Dua Samueli 13:1-39
13 So nono Dawido ono alawe si baga-baga, akhi Gabisalomi, töinia Tamara.+ Omasi khönia nono Dawido sotöi Amoni.+
2 Hizaʼi, ono alawe nasa Damara andrö, ba lö hadöi si tola ifalua khönia Amoni. Abu sibai dödö Gamoni irege iʼofökhöi börö dalifusönia Tamara andrö.
3 So nawö Gamoni sotöi Yonadabi,+ ono Zimea+ gaʼa Dawido. Onekhe sibai Yonadabi andrö.
4 Manofu ia khö Gamoni, ”Hana wa ero sihulö wongi abu dödöu, yaʼugö ono Razo? Fatunö khögu.” Imane Amoni, ”Omasido khö Damara, akhi+ Gabisalomi talifusögu andrö.”
5 Imane Yonadabi, ”Ae förö ba nahamö, öʼosofökhö ndraʼugö. Na tohare namau wamaigi yaʼugö, ömane khönia, ’Tehegö möi khögu ba daʼa dalifusögu Tamara, akha ifazökhi gö* sinangea ba niha sofökhö. Na ifazökhi daʼö ba zanehe ndraʼo, ba uʼa gö siʼoroi dangania.’”
6 Börö daʼö, mörö Gamoni iʼosofökhö ia ba tohare Razo ba wamaigi yaʼia. Imane Amoni, ”Tehegö möi khögu ba daʼa dalifusögu Tamara ba wamogö ögu kue si hulö gambara dödö, dombua ngawua, enaʼö uʼa gö siʼoroi dangania.”
7 Ifatenge niha Dawido wamalukhaisi Tamara ba nomonia, ”Aeʼe ba nomo dalifusöu Amoni ba haogö gönia.”*
8 Ba möi Damara ba nomo Gamoni, gamaudu zi mörö dalifusönia andrö. Ihalö darigu ba ifazökhi kue ba zanehe Gamoni, aefa daʼö ibogö.
9 Ihalö ba möi ia ifasao, hizaʼi lö iʼa Amoni. Imane khönia Amoni, ”Fofanö baero fefu niha!” Börö daʼö mofanö baero fefu niha.
10 Imane Amoni khö Damara, ”Ohe khögu ba mbateʼe si bakha gö* daʼö enaʼö manga ndraʼo moroi ba dangamö.” Möi ifasao Tamara kue si no ifazökhi si hulö gambara dödö andrö khö Gamoni talifusönia si bakha ba mbateʼe.
11 Me ifasao kue andrö, igogohe ia Amoni ba imane, ”Aine khigu, förö ba ngaigu.”
12 Imane khönia Tamara, ”Böi talifusö! Böi ailasi ndraʼo, börö me tebai alua zimane daʼa ba Gizaraʼeli.+ Böi falua gamuata si lö ngaroro.+
13 Hewisa ndraʼo wanaögö faʼaila? Labaliʼö dania ndraʼugö niha si lö ngaroro ba Gizaraʼeli. Uʼandrö khöu, fatunö manö khö Razo. Lö itaha ndraʼo khöu.”
14 Ba lö irongo niwaʼönia Amoni börö me abölö ia moroi khö Damara, andrö ihoröni dalifusönia.
15 Aefa daʼö, ibörögö fatuwu khö Gamoni Damara andrö. Abölö ebua waʼafatuwunia moroi ba waʼomasinia ba wamobörö. Imane Amoni, ”Faoso, ofanö!”
16 Imane Tamara, ”Böi lau daʼö talifusö. Na öfofanö ndraʼo, abölö lö sökhi daʼö moroi ba gamuata nifaluamö khögu mege!” Hewaʼae simanö, lö ifondrondrongo niwaʼönia Amoni.
17 Ikaoni zohalöwö khönia imane, ”Miʼohe baero niha daʼa, miheta ia föna hörögu, ba miduhö mbawandruhö.”
18 Me luo daʼö, no monukha si sökhi Damara, nukha si toʼölö laʼogunaʼö ono Razo si lö irai orudu ba ndra matua. Iʼohe ia baero sohalöwö andrö, aefa daʼö ikusi mbawandruhö.
19 Ibeʼe ba högönia nawu Tamara+ ba isika nukha si sökhi niʼogunaʼönia. Mofanö ia si fao fege-ege, ba dua danga yawa ba högö.
20 Manofu khönia dalifusönia Abisalomi,+ ”Hadia talifusömö Amoni zamalua daʼa khöu? Böi fatunö ba niha zalua andre akhigu. Yaʼia andrö talifusöu.+ Böi era-era ia saʼae.” Toröi Damara ba nomo Gabisalomi, lö fariawö ia ba niha böʼö.
21 Me irongo fefu zalua andrö Razo Dawido, mofönu sibai ia.+ Hizaʼi, lö omasi ia iʼafökhöiʼö dödö nononia Amoni börö me iʼomasiʼö sibai. Ononia siaʼa Gamoni andrö.
22 Maʼifu na fahuhuo Gabisalomi khö Gamoni sanandrösa ba zi sökhi hegöi si lö sökhi. Fatuwu khö Gabisalomi+ ia börö me no iʼailasi nakhinia Tamara.+
23 Me irugi dua fakhe, ifalua woguti bu mbiri-biri Abisalomi ba Mbaʼali-hasora sahatö ba Geferai.+ Ikaoni fefu nono Razo ba gowasa daʼö.+
24 Möi Gabisalomi ba wamalukhaisi Razo ba imane, ”Ifalua woguti bu mbiri-biri sawuyumö andre. Omasido ukaoni ndraʼugö Razo awö ndra sawuyumö ba gowasa daʼa.”
25 Hizaʼi imane Razo khö Gabisalomi, ”Tenga simanö onogu. Na möi ndraʼaga fefu, hasambalö wa tobali noro dödöu ndraʼaga.” Iforege wangumaʼö khönia Abisalomi ba lö omasi möi Razo, hizaʼi ifahowuʼö ia.
26 Aefa daʼö imane Abisalomi, ”Na tenga yaʼugö zi möi Razo, akha möi dalifusögu Amoni.”+ Imane Razo, ”Hana wa simanö?”
27 Iforege wangumaʼö khönia Abisalomi irege ifatenge Gamoni andrö Razo hegöi ono Razo tanö böʼö.
28 Iwaʼö Abisalomi ba zohalöwö khönia, ”Mifaigi dania na omuso dödö Gamoni börö wamadu agu, ba umane khömi, ’Mibunu Gamoni!’ Ba hasambalö mibunu ia ba ginötö daʼö. Böi miʼataʼufi börö me yaʼo zangumaʼö khömi. Miʼabölöʼö ami ba böi miʼataʼufi.”
29 Ba labunu Gamoni ira sohalöwö khö Gabisalomi, simane sibai niwaʼö Gabisalomi. Mofanö fefu nono Razo tanö böʼö, oi zara moloi ira, latörö galide sebua* khöra zamösana.
30 Me ba lala so ira nasa, so zamatunö khö Dawido, ”No mate fefu nonomö Razo, no ibunu ira Abisalomi. Samösa lö sauri.”
31 Me irongo daʼö Razo, isika nukhania ba ifadölö ia tou ba zalo. Lafalua göi zimanö ira sawuyunia, lasika nukhara ba mozizio ira ba zingania.
32 Imane Yonadabi+ ono Zimea+ gaʼa Dawido, ”Böi öwaʼö tödöu wa no ahori labunu fefu nonomö Razo, sindruhunia ha Amoni zi mate.+ Alua daʼö börö fareta Gabisalomi, no iʼera-era wamalua daʼa+ iʼotarai me iʼailasi dalifusönia+ Tamara+ andrö Amoni.
33 Böi faduhusi tödö wehede niha sangumaʼö, ’No mate fefu nono Razo.’ Ha Amoni zi mate.”
34 Gasa-gasa daʼö, moloi Gabisalomi.+ Lö ara, ifakhölö ia sozago ba iʼila niha sato si tohare ba lala si so ba zinga hili.
35 Imane Yonadabi+ khö Razo, ”Simane si no iwaʼö sawuyumö andre, no mangawuli nono Razo.”
36 Me no awai iwaʼö daʼö, möi yomo ndraono Razo ba laduhugö wege-ege. Meʼe göi Razo awö ndra sawuyunia, adöʼu-döʼu ira.
37 Iʼeʼesi nononia andrö Dawido ba zi hauga hari. Hizaʼi, moloi Gabisalomi khö Dalamai+ ono Gamihudi razo Gesuri.
38 Me no moloi ia ba Gesuri,+ toröi ba daʼö Gabisalomi tölu fakhe waʼara.
39 Ba gafuriata, omasi sibai Razo Dawido falukha khö Gabisalomi börö me no taya ba dödönia saʼae* waʼamate Gamoni.
Nisura ba gahe zura
^ Mazui ”roti fondrara dödö”.
^ Mazui ”roti fondrara dödö”.
^ Mazui ”roti fondrara dödö”.
^ Ba li Heberaiʼo eluahania ngaʼötö galide ba kudo.
^ Mazui ”no terara dödönia ba”.
