3 Moze 21:1-24
21 Fahuhuo zui Yehowa khö Moze, ”Fatunö khö ndra ere, yaʼia daʼö iraono Gaʼaroni, ’Tebai raʼiö gere börö mboto zi mate ba soinia.+
2 Awena tola, ha si fahatö khönia, yaʼia daʼö inania, amania, ononia matua, ononia alawe, ba talifusönia matua.
3 Na si mate andrö talifusönia alawe si lö muhalö, ono alawe nasa, ba ha sambua nahiara, tola raʼiö ia.
4 Na si mate andrö foʼomo ndra matua böʼö ba soinia, tebai itaʼunöisi ia ba raʼiö.
5 Tebai itöwö högönia,+ itaba gambinia, mazui ikhoi mbotonia.*+
6 Enaʼö teʼamoniʼö ira föna Lowalangi+ ba tebai laʼobousi döi Lowalangira.+ Niʼamoniʼö ira börö me yaʼira zameʼe sumange nitunu ba galitö khö Yehowa, yaʼia daʼö ö* nibaliʼö sumange khö Lowalangira.+
7 Tebai mangowalu gere khö ndra alawe sohorö-horö,+ si tenga ono alawe saʼae, mazui ira alawe nifabalisi,+ börö me niʼamoniʼö gere andrö ba wamaigi Lowalanginia.
8 Miʼamoniʼö gere+ börö me yaʼia zameʼe gö* khö Lowalangimi. Miʼamoniʼö gere börö me yaʼo Yehowa Lowalangi niʼamoniʼö, sangamoniʼö yaʼami.+
9 ”’Na so nono gere ono alawe ba ibaliʼö ia ira alawe sohorö-horö, no iʼailasi namania. Hasambalö labunu ia, aefa daʼö latunu.+
10 ”’Niha si tobali ere sebua ba gotalua ndra talifusönia si no mubayoini högö faoma fanikha famataro*+ ba si no lafataro* ba wamake nukha gere,+ tebai ifahufa mbunia mazui isika nukhania.+
11 Tebai itaʼunöisi mbotonia ba wamahatö yaʼia ba mboto zi mate+ hewaʼae na amania mazui inania daʼö.
12 Tebai iröi naha niʼamoniʼö ba itaʼunöisi nose Lowalangi,+ börö me khönia so dandra wolulu faʼauri, fanikha famataro* khö Lowalanginia.+ Yaʼo Yehowa.
13 ”’Ha sindruhu nono alawe zi tola ihalö tobali foʼomonia.+
14 Tebai ihalö lakha mbanua, ira alawe nifabalisi, si tenga ono alawe, mazui ira alawe sohorö-horö. Ha sindruhu nono alawe moroi ba soinia zi tola ihalö tobali foʼomonia.
15 Tebai itaʼunöisi ngaʼötönia ba gotalua soinia.+ Yaʼo Yehowa zangamoniʼö yaʼia.’”
16 Itohugö wahuhuosa Yehowa khö Moze,
17 ”Fatunö khö Gaʼaroni, ’Ngaʼötöu si so sala ba nösi, tebai möi ira wameʼe gö* khö Lowalangira sagötö faʼara.
18 Tebai möi dozi si so sala hadia ia ba nösinia, sauʼa, sakela-kela, safatö ikhu, anau zara gahe mazui taʼio,
19 safatö tanga mazui ahe,
20 saʼebu, köʼöfö,* sofökhö hörö, si so gimö-gimö mazui sobelua, mazui sabao bazili.+
21 Tebai möi ngaʼötö Gere Aʼaroni si so sala hadia ia ba nösi ba wameʼe sumange nitunu ba galitö khö Yehowa. Börö me so zi sala ba nösinia, andrö wa tebai möi ia wameʼe gö* khö Lowalanginia.
22 Tola iʼa gö* nibeʼe sumange khö Lowalanginia, he niʼamoniʼö+ hegöi fondrege niʼamoniʼö.+
23 Hizaʼi, tebai ifahatö ia ba nukha mbaʼa-baʼa+ mazui ba naha wanunu sumange,+ börö me so zi sala ba nösinia. Tebai itaʼunöisi naha niʼamoniʼö khögu.+ Yaʼo Yehowa zangamoniʼö yaʼira.’”+
24 Ba fahuhuo Moze khö Gaʼaroni, iraononia matua, ba fefu ndraono Gizaraʼeli.
Nisura ba gahe zura
^ Te daʼa zi toʼölö lafalua niha baero na so zi mate.
^ Sin.: ”roti”.
^ Sin.: ”roti”.
^ Sin.: ”mufönuiʼö tanga”.
^ Sin.: ”famayoini”.
^ Sin.: ”famayoini”.
^ Sin.: ”roti”.
^ Mazui te ”talafo afuo”.
^ Sin.: ”roti”.
^ Sin.: ”roti”.
