Dua Samueli 23:1-39
23 Daʼa wehede safuria moroi khö Dawido:+
”Fehede Dawido ono Gizaʼi,+Fehede niha niʼalawaʼö,+Niha nibayoini+ Lowalangi Yakobo,Sanunö* niʼomasiʼö ba zinunö+ ndraono Gizaraʼeli.
2 Fahuhuo khögu geheha Yehowa;+Ba lelagu so wehedenia.+
3 Fahuhuo Lowalangi ndraono Gizaraʼeli;Gowe Saro ba ndraono Gizaraʼeli+ daʼö zamatunö khögu,
’Na atulö zi samösa samatörö niha,+Mamatörö ia si fao faʼataʼu khö Lowalangi,+
4 Ba hulö haga luo ba zihulö wongi,+Hulö zihulö wongi si lö hadöi lawuo.
Hulö haga zino na tebato deu,Samatumbuʼö duʼu ba danö.’+
5 Hadia tenga simane daʼö ngaʼötögu ba wamaigi Lowalangi?
No ifabuʼu khögu mbuʼusa linia si lö aetu,+No ihaogö wamaʼoli ba lö tebulö.
Fangorifigu soʼahonoa mbuʼusa linia ba faʼomuso dödögu.
Sindruhu-ndruhu ifalua zi no ifabuʼu.+
6 Ba mutiboʼö niha si lö ngaroro+ hulö ndruʼu sodoi,Börö me tebai mubabaya ira faoma tanga.
7 Na so niha somasi mombambaya yaʼira,Moguna khönia ziʼöli faoma toho,Ba ahori mutunu ira ba daʼö.
8 Daʼa döi ndra saradadu sagabölö khö Dawido:+ Yose-basebeti niha Hakhamoni, sondröniaʼö saradadu sagabölö si datölu.+ Ba zi sakali fasuwöta, no irai ibunu 800 niha faoma toho.
9 Ganetenia, so Geleazari+ ono Dodo+ ono Gahohi, yaʼia andrö samösa moroi ba gotalua zaradadu sagabölö si datölu si fao khö Dawido ba wolawa niha Wilisiti. Owulo ira fasuwö, ba me mangawuli furi ndraono Gizaraʼeli
10 lö awuwu ia. Lö ibato wamunu niha Wilisiti irege atage dangania ba akandro börö wololohe föda.+ Andrö me luo daʼö, ibeʼe khöra waʼamöna* sebua Yehowa,+ ba ifuli tohare ndraono Gizaraʼeli ba woloʼö yaʼia ba larabu gama-gama niha nibunu.
11 Ganetenia, so Zama ono Age niha Harari. Me luo daʼö, owulo niha Wilisiti ba Lehi, so ba daʼö kabu harita. Moloi niha sato börö niha Wilisiti,
12 hizaʼi mozizio manö ia bakha ba dalu kabu andrö, lö itehegö larabu ba lö iböhöli wamunu niha Wilisiti. Ibeʼe khönia waʼamöna* sebua Yehowa.+
13 Datölu moroi ba zi 30 sondröniaʼö saradadu möi laʼondrasi Dawido ba Dögi Gara Gadula+ me inötö wamasi, ba no lafazökhi nosera ira saradadu Wilisiti ba ndraso Refaʼi.+
14 Me luo daʼö, ba naha wamini+ so Dawido. Ba Mbetilekhema so naha wanaro ndra niha Wilisiti.
15 Ifatunö nösi dödönia Dawido, ”Enaʼö sibai tola ubadu nidanö si so ba mbaʼa nidanö sahatö ba mbawa göli Mbetilekhema!”
16 Me larongo daʼö, latörö dalu nose niha Wilisiti ira saradadu sagabölö si datölu andrö ba wanaʼu idanö ba mbaʼa nidanö sahatö ba mbawa göli Mbetilekhema ba laʼohe khö Dawido. Hizaʼi lö ibadu nidanö daʼö, iduwagö föna Yehowa.+
17 Imane, ”He Yehowa, hewisa wa tola ubadu nidanö daʼa! No latehegö nosora ba wanaʼu idanö andre, ba hewisa wa tola ubadu ndro+ niha sanaʼu yaʼia!” Lö omasi ia ibadu. Daʼö nifalua ndra saradadu sagabölö si datölu andrö.
18 Abizaʼi+ talifusö Yoabi ono Zeruya+ yaʼia zondröniaʼö saradadu sagabölö si datölu tanö böʼö. Ibunu 300 niha faoma toho, ba tehöngö ia simane saradadu sagabölö si datölu andrö.+
19 Hewaʼae na yaʼia zabölö mufosumange ba gotalua zaradadu sagabölö si datölu tanö böʼö ba yaʼia zondröniaʼö yaʼira, lö fagölö ia ba zi datölu si oföna andrö.
20 Niha si barani* Mbenaya+ ono Yehoyada, samalua sahöli-höli dödö ba Gabizeʼeli.+ Darua nono Garieli moroi ba Moabi nibununia ba mofanö ia itörö dögi nidanö me alua deu esi, aefa daʼö ibunu sageu zingo.+
21 Ibunu göi samösa niha Miserai sebua niha. Hewaʼae na no igogohe doho niha daʼö, ilawa ia Benaya faoma siʼo ba ihalö doho ba dangania, ibeʼe famunu niha Miserai andrö.
22 Daʼö nifalua Mbenaya ono Yehoyada. Tehöngö ia simane saradadu sagabölö si datölu andrö.
23 Hewaʼae na yaʼia zabölö mufosumange ba gotalua zi 30 niha andrö, hizaʼi lö fagölö ia ba zi datölu si oföna. Ihalö ia Dawido tobali kafalo zaradadu sozago yaʼia.
24 Samösa Gazaheli+ talifusö Yoabi ba gotalua zi 30 niha andre: Elehana ono Dodo moroi ba Mbetilekhema,+
25 Sama niha Harodi, Elika niha Harodi,
26 Helesi+ niha Weleti, Ira+ ono Gike niha Dekoa,
27 Abiezeri+ niha Ganatoti,+ Mebunai niha Husa,
28 Salomono niha Gahohi, Maharai+ niha Netofa,
29 Heledi ono Mbaʼana niha Netofa, Itaʼi ono Ribai moroi ba Gibea Mbeniami,
30 Benaya+ niha Wiratono, Hidaʼi moroi ba ndraso Gasi,+
31 Abieli niha Garaba, Asimaweti niha Mbahuri,
32 Eliaba niha Zaʼalibona, iraono Yaseno, Yonata,
33 Sama niha Harari, Ahiamo ono Zarari niha Harari,
34 Elifeleti ono Gahasibai ono niha Maʼakhati andrö, Eliami ono Gahitofeli+ niha Gilo,
35 Hesero niha Garimeli, Faʼari niha Garabi,
36 Igeala ono Natano moroi ba Zoba, Bani niha Gado,
37 Seleki niha Gamoni, Naharai niha Mbeʼeroti, solohe fangöna Yoabi ono Zeruya,
38 Ira niha Yatiri, Garebi niha Yatiri,+
39 ba Uria+ niha Kheti. Fefu ira 37 niha.
Nisura ba gahe zura
^ Mazui ”Niha”.
^ Mazui ”wangorifi”.
^ Mazui ”wangorifi”.
^ Sin.: ”Ono niha si barani”.
