Dua Ngaʼötö 27:1-9
-
Yotamo razo Yehuda (1-9)
27 Faʼalawa ndröfi Yotamo+ me tobali ia razo yaʼia daʼö 25 fakhe, ba 16 fakhe mamatörö ia ba Yeruzalema. Töi ninania yaʼia daʼö Yeruza ono Zadoki.+
2 Lö iböhöli wamalua satulö föna Yehowa simane amania Usia,+ hizaʼi lö ifaso weʼamöi bakha ba gosali Yehowa.+ Hewaʼae simanö, lö laböhöli wamalua si lö sökhi soi daʼö.
3 Ifazökhi mbawa göli tanö yawa ba nomo Yehowa,+ ba oya nifazökhinia ba göli Gofeli.+
4 Ifazökhi göi mbanua+ si so ba hili Yehuda+ awö nahia nifoʼöli+ hegöi malige+ misa ba gatua.
5 Fasuwö ia ba wolawa razo niha Gamoni+ ba möna ia irege ba ndröfi daʼö labeʼe khönia ira niha Gamoni 3,4 ton* wirö, 2.200.000 liter* gandru, ba 2.200.000 liter barli. Ba ndröfi si mendrua hegöi si medölu,+ lafalua nasa zimane daʼö ira niha Gamoni.
6 Itugu monönö waʼabölö Yotamo börö me itörö lala satulö* föna Lowalanginia Yehowa.
7 Fefu waö-waö tanö böʼö sanandrösa khö Yotamo, fasuwötania awö zi no ifalua, no tesura daʼö ba Mbuku Razo-Razo Ndraono Gizaraʼeli hegöi Yehuda.+
8 Faʼalawa ndröfinia me tobali ia razo yaʼia daʼö 25 fakhe, ba 16 fakhe mamatörö ia ba Yeruzalema.+
9 Ba gafuriata, mate Yotamo* ba lakoʼo ia ba mbanua Dawido,+ ba ononia Ahasi zi tobali razo fangalinia.+
Nisura ba gahe zura
^ Mazui ”me ihonogöigö lalania; me ihenaigö lalania”.
^ Sin.: ”lafadölö Yotamo ba ngai ndra tuania”.