Dua Razo 22:1-20
22 Faʼalawa ndröfi Yosia+ me tobali ia razo yaʼia daʼö walu fakhe, ba 31 fakhe mamatörö ia ba Yeruzalema.+ Töi ninania Yedida ono Gadaya moroi ba Mbosakati.+
2 Ifalua zatulö föna Yehowa. Igoʼö lala duania Dawido+ ba lö iholeʼö ia ba gambölö mazui ba gabera.
3 Me no 18 fakhe mamatörö Razo Yosia, ifatenge sekretaris gödo razo sotöi Safana ono Gasalia ba nomo Yehowa.+ Imane khönia,
4 ”Aeʼe khö gere sebua sotöi Hilikia+ ba andrö khönia enaʼö iʼowuloi fefu gefe niʼohe ba nomo Yehowa,+ si no laʼowuloi ira sanaro bawandruhö.+
5 Aefa daʼö, labeʼe gefe daʼö ba danga niha si no latuyu tobali samaigi-maigi halöwö ba nomo Yehowa ba yaʼira dania zameʼe khö ndra sohalöwö sedöna mangaʼazökhi si no tekiko* ba nomo Yehowa,+
6 ba labeʼe khö ndra tuka sogonekhe, samazökhi omo hegöi tuka zanoto kara. Ba gefe daʼö laʼöli geu awö gara nitoto ba wangaʼazökhi omo andrö.+
7 Gofu hadia nifaluara ba gefe andrö lö lazofu-zofu börö me no lafaduhusi tödö ira.”+
8 Aefa daʼö, imane ere sebua sotöi Hilikia khö Zafana sekretaris andrö,+ ”No usöndra mbuku Goroisa Moze+ ba nomo Yehowa.” Ibeʼe mbuku daʼö Hilikia ba danga Zafana ba ibaso.+
9 Möi Zafana sekretaris andrö ba wamalukhaisi Razo imane, ”No labeʼe baero gefe si so ba nomo daʼö ira enoniu, ba no labeʼe ba danga niha si no mutuyu ba wondröniaʼö sohalöwö ba nomo Yehowa.”+
10 Imane nasa Safana sekretaris andrö khö Razo, ”So sambua mbuku+ nibeʼe Gere Hilikia khögu.” Ibörögö ibaso Safana mbuku daʼö föna Razo.
11 Lö ara me irongo ngawua wehede si so ba mbuku Goroisa Moze, isika nukhania Razo.+
12 Aefa daʼö, ifaʼoheʼö goroisania Razo khö Gere Hilikia, Ahika+ ono Zafana, Akhibora ono Mikhaya, Safana sekretaris andrö hegöi Asaya enoni Razo:
13 ”Miʼaeʼe salahigu, salahi nono mbanua ba salahi niha Yehuda maʼafefu, ba wanofu khö Yehowa ngawua wehede nisura ba mbuku andre. Abölö-bölö sibai wönu Yehowa si göna ita+ börö me lö laʼoʼö wehede si so ba mbuku daʼö ira tuada. Lö lafalua fefu zi no musura sanandrösa khöda.”
14 Möi Gere Hilikia, Ahika, Akhibora, Safana hegöi Asaya khö Huleda ira alawe samaʼeleʼö,+ foʼomo Zalumi ono Dikiwa ono Haraha, sondrorogö nukha. Toröi ia ba Mbanua si Bohou ba Yeruzalema, ba daʼö fahuhuo ira khönia.+
15 Imane khöra, ”Daʼa niwaʼö Yehowa Lowalangi ndraono Gizaraʼeli: ’Fatunö ba niha samatenge yaʼami khögu,
16 ”Daʼa niwaʼö Yehowa: ’Ufalua wamakao ba nahia daʼa hegöi ba nono mbanuania, yaʼia daʼö fefu zi no muwaʼö ba mbuku si no ibaso razo Yehuda.+
17 No laröi ndraʼo ba latunu zumange khö lowalangi böʼö+ irege numalö miyawa zimbo. Laʼafökhöiʼö dödögu ba ngawalö nifazökhi dangara.+ Börö daʼö, abölö-bölö sibai wönugu ba nahia daʼa ba lö faʼalö.’”+
18 Hizaʼi, mimane khö razo Yehuda samatenge yaʼami ba wanofu khö Yehowa, ”Daʼa niwaʼö Yehowa Lowalangi ndraono Gizaraʼeli sanandrösa ba wehede nirongomö andrö:
19 ’Me örongo wehede Lowalangi sanandrösa ba nahia daʼa hegöi ba nono mbanuania, wa laʼelifi dania ia ba muhokha mbu niha wamaigi, iʼanemaiʼö öʼameʼegö tödö* ba mangide-ngideʼö ndraʼugö+ föna Yehowa. Ösika nukhamö,+ ba ölau meʼe fönagu. Daʼö mbörö wa ufondrondrongo niwaʼöu, iwaʼö Yehowa.
20 Uʼorudugö dania ndraʼugö khö ndra tuau,* ba lafadölö ndraʼugö ba lewatöu si fao faʼohahau dödö. Lö öʼila dania wamakao nifaluagu ba nahia daʼa.’”’” Aefa daʼö, lafaʼema khö Razo wanema li andrö.
Nisura ba gahe zura
^ Mazui ”si no agasila”.
^ Sin.: ”ombuyu dödöu”.
^ Daʼa wehede nifoʼamaedola ba wanutunö faʼamate.
