 Mangowasa ndra alawe ba manunö ira lamane,
”Ribu nibunu Zaulo,Ba ngafulu ribu nibunu Dawido.”+
8 Mofönu sibai Zaulo+ ba abao dödönia börö zinunö daʼö. Imane, ”Lawaʼö wa ngafulu ribu nibunu Dawido, na yaʼodo ha ribu nibunugu. Hatö dadaoma waʼarazo zi lö nibeʼe khönia!”+
9 Iʼotarai daʼö, manahö-nahö dödö Zaulo khö Dawido.
10 Mahemolunia, itehegö Lowalangi lö sökhi-sökhi dödö Zaulo,+ ba ibörögö fawea* Zaulo ba gödo razo. Me luo daʼö, itika harafa+ Dawido simane si toʼölö. No igogohe dohonia Saulo,+
11 imane tödönia, ’Uhandro Dawido akha tetaru ia ba dowa!’ Dua kali iʼefasi dohonia+ hizaʼi lö göna khö Dawido börö me iholeʼö ia.
12 Lua-luania, ataʼu Zaulo khö Dawido börö me fao khönia Yehowa+ ba no iröi Zaulo.+
13 Andrö ifataro ia Saulo tobali kumandru zi saribu enaʼö aheta ia ba gödo razo. Dawido zondröniaʼö ira saradadu ba wasuwöta.+
14 Oi mofozu fefu nifalua Dawido*+ ba fao khönia Yehowa.+
15 Ba me iʼila wa mofozu sibai nifalua Dawido andrö, ataʼu Zaulo khönia.
16 Hizaʼi, fefu ndraono Gizaraʼeli awö niha Yehuda, laʼomasiʼö Dawido börö me yaʼia zondröniaʼö yaʼira ba wasuwöta.
17 Aefa daʼö, imane Saulo khö Dawido, ”Yaʼe nonogu alawe siaʼa, töinia Meraba.+ Ubeʼe ia khöu tobali foʼomou.+ Hizaʼi böi bulöʼö wangoromaʼö faʼabaraniu fönagu ba ae fasuwö ba wasuwöta khö Yehowa.”+ Imane tödönia Saulo, ’Enaʼö böi tangagu zolawa yaʼia. Akha tanga niha Wilisiti zamözi yaʼia.’+
18 Imane Dawido khö Zaulo, ”Haniha ndraʼodo, ba haniha zi fahatö khögu, mazui haniha nösi nomo namagu ba Gizaraʼeli wa tobali ndraʼo umönö razo?”+
19 Hizaʼi me no irugi inötö ba wameʼe Meraba ono Zaulo andrö khö Dawido, no labeʼe Meraba tobali foʼomo Gaderieli+ niha Mehola.
20 Ono Zaulo sotöi Mikhala+ omasi sibai ia khö Dawido. No irongo daʼö Saulo ba omuso dödönia.
21 Imane tödönia Saulo, ’Ubeʼe khönia Mikhala ba wamaʼala yaʼia enaʼö tanga niha Wilisiti zamözi yaʼia.’+ Aefa daʼö imane Saulo khö Dawido ba zi mendrua kali, ”Iadaʼa dataʼaroʼö gamakhaitada, tobali ndraʼugö umönögu.”
22 Ifatenge zawuyunia Saulo, ”Mihaogö wamatunö khö Dawido, böi so zamondrongo, ’Iʼomasiʼö ndraʼugö Razo ba fefu ndra sawuyunia. Börö daʼö, abölö sökhi na öʼaroʼö gamakhaitamö khö Razo tobali umönönia.’”
23 Me no lafatunö daʼö khö Dawido ira sawuyu Zaulo, imane Dawido, ”Hadia aoha moloʼö yaʼami wangaʼaroʼö amakhaita khö Razo na tobalido umönönia? Yaʼodo andre niha si numana ba si lö moguna.”+
24 Aefa daʼö lafatunö khö Zaulo ira sawuyunia, ”Daʼa niwaʼö Dawido.”
25 Me irongo daʼö Saulo imane, ”Mifatunö khö Dawido, ’Lö iʼandrö mböwö sebua Razo.+ Niʼandrönia ha si 100 uli wamatua+ niha Wilisiti ba wanulöni si faʼudu khö Razo.’” Daʼö zi no iʼera-era Saulo enaʼö mate Dawido ba danga niha Wilisiti.
26 Lafaʼema khö Dawido wehede daʼö ira sawuyunia ba fao dödö Dawido ba wangaʼaroʼö amakhaitania khö Razo, tobali ia umönö.+ Fatua lö irugi inötö si no mutatugöi,
27 mofanö Dawido fao ira nono buania ba labunu 200 niha Wilisiti, aefa daʼö labeʼe khö Razo guli wamatua niha Wilisiti ba wangaʼaroʼö amakhaitara, tobali ia umönö Razo. Andrö wa ibeʼe nononia Saulo sotöi Mikhala khö Dawido tobali foʼomonia.+
28 Aboto ba dödö Zaulo wa fao Yehowa khö Dawido+ ba iʼila wa omasi nononia Mikhala khö Dawido.+
29 Daʼa mbörö wa itugu ataʼu Zaulo khö Dawido, ba tobali si faʼudu khö Dawido Zaulo sandrohu faʼaurinia.+
30 Ero na möi zondröniaʼö niha Wilisiti ba wasuwöta, abölö oya waʼamöna Dawido* moroi khö ndra sawuyu Zaulo+ irege tehöngö döinia.+
Nisura ba gahe zura
^ Mazui ”nosonia”.
^ Mazui ”falemba dödö Yonata khö Dawido”.
^ Mazui ”nosonia”.
^ Mazui ”ba atua-tua ia wangai angetula”.
^ Daʼa wakake zinunö si tölu rozi sinali.
^ Mazui ”hulö simane samaʼeleʼö”.
^ Mazui ”Atua-tua Dawido wangai angetula”.
^ Mazui ”abölö atua-tua Dawido wangai angetula”.
