Dua Korindro 10:1-18
10 Yaʼo Faulo, uʼandrö khömi si fao faʼasökhi dödö ba falöʼalio mofönu simane Keriso.+ So zangumaʼö wa niha si lö faʼabölö ndraʼo na falukha khömi,+ hizaʼi barani na lö si falukha.+
2 Utötöna na tohare ndraʼo, lö moguna uʼoromaʼö waʼabeʼegu ba niha si no mangumaʼö wa era-era niha gulidanö niʼoʼöma.
3 Hewaʼae ba gulidanö daʼa auri ndraʼaga, lö fasuwöga moloʼö fangera-ngera niha gulidanö,
4 börö me tenga moroi ba gulidanö andre wangönama ba wasuwöta,+ hizaʼi moroi khö Lowalangi,+ andrö wa tola madudugö gofu hadia ia zi no aro.
5 Madudugö lala wangera-ngera si fasala hegöi ngawalö daha-taha nifazökhi ba wolawa faʼaboto ba dödö khö Lowalangi.+ Maböbö wangera-ngera enaʼö moloʼö ia khö Keriso.
6 No mafaʼanö ndraʼaga wanguhuku gofu haniha zi lö moloʼö,+ na no miforomaʼö wa afönu woloʼömi.
7 Mitatugöi hadia ia moloʼö niʼilami. Na faduhu dödö zi samösa niha wa okhöta Keriso ia, moguna itörö tödönia wa okhöta Keriso göi ndraʼaga, simane yaʼia.
8 No ibeʼe khöma Soʼaya kuaso ba wangaʼaroʼö yaʼami, tenga enaʼö awuwu ami.+ Hewaʼae talafo usuno-suno daʼö, ba lö ailado.
9 Lö omasido na miwaʼö tödömi, ufetaʼu-taʼu ami ba zura nifaʼoheʼögu.
10 So zangumaʼö, ”Surania andrö talafo abeʼe ba fatandro, hizaʼi na so ia ba gotaluada, hulö niha si lö faʼabölö ba lö eluaha wehedenia.”
11 Niha sangumaʼö daʼö moguna iʼila wa hasambalö mafalua hadia niwaʼöma ba zura na so ndraʼaga ba gotaluami.+
12 Lö omasiga mafaomagö mazui mafaedogö ndraʼaga ba niha soʼalawaʼö yaʼia.+ Lö fangera-ngerara börö me lafaigi ira moloʼö fangera-ngerara samösa, ba lafaedogö ira ba khöra samösa.+
13 Lö masuno ndraʼaga töra moroi ba halöwö nifaluama. Hizaʼi, mahöni ndraʼaga moloʼö ola halöwö si no itatugöi* Lowalangi khöma, ba möi ndraʼaga göi khömi.+
14 Sindruhunia lö nitaluʼima nola halöwö me möi ndraʼaga khömi, hulö dania lö tefarahu ami ba nola andrö, börö me yaʼaga zi oföna sibai manuriaigö khömi turia somuso dödö sanandrösa khö Keriso.+
15 Lö masuno ndraʼaga ba waʼerege dödö niha böʼö, si tenga halöwö nibeʼe khöma, hizaʼi matötöna enaʼö tedou ami ba wamati, irege tedou mbua halöwöma ba mbanua sohalöwö yaʼaga. Na simanö, itugu ebolo mbanua niʼohalöwögöigöma,
16 ba tola maturiaigö duria somuso dödö ba mbanua saröu misa ba zi toröi yaʼami. Andrö lö masuno ndraʼaga ba halöwö serege dödö niha böʼö ba mbanua sohalöwö yaʼira.
17 ”Na so zanuno yaʼia, ba yamusuno ia börö Yehowa.”*+
18 Niha niʼomasiʼö Yehowa* tenga soʼalawaʼö yaʼia,+ hizaʼi niha niʼalawaʼönia.+
