3 Moze 5:1-19
5 ”’Na so zangila mazui samondrongo horö nifalua zi samösa niha, moguna iʼombakhaʼö horö andrö börö me tola ifaduhuʼö.+ Hizaʼi, tobali horönia na lö ifatunö ba yaʼia zoluʼi lua-lua horö andrö hewaʼae no iʼila ba no irongo wangelifi.*
2 ”’Na so zombambaya si raʼiö, duma-dumania amatela gurifö salakha simane utu ndruʼu, urifö nifaliaro, mazui urifö side-ide+ sowulo ba zi sambu-sambua nahia, raʼiö ia ba fasala hewaʼae na lö irasoi wa no ibabaya.
3 Na lö irasoi wa no ibabaya zi raʼiö börö waʼaraʼiö niha,+ he na gama-gama daʼö mazui niha, raʼiö ia ba fasala hewaʼae na awena iʼila ba gafuriata.
4 ”’Na so niha si tadoro weʼamöi ba hölu wamalua hadia ia fatua lö iʼangeragö, he na si sökhi mazui si lö sökhi, fasala ia* hewaʼae na awena iʼila ba gafuriata.+
5 ”’Na so zi fasala börö me ifalua fazambua moroi ba daʼö, lö tola löʼö ifatunö+ horönia.
6 Moguna göi ibeʼe zumange khö Yehowa börö horö nifaluania,+ yaʼia daʼö sageu mbiri-biri si alawe mazui sageu nambi si alawe sawuyu-wuyu si tobali sumange fameta horö. Ere dania zamalua fangatulö khönia ba teʼefaʼö horönia.
7 ”’Na lö sagu khönia wameʼe biri-biri mazui nambi, lö tola löʼö ibeʼe khö Yehowa zi dombua marafadi+ mazui fune si tobali sumange fameta zala. Tobali sumange fameta horö wofo si sambua, ba si sambua tö tobali sumange nitunu.+
8 Yamuʼohe khö gere. Fofo nibaliʼö sumange fameta horö daʼö zi oföna nibeʼe gere, itaba mbagi hizaʼi lö aetu.
9 Ere dania zangai do wofo daʼö maʼifu ba itefeʼö ba zi fasui naha wanunu sumange. Hizaʼi, ifangele ndro si töra ba narö naha wanunu sumange+ irege ahori. Daʼö zumange fameta horö.
10 Fofo si sambua tö ibeʼe tobali sumange nitunu, simane si toʼölö.+ Ere dania zamalua fangatulö khönia ba teʼefaʼö horönia.+
11 ”’Na lö sagu khönia wameʼe si dombua marafadi mazui fune, lö tola löʼö iʼohe 2,2 liter*+ hamo darigu si sökhi tobali sumange fameta horö. Tebai inönö wanikha mazui ibeʼe gumöyö yawa ba dete, börö me sumange fameta horö daʼö.
12 Yamuʼohe khö gere, ba ere dania zangai si sandraʼu hamo darigu andrö si tobali salahi zumange maʼafefu.* Itunu ba naha wanunu sumange yawa ba dete zumange nitunu ba galitö khö Yehowa enaʼö numalö miyawa zimbo. Daʼö zumange fameta horö.
13 Ere dania zamalua fangatulö khönia ba teʼefaʼö horönia,+ yaʼia daʼö fazambua moroi ba gotalua horö si no mutötöi mege. Si töra zumange andrö tobali tana khö gere,+ simane sumange niʼa.’”*+
14 Aefa daʼö imane Yehowa khö Moze,
15 ”Na so niha si faröi börö me lö iʼodödögö wanawö oroisa sanandrösa ba ngawalö niʼamoniʼö khö Yehowa,+ lö tola löʼö ibeʼe sageu mbiri-biri si matua si lö fökhö tobali sumange fameta zalania+ khö Yehowa. Ere dania zotatugöi hauga syekel* firö mböli mbiri-biri daʼö, moloʼö suʼa-suʼa waʼabua niʼogunaʼö ba nahia niʼamoniʼö.+
16 Ba ibuʼa göi wangali zi no isawö andrö sanandrösa ba ngawalö niʼamoniʼö, inönö sambua niʼolima moroi ba zi no ihalö.+ Yamubeʼe khö gere, ba ere dania zameʼe biri-biri si matua andrö tobali sumange fameta zala.+ Daʼö zamalua fangatulö khönia ba teʼefaʼö horönia.+
17 ”Na so zamalua horö börö me no isawö goroisa Yehowa hewaʼae na lö aboto ba dödönia, fasala ia ba hasambalö iluʼi lua-luania.+
18 Ibeʼe sageu mbiri-biri si matua si lö fökhö tobali sumange fameta zala, moloʼö faʼebua mböli si no mutatugöi.+ Ere dania zamalua fangatulö khönia ba teʼefaʼö horönia si lö muʼodödögö.
19 Daʼö zumange fameta zala. Fasala ia börö me no ifalua horö föna Yehowa.”
Nisura ba gahe zura
^ Mazui ”gangombakhata”. Te daʼa gangombakhata sanandrösa ba zi sambua olalöwa, farahu ba daʼö wangelifi niha samalua sala mazui niha si lö mamaduhuʼö hewaʼae no iʼila.
^ Te börö me lö ifalua mbuʼusa linia.
^ Mazui ”ba wanörö tödö sumange andrö maʼafefu”.
^ Mazui ”sumange bua nowi”.
