Sara Samueli 21:1-15
21 Aefa daʼö, mofanö Dawido möi ia ba Nobi+ khö gere sotöi Ahimelekhi. Ibörögö ataʼu Gahimelekhi me falukha ia khö Dawido imane, ”Hana wa ha yaʼugö, hezo so nawöu?”+
2 Imane Dawido khö Gere Ahimelekhi, ”Razo zamatenge yaʼo ba wamalua daʼa, hizaʼi iwaö khögu, ’Böi so zangila halöwö daʼa sanandrösa ba niwaʼögu khöu.’ Daʼö mbörö wa fazazi ndraʼo ba ndraono buagu enaʼö ba nahia tanö böʼö falukha ndraʼaga.
3 Na so khöu ba daʼö lima ngawua roti mazui ö tanö böʼö, beʼe khögu.”
4 Imane ere andrö khö Dawido, ”Hatö roti niʼamoniʼö zi so,+ lö hadöi roti si toʼölö. Tola muʼa daʼö asala lö sorudu nono buamö ba ndra alawe.”+
5 Imane Dawido, ”Sindruhu-ndruhu lö sorudu ndraʼaga ba ndra alawe, simane nifaluagu hegöi ono buagu ero na möido fasuwö.+ Na ba halöwö si toʼölö manö laʼamoniʼö mbotora, mendrua manö maʼökhö andre.”
6 Andrö wa ibeʼe khönia ere andrö roti niʼamoniʼö+ börö me hatö roti nibaliʼö sumange zi toröi, nihalö föna Yehowa ba mufalalini faoma roti si bohou ba ngaluo daʼö.
7 Me luo daʼö, so ba daʼö samösa zawuyu Zaulo. No lataha ia föna Yehowa. Töinia Doegi+ niha Gedomo,+ sondröniaʼö ira kubalo khö Zaulo.
8 Imane Dawido khö Gahimelekhi, ”Hadia so khöu ba daʼö doho mazui föda si tola öbeʼe khögu? Lö niʼohegu föda mazui fangöna börö me aösö sibai halöwö andre khö Razo.”
9 Imane ere andrö, ”Hatö föda Goliato+ niha Wilisiti andrö zi so ba daʼa, nikalaisimö ba Ndraso Gela.+ No mubukusi ba nukha, furi nukha gere.*+ Halö manö na omasiʼö.” Imane Dawido, ”Sambua lö hadöi föda simane daʼö. Ohe ba daʼa.”
10 Me luo daʼö, ifuli zui moloi Dawido+ börö waʼataʼunia khö Zaulo. Ba gafuriata, ofeta ia khö Gakhisi razo niha Gata.+
11 Lamane ira sawuyu Gakhisi, ”Hadia tenga Dawido ia andre, razo soi daʼö? Hadia tenga yaʼia nisuno-suno me manari niha ba manunö ira lamane,’Ribu nibunu Zaulo,Ba ngafulu ribu nibunu Dawido’?”+
12 Iʼangera-ngeragö wehede daʼö Dawido ba ataʼu sibai ia+ khö Gakhisi razo niha Gata andrö.
13 Börö daʼö, iʼosowöhö ia+ fönara, ba hulö zowöhö ia na fao ia khöra.* Ikhokhoi mbawa göli ba itehegö mowöi gilonia ba gambinia.
14 Andrö imane Akhisi khö ndra sawuyunia, ”Hadia lö miʼila wa owöhö niha daʼa? Hana wa miʼohe ia khögu?
15 Hadia ambö khögu niha sowöhö ba daʼa irege minönö wolohe samösa tö? Hadia sinangea möi yomo ba nomogu niha daʼa?”
Nisura ba gahe zura
^ Mazui ”efod”. Daʼa mbaru sebua si so tanö föna ba tanö furi.
^ Sin.: ”ba dangara”.
