3 Moze 23:1-44
23 Ifuli zui fahuhuo Yehowa khö Moze,
2 ”Fatunö ba ndraono Gizaraʼeli, ’Owasa+ khö Yehowa sinangea miʼombakhaʼö ba niha sato,+ yaʼia daʼö inötö gangowuloa niʼamoniʼö. Daʼa gowasa khögu:
3 ”’Önö ngaluo tola mohalöwö ami, hizaʼi ngaluo si fitu andrö luo sabato, inötö wolombase,+ inötö gangowuloa niʼamoniʼö. Maʼifu tebai mohalöwö ami. Gofu hezo toröi ami, daʼö ngaluo sabato khö Yehowa.+
4 ”’Daʼa gowasa khö Yehowa, angowuloa niʼamoniʼö sinangea muʼombakhaʼö ba ginötö si no mutatugöi:
5 Ba ngaluo si 14 ba mbaŵa siföföna,+ ba zi tanö owi,* daʼö ginötö Wasa+ khö Yehowa.
6 ”’Ba ngaluo si 15 ba mbaŵa daʼö, so Gowasa Roti si Lö Mufaruka Ragi khö Yehowa.+ Miʼa roti si lö mufaruka ragi sagötö zi fitu hari.+
7 Ba ngaluo siföföna, mifalua gangowuloa niʼamoniʼö.+ Böi mibabaya halöwö sabua.
8 Hizaʼi, miʼohe zumange nitunu ba galitö khö Yehowa sagötö zi fitu hari. So dania gangowuloa niʼamoniʼö ba ngaluo si fitu. Böi mibabaya halöwö sabua.’”
9 Ifuli zui fahuhuo Yehowa khö Moze,
10 ”Fatunö ba ndraono Gizaraʼeli, ’Na no dania mirugi danö nibeʼegu khömi ba mibasi mbua nowimi, miʼohe samböbö ziaʼa mbua nowimi+ khö ndra ere.+
11 Ere dania zamazaule bua nowi andrö föna Yehowa enaʼö omuso dödönia khömi. Ifalua daʼö ere sahari me no aefa Zabato.
12 Ba ginötö lafazaule mbua nowimi, mibeʼe sageu mbiri-biri si matua sawuyu-wuyu tobali sumange nitunu khö Yehowa. Böi miʼohe mbiri-biri sofökhö, ba enaʼö si döfi faʼebua mazui ambö.
13 Sumange niʼa* enaʼö 4,4 liter* hamo darigu si sökhi nifaruka fanikha. Daʼö zumange nitunu ba galitö khö Yehowa sangomusoiʼö tödönia. Sumange nibadu yaʼia daʼö arakhagö saliter* nagu.
14 Tebai miʼa roti, bua nowi nifakoe mazui bua nowi si bohou fatua lö miʼohe zumange khö Lowalangimi. Gofu hezo toröi ami, moguna khömi gamakhoita daʼa irugi zi lö aetu ofeta ba ngaʼötömi.
15 ”’Na no aefa ngaluo Zabato, yaʼia daʼö ba ginötö miʼohe zi samböbö bua nowimi tobali sumange nifazaule,+ miʼerai fitu kali tö zabato irege afönu fitu migu.
16 Miʼerai ofeta ngaluo si 50,+ yaʼia daʼö ngaluo me no aefa Zabato si fitu. Aefa daʼö, miʼohe khö Yehowa zumange niʼa* si bohou.+
17 Miʼohe dombua roti moroi ba nomomi tobali sumange nifazaule. Roti daʼö enaʼö nifazökhi moroi ba zi 4,4 liter* hamo darigu si sökhi ba nifaruka ragi, awena mubogö.+ Daʼö ziaʼa mbua nowi khö Yehowa.+
18 Na mibeʼe roti daʼö, mibeʼe göi fitu ngaʼeu nono mbiri-biri si matua si lö fökhö ba si döfi faʼebua, sageu zawi si matua sawuyu-wuyu, ba dua ngaʼeu mbiri-biri si matua.+ Mifaogö wameʼe sumange daʼö ba zumange niʼa hegöi sumange nibadu, tobali sumange nitunu khö Yehowa. Daʼö zumange nitunu ba galitö. Hua zumange andrö möi fangomuso dödö Yehowa.
19 Beʼe göi sageu nono nambi tobali sumange fameta horö,+ ba dua ngaʼeu mbiri-biri si matua si döfi faʼebua tobali sumange fangatulö.+
20 Ere dania zamazaule biri-biri si dua ngaʼeu andrö awö roti moroi ba mbua nowi siföföna, tobali sumange nifazaule föna Yehowa. Fefu daʼö niʼamoniʼö khö Yehowa ba tobali tana khö gere.+
21 Ba ngaluo daʼö, ombakhaʼö+ wa so gangowuloa niʼamoniʼö. Böi mibabaya halöwö sabua. Gofu hezo toröi ami, moguna khömi gamakhoita daʼa irugi zi lö aetu ofeta ba ngaʼötömi.
22 ”’Na mibasi mbua nowimi, böi mibasi irugi hinölu, ba böi miʼozaragö mbua nowi si toröi furi.+ Miröi daʼö soguna ba niha si numana*+ awö zi fatewu.+ Yaʼo Yehowa Lowalangimi.’”
23 Ifuli zui fahuhuo Yehowa khö Moze,
24 ”Fatunö ba ndraono Gizaraʼeli, ’Ba ngaluo siföföna ba mbaŵa si fitu, miʼolombase moroi ba ngawalö halöwömi fefu. Lafoli dorofe+ ba wangombakha ngaluo daʼö, enaʼö lö olifu ami wa daʼö ngaluo gangowuloa niʼamoniʼö.
25 Mibeʼe zumange nitunu ba galitö khö Yehowa ba böi mibabaya halöwö sabua.’”
26 Ifuli zui fahuhuo Yehowa khö Moze,
27 ”Hizaʼi, ngaluo si fulu ba mbaŵa si fitu, daʼö Ngaluo Wangatulö.+ Mifalua gangowuloa niʼamoniʼö, ba miʼide-ideʼö ami,*+ mibeʼe zumange nitunu ba galitö khö Yehowa.
28 Ba Ngaluo Wangatulö, maʼifu tebai mohalöwö ami, börö me ba ngaluo daʼö teʼatulöʼö ami+ föna Lowalangimi Yehowa.
29 Niha si lö mangide-ngideʼö yaʼia* ba ngaluo daʼö, hasambalö labunu.*+
30 Uhori gofu haniha zohalöwö ba ngaluo daʼö.
31 Maʼifu tebai mohalöwö ami. Gofu hezo toröi ami, moguna khömi gamakhoita daʼa irugi zi lö aetu ofeta ba ngaʼötömi.
32 Daʼö ngaluo sabato, luo wolombase si sökhi. Ba ngaluo si siwa ba mbaŵa daʼö, na aekhu luo, miʼide-ideʼö ami.+ Mifalua goroisa sanandrösa ba zabato iʼotarai aekhu luo irugi aekhu luo mahemolunia.”
33 Ifuli zui fahuhuo Yehowa khö Moze,
34 ”Fatunö ba ndraono Gizaraʼeli, ’Ba ngaluo si 15 ba mbaŵa si fitu, alua Gowasa Nose Ndraha Geu* khö Yehowa, fitu hari waʼara.+
35 Ba ngaluo siföföna, mifalua gangowuloa niʼamoniʼö, ba böi mibabaya halöwö sabua.
36 Sagötö zi fitu hari, mibeʼe zumange nitunu ba galitö khö Yehowa. Ba ngaluo si walu, mifalua gangowuloa niʼamoniʼö.+ Daʼö gangowuloa si tohude. Mibeʼe zumange nitunu ba galitö khö Yehowa, ba böi mibabaya halöwö sabua.
37 ”’Daʼö gowasa+ nifalua khö Yehowa sinangea miʼombakhaʼö ba niha sato, yaʼia daʼö inötö gangowuloa niʼamoniʼö.+ Daʼö göi ginötönia ba wameʼe sumange nitunu+ ba galitö khö Yehowa, yaʼia daʼö sumange nitunu,+ sumange niʼa, awö zumange nibadu,+ moloʼö si no mutatugöi ero maʼökhö.
38 Mibeʼe daʼö fefu khö Yehowa, baero zumange soguna ba zabato+ khö Yehowa,+ buala, sumange fawuʼusa li,+ ba sumange si no aoha gölö.+
39 Ba ngaluo si 15 ba mbaŵa si fitu, na no awai miʼowuloi mbua nowimi, mifalua gowasa khö Yehowa, fitu hari waʼara.+ Ngaluo si oföna ba gowasa andrö yaʼia daʼö luo wolombase, simane daʼö göi ngaluo si walu.+
40 Ba ngaluo siföföna, mihalö mbua zinanö fondrege zi sökhi, bulu khorema,+ daha soya bulu hegöi daha geu poplar ba ndraso. Miʼomusoiʼö dödömi+ föna Lowalangimi Yehowa sagötö zi fitu hari.+
41 Ero röfi ba mbaŵa si fitu, miʼowasaini daʼö tobali owasa khö Yehowa sagötö zi fitu hari.+ Moguna khömi gamakhoita daʼa irugi zi lö aetu ofeta ba ngaʼötömi.
42 Toröi ami ba nose misa sagötö zi fitu hari.+ Fefu ndraono Gizaraʼeli sindruhu enaʼö toröi ira misa ba nose,
43 enaʼö laʼila ngaʼötömi+ wa no irai uwaʼö ba ndraono Gizaraʼeli enaʼö toröi ira ba nose me uheta ira ba danö Miserai mböröta.+ Yaʼo Yehowa Lowalangimi.’”
44 Ba fahuhuo Moze ba ndraono Gizaraʼeli, ifatunö gowasa si no itatugöi Yehowa.
Nisura ba gahe zura
^ Te me no aekhu luo, fatua lö ogömi.
^ Mazui ”Sumange bua nowi”.
^ Mazui ”sumange bua nowi”.
^ Mazui ”nifakao”.
^ Tola mufoʼeluaha ia fuasö mazui iböhöli wamalua si tebai.
^ Mazui te ”lö mamalua fuasö”.
^ Sin.: ”laheta ia moroi ba soinia”.
^ Mazui ”Nahia Waʼatoröi Sabata”.
