Dua Ngaʼötö 31:1-21
31 Me no awai, mofanö fefu ndraono Gizaraʼeli möi ira ladozigö mbanua Yehuda ba wangohori ehomo niʼamoniʼö,*+ laʼobö döla-döla niʼamoniʼö,*+ ba ladudugö fefu naha wamosumange*+ awö naha wanunu sumange+ ba Yehuda hegöi ba Mbeniami, simanö göi ba Geferai faoma Manase+ irege ahori fefu. Aefa daʼö, mangawuli fefu ndraono Gizaraʼeli ba mbanuara, ba danöra zamösana.
2 Itatugöi Hizikia ngawawa ndra ere+ hegöi ngawawa niha Lewi.+ Ero sambua ngawawa ndra ere hegöi niha Lewi latema halöwöra zamösana.+ Labeʼe zumange nitunu ba sumange fangatulö, mangai halöwö ira khö Lowalangi, lasuno ba laʼandrö saohagölö khönia ba mbawa göli golayama* ba zi fasui osali Yehowa.+
3 So ösa dana khö Razo nibeʼe tobali sumange nitunu,+ farahu ba daʼö zumange nibeʼe ero sihulö wongi hegöi na bongi,+ simanö göi zumange nitunu na luo Sabato,+ baŵa si bohou,+ ba owasa,+ moloʼö Oroisa Yehowa si no tesura.
4 Iwaʼö ba niha Yeruzalema ba wameʼe tana khö ndra ere hegöi niha Lewi,+ enaʼö afönu fefu wamaluara oroisa Yehowa.
5 Lö ara me no tebeʼe goroisa daʼö, oya ziaʼa mbua nowi ba fondrege zi sökhi nibeʼe ndraono Gizaraʼeli, bua nagu si bohou, fanikha,+ wewani, ba fefu mbua zinanö ba mbenua.+ Oya sibai niʼohera, sambua niʼofulu moroi ba ngawalö hadia ia.+
6 Iraono Gizaraʼeli hegöi niha Yehuda si toröi ba mbanua Yehuda, laʼohe zi sambua niʼofulu zawi awö mbiri-biri, ba sambua niʼofulu moroi ba gama-gama niʼamoniʼö+ khö Lowalangira Yehowa. Oya sibai niʼohera ba fahöna.
7 Labörögö wameʼe tolo-tolo andrö ba mbaŵa si tölu,+ ba awai ba mbaŵa si fitu.+
8 Me tohare Hizikia awö ndra sondröniaʼö ba wamaigi tolo-tolo si no muʼowuloi andrö, lasuno Yehowa ba laʼandrö howu-howu ba nono mbanuania Izaraʼeli.
9 Manofu Hizikia khö ndra ere hegöi ba niha Lewi sanandrösa ba dolo-tolo si no laʼowuloi andrö,
10 ba imane Asaria kafalo gere moroi ba nösi nomo Zadoki, ”Iʼotarai me laʼohe dolo-tolo ba nomo Yehowa,+ manga fefu niha ba abuso ira, hizaʼi oya nasa zi toröi börö me ifahowuʼö nono mbanuania Yehowa. Yaʼe nasa, oya sibai zi toröi.”+
11 Me irongo daʼö Hizikia, ifatenge ira ba wangehenaigö naha wangiröʼö*+ ba nomo Yehowa ba lafalua daʼö.
12 Lö faröi ira wolohe tolo-tolo, si sambua niʼofulu,+ hegöi gama-gama niʼamoniʼö. Lafataro Khanania niha Lewi tobali samaigi-maigi, ba talifusönia Simeʼi ganetenia.
13 Yehieli, Azasia, Nahata, Azaheli, Yerimoto, Yosabada, Elieli, Yesimakhia, Mahata, ba Benaya, yaʼira andre zanolo Khanania ba talifusönia Simeʼi, moloʼö si no iwaʼö Razo Hizikia, ba Asaria zamaigi-maigi omo Lowalangi sindruhu.
14 Koresi ono Yimina, niha Lewi sanaro bawa göli tanö ba gatumbukha,+ lafataro ia wamöfögö tolo-tolo si no aoha gölö fameʼe+ khö Lowalangi sindruhu. Yaʼia göi zombagi tolo-tolo nibeʼe khö Yehowa+ awö gama-gama fondrege niʼamoniʼö.+
15 Yaʼia zamaigi-maigi Edena, Miniami, Yesua, Semaya, Amaria, ba Sekhania, ba mbanua ndra ere,+ si no tebeʼe halöwö nifaduhusi tödö. Mohalöwö ira ba wombagi tana khö ndra talifusöra moloʼö ngawawara.+ Fagölö waʼebua nibeʼe khö zatua hegöi ba zawuyu-wuyu.
16 So göi dana khö nono matua si töra tölu fakhe si no tesura töi ba waö-waö ngaʼötö, si möi ero maʼökhö ba nomo Yehowa ba samalua halöwö moloʼö ngawawara.
17 Lafazökhi zura waö-waö ngaʼötö ndra ere moloʼö ösi nomo zatuara ira matua,+ simanö göi ba niha Lewi si töra 20 fakhe+ si no tesura töi moloʼö halöwö ngawawara.+
18 Si no tesura töi ba waö-waö ngaʼötö andrö yaʼia daʼö fefu ndraonora, foʼomora ira alawe, ba onora matua hegöi onora alawe, ba fefu niha Lewi si no owulo. Laʼamoniʼö ira ba wondrorogö ngawalö niʼamoniʼö börö me no tebeʼe khöra halöwö nifaduhusi tödö.
19 Si no tesura töi ba waö-waö ngaʼötö andrö göi yaʼia daʼö ngaʼötö Gaʼaroni, ira ere si toröi ba mbenua soduʼu ba zi fasui mbanuara.+ Dozi banua so ndra matua si no mufili ba wombagi tana khö ndra matua ba ngawawa gere, ba dozi niha si no tesura töi ba zura waö-waö ngaʼötö niha Lewi.
20 Daʼö nifalua Hizikia ba zi sagörö tanö Yehuda. Lö iböhöli wamalua si sökhi, satulö, ba lö faröi ia khö Lowalanginia Yehowa.
21 Soroi ba dödö ifalua halöwönia ba wangalui Lowalanginia, soʼamakhaita ba halöwö nifaluania ba nomo Lowalangi sindruhu+ mazui moloʼö Oroisa ba amakhoita Lowalangi. Fefu nifaluania ba oi mofozu.
Nisura ba gahe zura
^ Sin.: ”nahia sagalawa”.
^ Faigi Geluaha Ngawua Wehede.
^ Faigi Geluaha Ngawua Wehede.
^ Sin.: ”nose”.
^ Mazui ”nahia wemanga”.
