3 Moze 2:1-16
-
Sumange niʼa (1-16)
2 ”’Na mibeʼe zumange niʼa*+ khö Yehowa, mibeʼe hamo darigu si sökhi. Mifaduwa wanikha ba hamo darigu andrö ba mibeʼe gumöyö ba detenia.+
2 Mibeʼe daʼö khö ndraono Gaʼaroni si no tobali ere. Lahalö sandraʼu darigu si sökhi andrö si no mufaruka fanikha awö gumöyönia, ba latunu ba naha wanunu sumange enaʼö numalö miyawa zimbo, si tobali salahi zumange maʼafefu.*+ Daʼö zumange nitunu ba galitö. Hua zumange andrö möi fangomuso dödö Yehowa.
3 Na so zumange niʼa* si toröi, ba tobali tana khö Gaʼaroni daʼö awö ndraononia matua.+ Daʼö wondrege niʼamoniʼö+ moroi ba zumange nitunu ba galitö khö Yehowa.
4 ”’Na mibeʼe zumange niʼa* si no mubogö, enaʼö roti si lö mufaruka ragi si hulö galadanga nifaruka fanikha mazui roti sanifi-nifi si lö mufaruka ragi si no muguleʼö fanikha. Tefazökhi fefu daʼö moroi ba hamo darigu si sökhi.+
5 ”’Na mifazökhi zumange niʼa ba miʼogunaʼö kuali saloʼo,+ enaʼö mifazökhi moroi ba hamo darigu si sökhi si lö mufaruka ragi si no mufaruka fanikha.
6 Miboboto roti daʼö ba mifaduwa wanikha yawa ba detenia.+ Daʼö zumange niʼa.*
7 ”’Na mifazökhi zumange niʼa ba miʼogunaʼö mbowoa, enaʼö mifazökhi moroi ba hamo darigu si sökhi si no mufaruka fanikha.
8 Miʼohe khö Yehowa zumange niʼa. Mibeʼe khö gere, ba yaʼia dania zolohe ba zinga naha wanunu sumange.
9 Ihalö ösa zumange andrö ere si tobali salahi zumange maʼafefu.+ Aefa daʼö, itunu ba naha wanunu sumange enaʼö numalö miyawa zimbo. Daʼö zumange nitunu ba galitö. Hua zumange andrö möi fangomuso dödö Yehowa.+
10 Na so zumange niʼa si toröi, tobali tana khö Gaʼaroni daʼö awö ndraononia matua. Daʼö wondrege niʼamoniʼö moroi ba zumange nitunu ba galitö khö Yehowa.+
11 ”’Sumange niʼa nibeʼemi khö Yehowa enaʼö si lö mufaruka ragi,+ börö me tebai mibeʼe gofu hadia ia zi no mufaruka ragi mazui wewani tobali sumange nitunu ba galitö khö Yehowa.
12 ”’Tola mibeʼe daʼö khö Yehowa si tobali sumange moroi ba ziaʼa mbua nowimi,+ hizaʼi tebai mitunu ba naha wanunu sumange.*
13 ”’Ero na mibeʼe zumange niʼa, ba mibeʼe nasio. Böi olifu ami wameʼe asio börö me daʼö zamasugi ba dödömi buʼusa li Lowalangi khömi. Ero na miʼohe zumange, böi olifu ami wameʼe asio.+
14 ”’Na mibeʼe zumange niʼa khö Yehowa moroi ba ziaʼa mbua nowimi, beʼe mbua zinanö si bohou si no mubogö ba si no mugili. Daʼö zumange niʼa moroi ba ziaʼa mbua nowimi.+
15 Faduwa wanikha ba mbua nowi daʼö ba beʼe gumöyö ba detenia. Daʼö zumange niʼa.
16 Ere dania zangai ösa moroi ba hamo darigu si lö mugili si no mufaruka ba wanikha daʼö ba fefu gumöyönia. Mutunu fefu daʼö enaʼö numalö miyawa zimbo, si tobali salahi zumange maʼafefu.+ Daʼö zumange nitunu ba galitö khö Yehowa.
Nisura ba gahe zura
^ Mazui ”zumange bua nowi”.
^ Mazui ”ba wanörö tödö sumange andrö maʼafefu”.
^ Mazui ”zumange bua nowi”.
^ Mazui ”zumange bua nowi”.
^ Mazui ”zumange bua nowi”.
^ Mazui ”tebai mitunu tobali hua si möi fangomuso dödö”.
