Dua Korindro 9:1-15
9 Sindruhunia, lö moguna usura khömi zura sanandrösa ba wanolo niha niʼamoniʼö.+
2 Aboto ba dödögu waʼaoha gölömi, nisuno-sunogu khö ndra talifusö ba Makedonia me umane, ”Banua Nakhaya andrö no lafaʼanö ira me döfi silalö.” Faʼaterou dödömi andrö zi möi famarou dödö zato.
3 Iadaʼa, ufatenge khömi ndra talifusöda andre, enaʼö böi tobali faya wanunoma yaʼami, ba enaʼö no mifaʼanö ami simane niwaʼögu khöra.
4 Na tohare ndra talifusöda moroi ba Makedonia si möi awögu ba laʼila wa lö nifaʼanömi yaʼami, aila ndraʼaga hegöi yaʼami börö me no mafaduhusi tödö ami.
5 Börö daʼö, moguna uʼandrö khö ndra talifusöda andre enaʼö yaʼira zi oföna tohare ba wamalukhaisi yaʼami, ba laʼowuloi dolo-tolo si no mifabuʼu. Na no owulo fefu dolo-tolo andrö, ba daʼö oroma waʼoböwömi, tenga nifaso.
6 Niha sangatalisi tanömö, ba lö oya-oya ibasi dania, niha si lö mangalimagösi tanömö ba oya ibasi dania.+
7 Dozi niha enaʼö labeʼe balazi dödöra zamösana, böi abua gölö ba tenga nifaso,+ sameʼe si fao faʼomuso dödö, daʼö sa zomasi Lowalangi.+
8 Baero daʼö, tola ihöna khömi waʼasökhi dödö sebua* Lowalangi, enaʼö lö moʼamböta ami ba ngawalö hadia ia ba fahöna khömi ngawalö zoguna ba wamalua amuata si sökhi.+
9 Tefaudu simane niwaʼö ba zura, ”Oböwö ia; omasi ia itolo niha si numana. Faʼasökhi dödönia lö tebulö irugi zi lö aetu.”+
10 Lowalangi zangehenaigö tanömö zinanö soya khö zanaru awö roti niʼa, ihenaigö ba ifowinaeta khömi danömö nitanö, enaʼö oya nibasimi moroi ba mbua-buami si sökhi.
11 Tefahowuʼö ami ba ngawalö hadia ia irege oya lala si tola mifalua ba wangoromaʼö faʼoböwö. Faʼoböwö simane daʼö niforomaʼömi khöma, möi fangandrö saohagölö khö Lowalangi,
12 börö me halöwö daʼa tenga ha fombönökhi soguna ba niha niʼamoniʼö,+ hizaʼi enaʼö ato zangandrö saohagölö khö Lowalangi.
13 Halöwö nifaluami zangoromaʼö haniha ami sindruhunia, irege tola lafolakhömi Lowalangi börö me miʼoʼö duria somuso dödö sanandrösa khö Keriso si no mituriaigö, ba börö me oböwö ami wameʼe tolo-tolo khöra hegöi ba niha fefu.+
14 Mangandrö ira salahimi ba laʼomasiʼö ami, börö waʼafahöna waʼasökhi dödö sebua* moroi khö Lowalangi ba dödömi.
15 Taʼandrö saohagölö khö Lowalangi ba mbualania si tebai tasuʼa.
