Dua Ngaʼötö 4:1-22
4 Ba ifazökhi naha wanunu sumange moroi ba tembaga+ 8,9 meter waʼanau, 8,9 meter waʼebolo, ba 4,5 meter waʼalawa.*
2 Aefa daʼö, ifazökhi naha wangöhöna idanö sowulo-wulo nifotöi Asi Tembaga,+ faʼalawania mato dua meter.* Faʼebolo mbawa naha nidanö andrö 4,5 meter* iʼotarai mbalö faföfö, ba fasui maʼafefu 13,4 meter.*+
3 Tanö tou mbawa naha nidanö, no lafodombua wamaʼoli gambara labu+ samasui Asi Tembaga andrö. Fulu ngawua labu ero 44,5 sentimeter.* Ha sambua tuangara naha wangöhöna idanö andrö.
4 Lafedadao Nasi Tembaga andrö ba hulu wamaedo zawi si matua si 12 ngaʼeu,+ 3 zangotahögö tanö yöu, 3 ba gaekhula, 3 tanö raya ba 3 tanö ba gatumbukha. Fefu zawi andrö laʼerogö Nasi Tembaga daʼö.
5 Faʼaweʼe-weʼe dowa Nasi daʼö simane faʼebolo laluʼa danga,* bawania simane bawa mako, simane bowo mbunga lili samoka. Tola monaha 66.000 liter* nidanö ba nasi daʼö.
6 Aefa daʼö ihaogö fulu ngawua naha nidanö, lima ba gambölö ba lima ba gabera.+ Lasasai ba daʼö fefu niʼogunaʼö ba wameʼe sumange nitunu,+ hizaʼi laʼogunaʼö Nasi daʼö ira ere ba wanasai yaʼira.+
7 Ifazökhi fulu ngawua naha wandru moroi ba ganaʼa+ simane si no mutatugöi,+ ba labeʼe daʼö ba gosali, lima ba gambölö ba lima ba gabera.+
8 Ifazökhi göi fulu ngawua meza ba ibeʼe daʼö ba gosali, lima ba gambölö ba lima ba gabera.+ Aefa daʼö, ifazökhi 100 ngawua mako moroi ba ganaʼa.
9 Ifazökhi golayama+ ndra ere+ hegöi olayama sebolo*+ awö mbawandruhönia, ba ifoʼuli mbawandruhö daʼö faoma tembaga.
10 Ifedadao Nasi Tembaga ba gambölö, tanö raya gatumbukha.+
11 Ifazökhi naha nidanö tanö böʼö Hiramo, tambila hegöi mako.+
Iʼasiwai fefu halöwönia khö Razo Selomo ba nomo Lowalangi sindruhu:+
12 dua rozi gehomo+ hegöi högö gehomo si hulö mako; dombua zaiwa+ sombalugö högö gehomo si dua rozi andrö;
13 ba 400 ngawua gambara dalimo+ ba zaiwa si dombua nifasa ba högö gehomo si dua rozi andrö si hulö mako,+ ba dombua famaʼoli gambara dalimo ero sambua saiwa;
14 fulu ngawua gureta ba fulu naha nidanö;+
15 Asi Tembaga ba 12 ngaʼeu zawi si matua tanö tounia;+
16 embe, tambila, garafu+ hegöi gama-gama si takile tanö böʼö moroi ba tembaga nifazökhi Hiramo-abiwi+ khö Razo Selomo ba nomo Yehowa.
17 Ibeʼe goroisania Razo enaʼö mufazökhi fefu daʼö ba tuanga moroi ba dambu laʼuri si so ba Yoridano, ba gotalua Zukhota+ awö Zereda.
18 Oya sibai gama-gama nifazökhi Zelomo irege tebai mutatugöi hawaʼabua tembaga andrö maʼafefu.+
19 Ifazökhi fefu gama-gama daʼa+ Selomo ba nomo Lowalangi sindruhu: naha wanunu sumange moroi ba ganaʼa;+ meza+ ba wameʼe roti nibaliʼö sumange;+
20 naha wandru ba fandru moroi ba ganaʼa si sökhi,+ nifohola föna mbateʼe tanö bakha simane si no mutatugöi;
21 bunga, fandru ba folazi tali wandru, fefu daʼö oi moroi ba ganaʼa si sökhi;
22 famunu galitö, tambala, mako, naha mbo galitö, fefu daʼö oi moroi ba ganaʼa si sökhi; awö mbawandruhö weʼamöi bakha ba nomo daʼö, bawandruhö mbateʼe tanö bakha ba Nahia Wondrege Niʼamoniʼö+ hegöi bawandruhö Nahia Niʼamoniʼö* oi moroi ba ganaʼa maʼafefu.+