Sara Samueli 31:1-13
-
Mate Zaulo hegöi ononia matua si datölu (1-13)
31 Fasuwö niha Wilisiti lalawa ndraono Gizaraʼeli.+ Moloi ndraono Gizaraʼeli labeʼe ira niha Wilisiti ba ato zi mate ba Hili Giliboa.+
2 Lö laböhöli ira niha Wilisiti wolohi Saulo hegöi iraononia matua. Labunu nono Zaulo sotöi Yonata,+ Abinadabi ba Malikhi-sua.+
3 Itugu abölö-bölö wasuwöta andrö khö Zaulo. Me no lakhamö ia si fafana, ba lafana ia irege abölö-bölö wesokhonia labeʼe.+
4 Imane Saulo ba zolohe fangönania, ”Söbi wödamö ba taruʼö khögu, enaʼö lö möi ba daʼa niha si lö nisuna+ andrö wamahö yaʼo ba lafakaodo.” Hizaʼi, lö ifalua daʼö solohe fangönania andrö börö waʼataʼunia. Andrö, ihalö wöda daʼö Saulo ba itaruʼö khönia.+
5 Me iʼila wa no mate Zaulo,+ ihalö wöda daʼö solohe fangönania ba ibunu göi ia.
6 Mate Zaulo ba zi maʼökhö daʼö, simanö göi nononia matua si datölu, solohe fangönania ba fefu zaradadunia.+
7 Me laʼila iraono Gizaraʼeli si so ba ndraso hegöi ba zi fasui Ungo Nidanö Yoridano wa no moloi zaradadu Gizaraʼeli ba no mate göi Zaulo awö nononia, laröi mbanuara ba moloi ira.+ Tohare niha Wilisiti, laʼiagö mbanua daʼö.
8 Mahemolunia, me möi niha Wilisiti ba wangai gama-gama ndra saradadu si no mate, laʼila Zaulo hegöi ononia matua si datölu, no mate ba Hili Giliboa.+
9 Lataba mbaginia, lahalö wangönania, ba lafatenge niha ba wanöröi banua Wilisiti ba wamaʼema turia+ andrö misa ba gosali nadu khöra+ hegöi ba niha mbanua.
10 Aefa daʼö, labeʼe wangönania ba gosali nadu Gasaroti ba laʼosö gamatelania ba dowa Mbetisana.+
11 Me larongo ira niha Yabesi-gileadi+ nifalua niha Wilisiti khö Zaulo,
12 mofanö fefu ndra saradadu sagabölö, sara wongi ira ba lala ba lahalö gamatela Zaulo hegöi iraononia matua moroi ba dowa Mbetisana. Mangawuli ira ba Yabesi, ba daʼö latunu gamatela Zaulo faoma ononia matua.
13 Aefa daʼö, lahalö döla zi mate+ no mege ba lakoʼo barö geu damarika ba Yabesi,+ ba fuasö ira fitu hari waʼara.
