Dua Ngaʼötö 8:1-18
8 Me no awai ifazökhi nomo Yehowa andrö Selomo hegöi gödo razo ba zi 20 fakhe faʼara,+
2 ihaogö mangawuli mbanua nibeʼe Hiramo+ ba ifataro ndraono Gizaraʼeli ba daʼö.
3 Aefa daʼö, möi Zelomo ba Hamata-zoba ba irabu mbanua daʼö.
4 Iʼaroʼö mbanua Dadimoro si so ba danö si mate ba fefu mbanua naha wangiröʼö+ gama-gama nifazökhinia ba Hamata.+
5 Iʼaroʼö göi Mbeti-horona Tanö Yawa+ ba Beti-horona Tanö Tou,+ ifasa dowa, bawandruhö, hegöi baʼa-baʼa.
6 Simanö göi Mbaʼalata+ ba fefu mbanua naha wangiröʼö gama-gama khö Zelomo, banua wangiröʼö kureta wasuwöta,+ banua nahia waʼatoröi zi fakudo, ba fefu zedöna ifazökhi Selomo ba Yeruzalema, ba Libano awö soi nifatörönia maʼafefu.
7 Dozi si toröi ba gotalua niha Kheti, niha Gamori, niha Weresi, niha Hewi, niha Yebusi,+ si lö farahu ba ndraono Gizaraʼeli,+
8 yaʼia daʼö ngaʼötöra si lö labunu iraono Gizaraʼeli ba soi andrö,+ ifaso ira Selomo ba wohalöwö tobali sawuyu irugi maʼökhö.+
9 Hizaʼi, lö hadöi ba gotalua ndraono Gizaraʼeli nifataronia tobali sawuyu sohalöwö khönia,+ börö me lafataro ira tobali saradadu, kafalo ngoni-ngoni razo, hegöi kafalo zaradadu solohe kureta wasuwöta awö zi fakudo.+
10 So 250 zondröniaʼö banua khö Razo Selomo, samaigi-maigi ira sohalöwö.+
11 Ifasambua Selomo nono Waraʼo ono alawe+ moroi ba Mbanua Dawido numalö ba nomo nifazökhinia khönia,+ börö me imane, ”Hewaʼae yaʼia andrö foʼomogu, tebai toröi ia ba gödo Dawido razo ndraono Gizaraʼeli, me no niʼamoniʼö fefu nahia si no irai tobali naha Dawöla Yehowa.+
12 Aefa daʼö, ibeʼe Selomo zumange nitunu+ khö Yehowa ba naha wanunu sumange khö Yehowa,+ si no ifazökhi föna kaki lima.+
13 Simane niʼoroiʼö ba goroisa Moze, iʼoʼö fefu zi toʼölö mufalua sero maʼökhö ba ibeʼe zumange ba luo Sabato,+ ba mbaŵa si bohou,+ hegöi ba gowasa nitatugöi si tölu kali ero röfi,+ yaʼia daʼö Owasa Roti si Lö Mufaruka Ragi,+ Owasa Ero Migu,+ ba Owasa Nose Ndraha Geu.*+
14 Simane si no itatugöi amania Dawido, ifataro ngawawa gere ba wamalua halöwöra,+ simanö göi niha Lewi awö halöwöra, ba wanuno Lowalangi+ hegöi ba wangai halöwö föna ndra ere, simane si toʼölö mufalua sero maʼökhö. Ba ifataro göi ngawawa zanaro bawa göli misa,+ börö me daʼö goroisa Dawido, enoni Lowalangi sindruhu.
15 Laʼoʼö fefu goroisa Razo nifaʼemania khö ndra ere awö niha Lewi, sanandrösa ba naha wangiröʼö hegöi tanö böʼönia.
16 No toföfö* fefu halöwö Zelomo iʼotarai me awena lafasa wondrasi nomo Yehowa irege awai.+ Börö daʼö, awai saʼae mufazökhi nomo Yehowa.+
17 Ba mofanö Zelomo ba Gesiono-geberi+ numalö ba Geloti+ si so ba zinga nasi ba mbanua Gedomo.+
18 Ifatenge ndra enoninia Hiramo+ ba wamaʼoheʼö köfa awö zohalöwö ba nasi si no toʼölö khö Zelomo. Fao ira khö ndra enoni Zelomo weʼamöi ba Gofiri+ ba lahalö 15,39 ton* ganaʼa moroi ba daʼö,+ ba laʼohe khö Razo Selomo.+
