Dua Korindro 2:1-17
2 No uhalö gangetula na ufuli uʼondrasi ami ba lö ubusi dödömi.
2 Na ubusi dödömi, haniha nasa zondrara tödögu baero niha nibusigu tödö?
3 Me luo daʼö usura khömi zura enaʼö na tohare ndraʼo, lö labusi dödögu niha sangomusoiʼö tödögu menaʼö, börö me uʼila na so zi möi fangomuso dödögu, ba möi göi fangomuso dödömi.
4 Usura daʼö si fao feʼe börö waʼabu dödögu ba wamakao. Tenga enaʼö abu dödömi,+ enaʼö aboto ba dödömi wa uʼomasiʼö sibai ami.
5 Na so zamusi tödömi,+ tenga yaʼo nibusinia tödö, hizaʼi yaʼami fefu. Lö omasido na oya ufatunö khömi daʼa.
6 No tobönö degu-tegu sabeʼe me no ato zangotuʼö niha daʼö.
7 Iadaʼa, mibologö dödömi khönia ba mirara dödönia,+ enaʼö lö awuwu* ia ba waʼabu dödö.+
8 Börö daʼö, uʼandrö khömi enaʼö faduhu dödönia wa miʼomasiʼö ia.+
9 Me luo daʼö, ufaʼoheʼö khömi zura ba wamaigi hadia so khömi woloʼö ba ngawalö hadia ia.
10 Na mibologö dödömi ba zi samösa niha ba ubologö göi dödögu. Sindruhunia, me uʼefaʼö zala, ufalua daʼö börö ami föna Keriso
11 enaʼö lö iʼodela* ita Satana,+ tenga sa zi lö taʼila dandrawa nifaluania.*+
12 Me no urugi ba Deroa+ ba wanuriaigö turia somuso dödö sanandrösa khö Keriso, ba no tebokai khögu mbawandruhö ba wangai halöwö Zoʼaya,
13 lö ahono-hono dödögu börö me lö si falukha ndraʼo khö dalifusögu Dito.+ Andrö, mangona ndraʼo khö ndra talifusö ba möido ba Makedonia.+
14 Taʼandrö saohagölö khö Lowalangi si lö tebulö mondröniaʼö yaʼita ba wangowasaini faʼamöna si fao khö Keriso, ba iʼogunaʼö ita ba wangombakha* misa faʼaboto ba dödö sanandrösa khönia, si no amaedola hua somuhua!
15 Na taturiaigö Keriso, hulö hua somuhua ita soʼanöröi otalua niha niʼorifi hegöi niha nihori ba wamaigi Lowalangi.
16 Hulö hua solohe faʼamate daʼö ba wamaigi niha nihori,+ hizaʼi hulö hua solohe ba waʼauri daʼö ba wamaigi niha niʼorifi. Haniha zinangea mamalua halöwö daʼa?
17 Yaʼaga, börö me lö maʼamawa* daromali Lowalangi,+ tenga simane niha sato. Fahuhuo ndraʼaga soroi ba dödö föna Lowalangi tobali soloʼö khö Keriso, nifatenge Lowalangi.
Nisura ba gahe zura
^ Mazui ”lö alömö”.
^ Mazui ”lö ilimo”.
^ Mazui ”gera-erania”.
^ Mazui ”wanuriaigö”.
^ Mazui ”lö maʼalui hare ba”.
