3 Moze 27:1-34
27 Ifuli zui fahuhuo Yehowa khö Moze,
2 ”Fatunö ba ndraono Gizaraʼeli, ’Na so zamazökhi buʼusa li si tohude+ ba wanouʼö si samösa niha khö Yehowa, daʼa mböli si no muhonogöi,
3 böli nihonogöi ba ndra matua si 20 fakhe irugi 60 fakhe, yaʼia daʼö 570 gram* firö, moloʼö suʼa-suʼa waʼabua niʼogunaʼö ba nahia niʼamoniʼö.
4 Böli nihonogöi ba ndra alawe 342 gram* firö.
5 Böli nihonogöi ba ndra matua si 5 fakhe irugi 20 fakhe yaʼia daʼö 228 gram* firö, ba ira alawe 114 gram* firö.
6 Böli nihonogöi ba nono matua si sara waŵa irugi 5 fakhe yaʼia daʼö 57 gram* firö, ba ono alawe 34 gram* firö.
7 ”’Böli nihonogöi ba ndra matua si 60 fakhe töra yaʼia daʼö 171 gram* firö, ba ira alawe 114 gram* firö.
8 Hizaʼi, na numana niha si fawuʼu li ba tebai ibuʼa zi no muhonogöi,+ möi niha sedöna mutouʼö andrö ba wamalukhaisi ere, ba ere zotatugöi faʼebua mbölinia moloʼö faʼebua zi tola ibeʼe niha si fawuʼu li.+
9 ”’Na so zi fawuʼu li ba wameʼe urifö si tola labeʼe sumange khö Yehowa, teʼamoniʼö gofu hadia gurifö nibeʼenia khö Yehowa.
10 Tebai lagati mazui lafalalini gurifö daʼö ba gurifö sabölö sökhi mazui si lö sökhi. Na ifalalini gurifö daʼö ba gurifö tanö böʼö, teʼamoniʼö gurifö si dua ngaʼeu andrö.
11 Na labeʼe gurifö salakha+ si tebai mubeʼe sumange khö Yehowa, akha möi ia ifasao khö gere.
12 Ba ere dania zotatugöi hawaʼebua mböli moloʼö faʼasökhi gurifö daʼö. Tebai labulöʼö waʼebua mböli gurifö daʼö si no itatugöi ere.
13 Na omasi ia isanu gurifö daʼö, ibuʼa moloʼö faʼebua mböli si no mutatugöi ba inönö sambua niʼolima tö.+
14 ”’Na omasi zi samösa niha ibeʼe nomonia tobali niʼamoniʼö khö Yehowa, ere zotatugöi faʼebua mböli nomo daʼö moloʼö faʼasökhinia. Tebai labulöʼö waʼebua mböli nomo daʼö si no itatugöi ere.+
15 Hizaʼi, na omasi niha daʼö isanu nomonia mangawuli, ibuʼa moloʼö faʼebua mböli si no mutatugöi ba inönö sambua niʼolima tö. Awena möi khönia nomo daʼö.
16 ”’Na omasi zi samösa niha ibeʼe* ösa nowinia khö Yehowa, muhonogöi mbölinia moloʼö faʼoya zinanö si tola mutanö ba daʼö. Na so 220 liter* danömö barli, bölinia 570 gram* firö.
17 Na ba ndröfi Yobeli+ iʼotarai wameʼenia nowi daʼö, lö tebulö mböli si no muhonogöi.
18 Na awena ibeʼe nowi daʼö me no numalö ndröfi Yobeli, ere zotatugöi hawaʼide-ide mböli nowi daʼö moloʼö hauga fakhe tö lö alua ndröfi Yobeli aefa daʼö.+
19 Hizaʼi, na omasi niha sameʼe nowi andrö ifuli isanu, ibuʼa moloʼö faʼebua mböli si no mutatugöi, inönö sambua niʼolima tö. Awena möi khönia nowi daʼö.
20 Na lö ifuli isanu nowi daʼö ba lafamawa ba niha böʼö, tebai saʼae ifuli isanu.
21 Na aefa dania nowi daʼö ba ndröfi Yobeli, laʼamoniʼö ia khö Yehowa. Teʼamoniʼö nowi daʼö ba tobali tana khö gere.+
22 ”’Na niʼöli zi samösa niha nowi nibeʼenia khö Yehowa, tenga nowi ondröita,+
23 laʼerai ira ere hawaʼebua mböli nowi daʼö irugi ndröfi Yobeli, ba ibuʼa niha daʼö mböli si no mutatugöi ba ngaluo daʼö.+ Teʼamoniʼö daʼö khö Yehowa.
24 Ba ndröfi Yobeli, lafangawuli nowi daʼö khö zokhö yaʼia, si no irai mamawa mböröta.+
25 ”’Faʼebua mböli mutatugöi moloʼö suʼa-suʼa waʼabua niʼogunaʼö ba nahia niʼamoniʼö, yaʼia daʼö 11,4 gram.*
26 ”’Tebai labeʼe sumange* ziaʼa nono gurifö, börö me no tobali tana khö Yehowa daʼö iʼotarai me tumbu.+ He sawi hegöi biri-biri, okhöta Yehowa daʼö.+
27 Na urifö salakha daʼö ba omasi zi samösa niha isanu moloʼö faʼebua mböli si no mutatugöi, inönö sambua niʼolima tö.+ Hizaʼi na lö isanu, lafamawa dania moloʼö faʼebua mböli si no mutatugöi.
28 ”’Na no itehegö gokhötania si samösa niha ibeʼe manö lö böli* khö Yehowa, ba tebai saʼae mufamawa mazui musanu, he niha, urifö, mazui nowi. Fefu zi no mutehegö tobali fondrege niʼamoniʼö khö Yehowa.+
29 Na no mutatugöi wa mubunu zi samösa niha, tebai lasanu saʼae ia.+ Hasambalö mubunu ia.+
30 ”’Sambua niʼofulu+ moroi ba mbua danö, tobali tana khö Yehowa daʼö, he bua nowi mazui bua geu. Teʼamoniʼö daʼö khö Yehowa.
31 Na omasi zi samösa niha isanu zi sambua niʼofulu daʼö, ibuʼa moloʼö faʼebua mböli si no mutatugöi ba inönö sambua niʼolima tö.
32 Na laʼerai hauga ngaʼeu zawi, nambi, mazui biri-biri, urifö numero fulu sanörö arö ziʼo gubalo, mubeʼe ia khö Yehowa tobali niʼamoniʼö.
33 Tebai ifareso kubalo hadia sökhi gurifö daʼö mazui löʼö, ba tebai ifalalini. Na ifalalini gurifö daʼö ba gurifö tanö böʼö, urifö si dua ngaʼeu andrö tobali niʼamoniʼö.+ Tebai lasanu daʼö.’”
34 Daʼö goroisa Yehowa nibeʼenia ba ndraono Gizaraʼeli nifaʼemania khö Moze ba Hili Zinaʼi.+
Nisura ba gahe zura
^ Mazui ”iʼamoniʼö”.
^ Mazui ”Tebai laʼamoniʼö”.
^ Mazui ”tobali niʼosambuaʼö ba wamakiko”.
