Dua Samueli 22:1-51
22 Me inötö iʼefaʼö Dawido andrö Yehowa moroi ba danga nudunia maʼafefu+ hegöi ba danga Zaulo,+ isura zinunö andre khö Yehowa.+
2 Imane,
”Hili kara khögu Yehowa ba baʼa-baʼagu,+ yaʼia Zangorifi yaʼo.+
3 Gowe saro khögu Lowalangigu,+ sawatögu ba wolumöʼö yaʼo,Balusegu ia+ ba sabölö ba wangorifi,* sawatögu si lö ametaʼuö ba wolumöʼö yaʼo,*+ ba nahiagu woloi.+
Yaʼugö Zangorifi yaʼo,+ sangefaʼö yaʼo ba wamakao.
4 Muʼao ndraʼo khö Yehowa me no sinangea musuno ia,Ba teʼefaʼö ndraʼo moroi ba danga nudugu.
5 Aboto ndrulu waʼamate ba zi fasuigu,+Tobali fametaʼugu molö sebua moroi khö ndra niha si lö sökhi.+
6 Ikabi ndraʼo sinali Lewatö;*+So fönagu dandrawa waʼamate.+
7 Na abu dödögu, muʼao ndraʼo khö Yehowa,+Lö uböhöli weʼao khö Lowalangigu.
Ba gosalinia irongo ligu,Irongo talingania wangarö-ngarögu.+
8 Ibörögö modögö danö ba muheu;+Modögö wondrasi mbanua si yawa+Ba muheu börö wönunia.+
9 Kalua zimbo moroi ba nikhunia,Ba kalua galitö moroi ba mbawania;+Mohola mbo galitö si otarai khönia.
10 Me möi ia mitou, mangalulu khönia mbanua si yawa,+Ba so lawuo saitö ba narö kahenia.+
11 Modadao ia ba hulu kerubi+ ba muhombo.
Oroma ia yawa ba dete gafi ndra malaʼika.*+
12 Ibaliʼö ose khönia waʼogömi-gömi ba zi fasuinia,+Ba gotalua lawuo sogömi-gömi ba saweʼe-weʼe.
13 Moroi ba haga andrö fönania, mohola mbo galitö.
14 Ba moʼugu-ugu Yehowa moroi ba mbanua si yawa;+Ifarongogö wehedenia Fondrege Zalawa.+
15 Iʼefasi nono wanania+ ba ifazawili nudugu;Ilau gari mbanua ba wamawukaisi yaʼira.+
16 Oroma daya-daya nasi,+Oroma dane-dane gulidanö ba hagö-hagö Yehowa,Ba höfu-höfu hanu-hanunia.+
17 Iʼoroʼö dangania moroi ba nahia salawa;Igogohedo ba idöni ndraʼo yawa moroi ba nidanö sabakha.+
18 Iʼefaʼö ndraʼo moroi ba nudugu sagabölö,+Moroi ba niha si fatuwu khögu, sabölö moroi khögu.
19 Lalawado ba ginötö göna ndraʼo abula dödö,+Hizaʼi itolo ndraʼo Yehowa.
20 Iʼohedo ba nahia sahono dödö;*+Ilumöʼö ndraʼo börö waʼomuso dödönia khögu.+
21 Ibeʼe luogu Yehowa moloʼö amuatagu satulö;+Isulöni khögu me lö nifaluagu sala.*+
22 Lö irai uböhöli woloʼö lala Yehowa,Ba lö ufalua zi lö sökhi ba wondröi Lowalangigu.
23 Lö olifudo fefu goroisania;*+Lö usawö gamakhoitania.+
24 Uhalö gangetula enaʼö lö mosinegu ndraʼo+ fönania,Ba uʼaröuʼö ndraʼo ba golalöwa.+
25 Yaʼisulöni khögu Yehowa moloʼö amuatagu satulö,+Börö me lö nifaluagu sala fönania.+
26 Lö faröi ndraʼugö ba niha si lö faröi;+Ba lö mosinegu ndraʼugö ba niha si lö sinegu;+
27 Sökhi dödöu ba niha sadölö tödö,+Atua-tua* ndraʼugö ba niha samalua faʼonekhe.+
28 Öʼorifi niha sangide-ngideʼö yaʼia,+Hizaʼi fatuwu ndraʼugö wamaigi niha sasiliyawa, ba öhöndrögö ira.+
29 Fandru ndraʼugö khögu Yehowa;+Yehowa zohagaini faʼogömi-gömi si göna yaʼo.+
30 Börö wanolo si otarai ndraʼugö, tola usuwö ngawawa zorabu;Börö waʼabölö si otarai Lowalangi, tola usawö göli.+
31 Lala Lowalangi sindruhu andrö moʼahonoa;+Ba fehede Yehowa andrö no ohau-hau.*+
Baluse ia ba niha solumöʼö yaʼira khönia.+
32 Hadia so Lowalangi baero Yehowa?+
Hadia so gowe saro baero Lowalangida?+
33 Baʼa-baʼagu saro Lowalangi sindruhu,+Yaʼia zamoʼahonoa lalagu.+
34 Iʼabölöʼö gahegu hulö gahe mböhö;Iʼaroʼö gahegu wezizio ba nahia sagalawa.+
35 Ifahaʼö dangagu fasuwö;Tola ifaöndrö tangagu nono* wana tembaga.
36 Öbeʼe khögu mbaluse fangorifi,Ba molakhömi ndraʼo me so khöu wangide-ngideʼö.+
37 Öʼeboloʼö lala nitörögu;Lö irai ahele gahegu.*+
38 Ugohi ba uhori fefu zi faʼudu khögu;Lö mangawuli ndraʼo na lö sahori ira.
39 Ufufu ira ba uhori irege tebai maoso saʼae;+Tegaölö tou ira barö gahegu.
40 Yaʼugö zameʼe khögu faʼabölö ba wasuwöta,+Ba öʼekhugö tou zi faʼudu khögu.+
41 Öfoloi zi faʼudu khögu;+Ba uhori* niha si fatiu tödö khögu dania.+
42 Muʼao ira ba wangandrö fanolo, hizaʼi lö hadöi sanolo;Ba muʼao ira khö Yehowa ba lö ifondrondrongo.+
43 Ututu ira ba ohama simane gawu-gawu ba danö,Ufufu ba uhundra-hundra ira simane tambu ba lala.
44 Öʼefaʼö ndraʼo moroi ba wasuwöta nifalua soigu.+
Ölumöʼö ndraʼo enaʼö tobalido högö ba soi niha fefu;+Soi si lö uʼila ba mangalulu ira khögu.+
45 Tohare niha si fatewu ba lafaöndrö-faöndrö ira fönagu;+Larongo dania nifaluagu ba laʼoʼö niwaʼögu.
46 Taya waʼabarani* niha si fatewu;Möi ira baero si fao fanizi-nizi moroi ba nahiara si no lafobaʼa-baʼa.
47 Sauri sa Yehowa! Yatesuno Gowe Saro andrö khögu!+
Yatefolakhömi Lowalangi, gowe saro sangorifi yaʼo!+
48 Lowalangi zanulöni börö ndraʼo;+Yaʼia mbörö wa mangalulu khögu fefu soi;+
49 Yaʼia zangefaʼö yaʼo ba danga zi faʼudu khögu.
Öʼalawaʼö wamazawa yaʼo,+ alawa si yawa moroi ba zanuwö yaʼo;Öʼefaʼö ndraʼo moroi ba danga niha samuʼi.+
50 Daʼö mbörö wa uʼandrö saohagölö khöu, yaʼugö Yehowa, ba gotalua soi niha,+Ba uʼanunöisi zinunö* fanuno döimö:+
51 Iʼefaʼö razo nifilinia ba ibeʼe waʼamöna sebua;*+Iforomaʼö waʼomasi si lö faröi ba niha nibayoininia,Khö Dawido hegöi ba ngaʼötönia irugi zi lö aetu.”+
Nisura ba gahe zura
^ Sin.: ”tandru fangorifi khögu”. Faigi duho ”Tandru” ba Geluaha Ngawua Wehede.
^ Mazui ”nahiagu salawa”.
^ Mazui ”Syeol”. Daʼa lewatö niha sato. Faigi Geluaha Ngawua Wehede.
^ Mazui ”nangi”.
^ Mazui ”sebolo”.
^ Sin.: ”me lö si taʼunö dangagu”.
^ Sin.: ”gangetula hukunia”.
^ Mazui te ”Hulö niha si bodo”.
^ Mazui ”itörö galitö”.
^ Mazui ”ifasa tangagu tali”.
^ Mazui ”mbagi gahegu”.
^ Sin.: ”uduhö mbawa”.
^ Mazui ”Ataʼu”.
^ Mazui ”ufoli wakake zinunö”.
^ Mazui ”wangorifi sebua”.