3 Moze 16:1-34
-
Ngaluo Wangatulö (1-34)
16 Fahuhuo Yehowa khö Moze me no mate ndraono Gaʼaroni si darua me lahatöʼö ira föna Yehowa.+
2 Imane Yehowa, ”Fatunö khö gaʼau Aʼaroni wa tebai möi ia ba Nahia Wondrege Niʼamoniʼö+ furi nukha mbaʼa-baʼa+ moloʼö somasi dödönia ba mosindro ia föna lagö-lagö Dawöla. Na möi ia bakha moloʼö somasi dödönia, hasambalö mate ia+ börö me tohare ndraʼo ba lawuo+ ba dete lagö-lagö daʼö.+
3 ”Fatua lö möi ia ba Nahia Wondrege Niʼamoniʼö, hasambalö ibeʼe Aʼaroni sageu zawi si matua sawuyu-wuyu tobali sumange fameta horö,+ ba sageu mbiri-biri si matua tobali sumange nitunu.+
4 Ifake nukha si sökhi niʼamoniʼö,+ sarewa sadogo-dogo*+ moroi ba nukha si sökhi sombalugö faʼailania, böbö löwi si sökhi,+ ba böbö högö si sökhi ba högönia.+ Fefu daʼö niʼamoniʼö.+ Moguna isasai ia ba nidanö+ ba awena ifake daʼö fefu.
5 ”Ihalö moroi ba ndraono Gizaraʼeli+ dua ngaʼeu nambi si matua sawuyu-wuyu tobali sumange fameta horö, ba sageu mbiri-biri si matua tobali sumange nitunu.
6 ”Aefa daʼö, ibeʼe Aʼaroni zawi si matua tobali sumange fameta horö, soguna khönia samösa. Yaʼia zangandrö faʼatulö salahi nösi nomonia hegöi yaʼia samösa.+
7 ”Ba ihalö nambi si dua ngaʼeu andrö, iʼohe föna Yehowa ba mbawandruhö nose waʼowulo.
8 Ba Aʼaroni zamalua dahö-dahö hezo nambi tana khö Yehowa hegöi nambi tana khö Gazazeli.*
9 Iʼohe Aʼaroni nambi si no mutatugöi khö Yehowa moloʼö dahö-dahö andrö+ ba ibeʼe tobali sumange fameta horö.
10 Hizaʼi, nambi tana khö Gazazeli laʼohe auri föna Yehowa ba wangandrö faʼatulö, enaʼö tola laʼefasi nambi daʼö khö Gazazeli ba danö si mate.+
11 ”Iʼohe Aʼaroni zawi si matua si tobali sumange fameta horö, soguna khönia samösa. Yaʼia zangandrö faʼatulö salahi nösi nomonia hegöi khönia samösa. Aefa daʼö, itaba zawi si matua si tobali sumange fameta horö, soguna khönia samösa.+
12 ”Na no awai daʼö, ihalö naha mbo galitö+ safönu bo galitö moroi ba naha wanunu sumange+ föna Yehowa, ba dua ndraʼu zumange somuhua.+ Awena iʼohe furi nukha mbaʼa-baʼa.+
13 Ibeʼe zumange somuhua andrö yawa ba dete mbo galitö föna Yehowa,+ enaʼö ihawui fefu lagö-lagö+ dawöla Famaduhuʼö+ simbo zumange andrö. Na lö ifalua daʼö, hasambalö mate ia.
14 ”Ihalö maʼifu ndro+ zawi si matua andrö ba itefeʼö faoma turunia föna lagö-lagö daʼö, yaʼia daʼö tanö ba gatumbukha. Fitu kali itefeʼö föna lagö-lagö.+
15 ”Aefa daʼö, itaba nambi si tobali sumange fameta horö ba soi daʼö,+ ba iʼohe ndro daʼö furi nukha mbaʼa-baʼa.+ Awena itefeʼö föna lagö-lagö andrö, simane do+ zawi si matua si oföna.
16 ”Iʼamoniʼö Nahia Wondrege Niʼamoniʼö moroi ba gamuata si raʼiö, ngawalö zala, awö horö ndraono Gizaraʼeli.+ Ifalua göi daʼö ba nose waʼowulo si so ba gotalua niha si raʼiö.
17 ”Tebai so niha böʼö ba nose waʼowulo ba ginötö möi Gaʼaroni wamalua fangatulö ba Nahia Wondrege Niʼamoniʼö, iʼotarai me tohare ia ofeta möi ia baero. Ifalua daʼö soguna khönia samösa, soguna ba nösi nomonia+ hegöi soguna ba ndraono Gizaraʼeli maʼafefu.+
18 ”Ba möi ia baero, mofanö ia ba naha wanunu sumange+ si so föna Yehowa, ba iʼamoniʼö naha wanunu sumange andrö. Ihalö maʼifu ndro zawi si matua awö ndro nambi daʼö, ba ifagule fefu ba dandru naha wanunu sumange.
19 Itefeʼö göi maʼifu ndro daʼö faoma turunia fitu kali ba naha wanunu sumange ba wangamoniʼö naha wanunu sumange andrö moroi ba gamuata si raʼiö nifalua ndraono Gizaraʼeli.
20 ”Me no awai iʼamoniʼö+ Nahia Wondrege Niʼamoniʼö, ose waʼowulo hegöi naha wanunu sumange,+ iʼohe nambi sauri andrö.+
21 Itufa högö nambi sauri andrö Aʼaroni faoma tangania si dua rozi, ba ifaduhuʼö fefu zala ndraono Gizaraʼeli, olalöwara awö horöra. Na ifalua daʼö, hulö na ba högö nambi andrö+ ibeʼe fefu horö ndraono Gizaraʼeli. Niha si no mufataro* dania zamoloi nambi daʼö ba danö si mate.
22 Ifoloi nambi daʼö ba danö si mate+ irege teʼohe zala ndraono Gizaraʼeli.+
23 ”Aefa daʼö, möi Gaʼaroni bakha ba nose waʼowulo, iheta nukha si sökhi si no ifake me möi ia ba Nahia Wondrege Niʼamoniʼö. Ba daʼö iröi mbaru daʼö.
24 Lö tola löʼö isasai ia ba nidanö+ niʼamoniʼö ba ifake khönia mbaru gere.+ Aefa daʼö, ibeʼe zumange nitunu+ moroi khönia samösa hegöi sumange nitunu ba soi daʼö,+ ba yaʼia zamalua fangatulö soguna khönia samösa hegöi soguna ba soi daʼö.+
25 Itunu dawö gurifö nibaliʼö sumange fameta horö ba naha wanunu sumange irege numalö miyawa zimbo.
26 ”Niha samoloi nambi khö Gazazeli+ hasambalö isasai mbarunia ba möi ia mondri. Awena tola möi ia bakha ba nose.
27 ”Sawi si matua hegöi nambi nibaliʼö sumange fameta horö, ba no laʼohe ndro daʼö ba Nahia Wondrege Niʼamoniʼö ba wamalua fangatulö, hasambalö laʼohe baero nose. Latunu guli, nagole, awö zi taʼunö gurifö andrö si dua ngaʼeu.+
28 Niha sanunu daʼö hasambalö isasai mbarunia ba möi ia mondri. Awena tola möi ia bakha ba nose.
29 ”Moguna khömi gamakhoita daʼa sagötö faʼara: Ba ngaluo si fulu ba mbaŵa si fitu, miʼide-ideʼö ami* ba tebai miʼohalöwö,+ he sindruhu ndraono Gizaraʼeli hegöi niha si fatewu ba gotaluami.
30 Ba luo daʼö, mufalua khömi wangatulö+ faböi taʼunö ami. Na mifalua daʼö, teʼefaʼö horömi ba lö taʼunö ami ba wamaigi Yehowa.+
31 Daʼö luo sabato, inötö wolombase khömi, ba miʼide-ideʼö ami.+ Daʼö gamakhoita soguna khömi sagötö faʼara.
32 ”Ere nibayoini ba nifataro*+ tobali ere+ fangali namania,+ yaʼia zamalua fangatulö ba ifake nukha si sökhi,+ baru niʼamoniʼö.+
33 Iʼamoniʼö naha niʼamoniʼö,+ ose waʼowulo+ hegöi naha wanunu sumange.+ Ifalua göi wangatulö salahi ndra ere ba fefu niha sato ba ndraono Gizaraʼeli.+
34 Sakali ba zi döfi,+ ifalua wangatulö salahi ndraono Gizaraʼeli, ba teʼefaʼö horöra. Moguna khömi gamakhoita daʼa sagötö faʼara.”+
Iʼoʼö Aʼaroni niwaʼö Yehowa nifaʼemania khö Moze.
Nisura ba gahe zura
^ Mazui ”ono zarewa”.
^ Te eluahania ”Nambi si Taya”.
^ Mazui ”Niha si no mamaʼanö yaʼia”.
^ Tola mufoʼeluaha ia fuasö mazui laböhöli wamalua si tebai.
^ Sin.: ”ba nifönuiʼö tanga”.
