2 Moze 34:1-35
34 Imane Yehowa khö Moze, ”Fuli fazökhi dua ngaʼörö gara simane siföföna.+ Ba gara si dua ngaʼörö andrö, usura dania ngawua wehede simane nisuragu ba wamobörö+ fatua lö örasa.+
2 Faʼanö ndraʼugö börö me möiʼö ba Hili Zinaʼi mahemolu sihulö wongi ba wamalukhaisi yaʼo ba zuzu hili daʼö.+
3 Hizaʼi, tebai öʼohe nawöu ba tebai so danö böʼö zi möi ba hili daʼö. Tebai möi nambi, biri-biri, mazui sawi ba wemanga duʼu föna hili daʼö.”+
4 Börö daʼö, ifazökhi dua ngaʼörö gara Moze simane siföföna. Maoso ia sihulö wongi sibai ba numalö ia yawa ba Hili Zinaʼi. No igogohe gara si dua ngaʼörö andrö, simane niwaʼö Yehowa khönia.
5 Ba möi tou+ Yehowa ba lawuo, ihatöʼö ia khö Moze ba ifaduhuʼö wa töinia andrö Yehowa.+
6 Itörö fönania Yehowa ba imane, ”Yehowa, Lowalangi sahakhö tödö+ Yehowa andrö ba si sökhi böwö,+ lö alio mofönu+ ba fahöna waʼomasi si lö faröi+ ba faʼaduhu,*+
7 sangoromaʼö faʼomasi si lö faröi ba niha si hauga ribu faʼato.+ Iʼefaʼö zala, olalöwa, horö,+ hizaʼi lö iʼefaʼö niha si lö sökhi moroi ba wanguhuku.+ Na so niha si fasala, iraononia dania zoluʼi lua-lua horö nifaluania andrö, maʼuwunia hegöi mahonia.”+
8 Iʼanemaiʼö ituhi danö Moze ba mangalulu ia.
9 Imane, ”He Yehowa, uʼila wa soi sabeʼe högö* ndraʼaga.+ Hizaʼi, na sindruhu-ndruhu omuso dödöu khögu, uʼandrö khöu fao khöma.+ He Yehowa, efaʼö zala awö horö nifaluama+ ba temaʼö ndraʼaga tobali ono mbanuamö.”
10 Imane Lowalangi, ”Iadaʼa fawuʼu li ndraʼo khömi: Ufalua dania fönami fefu ngawalö zahöli-höli dödö si lö irai alua* ba zi sagörö ulidanö mazui ba ngawalö soi.+ Anehe dania soi ba zi fasuimi halöwö Yehowa. Daʼö dania zahöli-höli dödö nifaluagu khömi.+
11 ”Ufofanö dania fönami niha Gamori, niha Ganaʼana, niha Kheti, niha Weresi, niha Hewi, ba niha Yebusi.+ Börö daʼö, haogö wamondrongo oroisa nifaʼemagu khöu maʼökhö.+
12 Miʼangelama faböi fawuʼu li ami ba niha mbanua nirugimi dania,+ börö me tobali tandrawa khömi daʼö.+
13 Fakiko naha wanunu sumange andrö khöra, dudugö gehomo niʼamoniʼö,* ba obö döla-döla niʼamoniʼö.*+
14 Böi fosumange lowalangi tanö böʼö,+ börö me Yehowa andrö Lowalangi* sangumaʼö ba nono mbanuania enaʼö ha yaʼia nifosumange.* Omasi ia na ha yaʼia nifosumange.+
15 Böi fawuʼu li ami ba niha sowanua ba daʼö. Na lafosumange* lowalangira ba labeʼe zumange nitunu,+ ba lakaoni göi ami, lua-luania fao ami khöra ba wemanga gö nibeʼera sumange.+
16 Ba mifangowalu dania nonomi matua ba ndraonora alawe.+ Börö me lafosumange* lowalangira iraono alawe andrö, lua-luania tola tedönisi ndraonomi matua ba wamalua daʼö.+
17 ”Böi mifazökhi khömi nadu.*+
18 ”Mifalua Gowasa Roti si Lö Mufaruka Ragi+ ba mbaŵa Abibi,*+ börö me ba mbaŵa daʼö aheta ami moroi ba danö Miserai. Ba ginötö si no mutatugöi ba mbaŵa daʼö, miʼa roti si lö mufaruka ragi fitu hari waʼara, simane si no uwaʼö.
19 ”Fefu nono siaʼa* tobali tana khögu,+ farahu ba daʼö ziaʼa gurifö si matua, he sawi mazui biri-biri.+
20 Siaʼa nono galide misanu faoma biri-biri. Na lö misanu, ba mifatö mbagi galide andrö. Fefu göi nonomi siaʼa enaʼö misanu.+ Tebai so zangondrasi yaʼo na lö hadöi nibeʼenia khögu.
21 ”Tola mohalöwö ami ba zi önö ngaluo, hizaʼi ba ngaluo si fitu enaʼö molombase ami*+ hewaʼae na baŵa wananö daʼö mazui baŵa wamasi.
22 ”Mifalua Gowasa Ero Migu ba mibeʼe sumange ziaʼa mbua gandru khömi. Ba mifalua göi Gowasa Fangowuloi* ba gangohorita ndröfi.+
23 ”Tölu kali ba zi döfi, fefu ndra matua enaʼö laʼondrasi Lowalangi sindruhu sotöi Yehowa, Lowalangi ndraono Gizaraʼeli.+
24 Na möi ami ba wangondrasi Lowalangi Yehowa tölu kali ba zi döfi, lö si tola morabu soimi. Ufofanö fefu soi böʼö fönami+ ba uʼeboloʼö dania danömi.
25 ”Böi mibeʼe khögu ndro gurifö si tobali sumange ba gofu hadia ia zi no mufaruka ragi.+ Tebai muʼiröʼö zumange ba Gowasa Fasa ofeta mahemolu sihulö wonginia.+
26 ”Miʼohe ba nomo Lowalangimi Yehowa ziaʼa mbua nowi khömi fondrege zi sökhi.+
”Böi mirino nono nambi ba zusu ninania.”+
27 Ifuli zui fahuhuo Yehowa khö Moze, ”Sura fefu ngawua wehede daʼa,+ börö me moloʼö fehede daʼa wamazökhigu buʼusa li khöu hegöi ba ndraono Gizaraʼeli.”+
28 Ba daʼö manö so Moze fao ira Yehowa 40 ngaluo ba 40 wongi waʼara. Lö manga ia ba lö mamadu hadia ia.+ Ba gara si dua ngaʼörö andrö, isura ngawua wehede buʼusa li, yaʼia daʼö si Fulu Oroisa.*+
29 Aefa daʼö, möi mitou Moze moroi ba Hili Zinaʼi ba no igogohe gara Wamaduhuʼö si dua ngaʼörö.+ Börö me khö Lowalangi fahuhuo Moze, lö iʼila wa mohaga mbawania.
30 Me falukha Gaʼaroni khö Moze awö ndraono Gizaraʼeli, ataʼu lafahatö ira khönia börö me mohaga mbawania.+
31 Ikaoni ira Moze. Ba tohare Gaʼaroni awö ndra sondröniaʼö fefu lafahatö ira khö Moze, ba fahuhuo khöra Moze.
32 Aefa daʼö, lafahatö ira fefu iraono Gizaraʼeli ba ifaʼema khöra goroisa nibeʼe Yehowa khönia ba Hili Zinaʼi.+
33 Ero awai fahuhuo Moze ba ndraono Gizaraʼeli, ibalugö mbawania faoma nukha.+
34 Ba ero möi Moze fahuhuo khö Yehowa, iheta nukha daʼö.+ Lö ara, möi ia baero ba ifaʼema ba ndraono Gizaraʼeli goroisa nitemania.+
35 Laʼila iraono Gizaraʼeli wa mohaga mbawa Moze. Andrö wa ibalugö mbawania Moze faoma nukha irege möi ia zui fahuhuo khö Lowalangi.+
Nisura ba gahe zura
^ Mazui ”faʼalöfaröi”.
^ Sin.: ”sabeʼe börö tuʼi”.
^ Mazui ”ufazökhi”.
^ Faigi Geluaha Ngawua Wehede.
^ Faigi Geluaha Ngawua Wehede.
^ Sin.: ”Yehowa, töinia yaʼia daʼö”.
^ Mazui ”wa lö itehegö na so zi fahindri khönia”.
^ Sin.: ”mohorö ira khö”.
^ Sin.: ”mohorö ira khö”.
^ Mazui ”nadu nifazökhi moroi ba loga”.
^ Sin.: ”nono matua siaʼa samokai naha nono”.
^ Mazui ”mifalua zabato”.
^ Tola göi mufotöi Owasa Nose Ndraha Geu, mazui Owasa Nose Lowalangi.
^ Sin.: ”si Fulu Taromali”.
