3 Moze 9:1-24
-
Ibeʼe Aʼaroni zumange (1-24)
9 Ba ngaluo si walu,+ mohede Moze khö Gaʼaroni hegöi ba ndraononia matua, awö ndra sondröniaʼö iraono Gizaraʼeli.
2 Imane khö Gaʼaroni, ”Halö sageu zawi sawuyu-wuyu si tobali sumange fameta horöu+ ba sageu mbiri-biri si matua si tobali sumange nitunu. Ohe daʼö föna Yehowa, hizaʼi böi beʼe zofökhö.
3 Ba waʼö ba ndraono Gizaraʼeli, ’Mihalö sageu nambi si matua tobali sumange fameta horö, sageu zawi sawuyu-wuyu ba sageu mbiri-biri si matua sawuyu-wuyu tobali sumange nitunu. Enaʼö si döfi faʼebua, ba böi mibeʼe zofökhö.
4 Halö göi sageu zawi si matua ba sageu mbiri-biri si matua si tobali sumange fangatulö.+ Mibeʼe daʼö fefu tobali sumange föna Yehowa ba mibeʼe göi zumange niʼa*+ si no mufaruka fanikha, börö me ifalukhaisi ami Yehowa maʼökhö.’”+
5 Börö daʼö, laʼohe fefu niwaʼö Moze andrö föna nose waʼowulo. Tohare fefu nono mbanua ba mozizio ira föna Yehowa.
6 Imane Moze, ”Yehowa zangumaʼö khömi wamalua daʼa börö me iforomaʼö khömi lakhöminia Yehowa.”+
7 Ba mohede Moze khö Gaʼaroni, ”Aeʼe ba naha wanunu sumange ba beʼe gurifö si tobali sumange fameta horö+ ba sumange nitunu. Andrö wangefa horöu+ awö nösi nomou. Beʼe göi zumange moroi ba soi daʼa+ ba yaʼugö zangandrö salahira enaʼö aefa horöra,+ simane niwaʼö Yehowa.”
8 Iʼanemaiʼö mofanö Gaʼaroni, möi ia ba naha wanunu sumange ba itaba sageu zawi sawuyu-wuyu si tobali sumange fameta horönia.+
9 Ba laʼoroʼö khönia iraononia ndro+ zawi sawuyu-wuyu andrö. Iʼungugö durunia Aʼaroni ba ndro daʼö ba ifagule ba dandru naha wanunu sumange. Iduwagö ndro si töra ba narö naha wanunu sumange.+
10 Moroi ba zawi sumange fameta horö andrö, ihalö dawö, bua, ba tawö si so ba gate, aefa daʼö itunu ba naha wanunu sumange enaʼö numalö miyawa zimbo, simane niwaʼö Yehowa khö Moze.+
11 Itunu nagole awö guli baero nose.+
12 Aefa daʼö, itaba Aʼaroni zumange nitunu. Labeʼe khönia iraononia ndro zumange andrö, ba itefeʼö ndro daʼö ba zi fasui naha wanunu sumange.+
13 Labeʼe khönia nagole gurifö si no mutatawi fabaya högö, ba itunu fefu ba naha wanunu sumange enaʼö numalö miyawa zimbo.
14 Me no awai daʼö, isasai mbetuʼa awö gahe, ba itunu ba naha wanunu sumange enaʼö numalö miyawa zimbo.
15 Lö ara, ibeʼe zumange Aʼaroni moroi ba soi daʼö. Ihalö nambi sumange fameta horö nibeʼe soi daʼö ba itaba. Ibeʼe zumange daʼö simane nifaluania ba ziföföna mege.
16 Iʼohe zumange nitunu Aʼaroni moloʼö amakhoita si no muhonogöi.+
17 Ihalö sandraʼu zumange andrö ba ibaliʼö sumange niʼa,+ itunu ba naha wanunu sumange enaʼö numalö miyawa zimbo, si tobali onönöta zumange nitunu ba zihulö wongi.+
18 Itaba Aʼaroni zawi si matua awö mbiri-biri si matua si tobali sumange fangatulö ba soi daʼö. Labeʼe khönia iraononia ndro gurifö daʼö, ba itefeʼö ba zi fasui naha wanunu sumange.+
19 Tawö zawi si matua andrö,+ iʼo sotawö moroi ba mbiri-biri si matua, bua, tawö galakhaö, ba tawö si so ba gate,+
20 labeʼe yawa ba dete döla nosu gurifö andrö. Ba itunu fefu dawö daʼö Aʼaroni ba naha wanunu sumange enaʼö numalö miyawa zimbo.+
21 Hizaʼi, ihalö döla nosu hegöi ahe kambölö ba gurifö daʼö, ba ifazaule-zaule föna Yehowa tobali sumange nifazaule, simane niwaʼö Moze.+
22 Aefa daʼö, ifazawa dangania Aʼaroni gamaudu soi daʼö ba ifahowuʼö ira.+ Ba möi ia tou moroi ba naha wanunu sumange me no aefa ibeʼe zumange fameta horö, sumange nitunu, ba sumange fangatulö.
23 Ba möi bakha ba nose waʼowulo Moze hegöi Aʼaroni, aefa daʼö möi ira baero wamahowuʼö soi daʼö.+
Lö ara, iforomaʼö lakhöminia Yehowa ba soi daʼö.+
24 Itorugö galitö Yehowa,+ ba akhozi fefu zumange nitunu hegöi tawö si so ba naha wanunu sumange. Me laʼila daʼö niha sato, omuso dödöra ba mangalulu ira.+
Nisura ba gahe zura
^ Mazui ”zumange bua nowi”.
