4 Moze 1:1-54
1 Ba ngaluo si oföna ba mbaŵa si dua, ba ndröfi si dua me aheta ndraono Gizaraʼeli ba danö Miserai,+ fahuhuo Yehowa khö Moze ba Danö si Mate Zinaʼi,+ ba nose waʼowulo,+
2 ”Miʼerai+ hawaʼato fefu ndraono Gizaraʼeli moloʼö mado hegöi ösi nomo zatuara ira matua. Fasuraʼö fefu döi ndra matua.
3 Yaʼugö ba Aʼaroni, mifasuraʼö döi nono matua si töra 20 fakhe+ si tola tobali saradadu, moloʼö ngawawara.*
4 ”Fili samösa ndra matua ero sambua mado; daʼö dania zi tobali sondröniaʼö ero sambua mado.*+
5 Daʼa döi-töi ndra matua sanolo yaʼugö: Moroi ba mado Rubeno, Elisuri+ ono Zedeuri;
6 moroi ba mado Zimeoni, Selumieli+ ono Zurisadaʼi;
7 moroi ba mado Yehuda, Nahaso+ ono Gaminadabi;
8 moroi ba mado Gisasari, Netaneʼeli+ ono Zuara;
9 moroi ba mado Zebuloni, Eliabi+ ono Helono;
10 moroi ba ngaʼötö Yosefo: moroi ba mado Geferai,+ Elisama ono Gamihudi; moroi ba mado Manase, Gamalieli ono Wedasuri;
11 moroi ba mado Mbeniami, Abidano+ ono Gideono;
12 moroi ba mado Dano, Ahieseri+ ono Gamisadai;
13 moroi ba mado Gaseri, Fagieli+ ono Gokherana;
14 moroi ba mado Gado, Eliazafi+ ono Degueli;
15 moroi ba mado Nafetali, Ahira+ ono Genani.
16 Daʼö ndra matua nifili moroi ba ngawawa zato. Yaʼira zondröniaʼö+ mado ndra tuara, sondröniaʼö iraono Gizaraʼeli si hauga ribu faʼato.”+
17 Börö daʼö, mohede Moze hegöi Aʼaroni khö ndra matua nifili Lowalangi andrö.
18 Ba ngaluo si oföna ba mbaŵa si dua, laʼowuloi fefu ngawawa zato ba wamasuraʼö töi niha moloʼö mado hegöi ösi nomo zatuara ira matua. Lafasuraʼö döi nono matua si töra 20 fakhe.+
19 Ifasuraʼö döira Moze ba Danö si Mate Zinaʼi+ simane niwaʼö Yehowa khönia.
20 Fefu nono matua ngaʼötö Rubeno, ono siaʼa ba ndraono Gizaraʼeli,+ lafasuraʼö döira moloʼö mado hegöi ösi nomo zatuara ira matua. Laʼerai fefu zi töra 20 fakhe si tola tobali saradadu.
21 Si no tesura moroi ba mado Rubeno 46.500 niha.
22 Fefu nono matua ngaʼötö Zimeoni,+ lafasuraʼö döira moloʼö mado hegöi ösi nomo zatuara ira matua. Laʼerai fefu zi töra 20 fakhe si tola tobali saradadu.
23 Si no tesura moroi ba mado Zimeoni 59.300 niha.
24 Fefu nono matua ngaʼötö Gado,+ lafasuraʼö döira moloʼö mado hegöi ösi nomo zatuara ira matua. Laʼerai fefu zi töra 20 fakhe si tola tobali saradadu.
25 Si no tesura moroi ba mado Gado 45.650 niha.
26 Fefu nono matua ngaʼötö Yehuda,+ lafasuraʼö döira moloʼö mado hegöi ösi nomo zatuara ira matua. Laʼerai fefu zi töra 20 fakhe si tola tobali saradadu.
27 Si no tesura moroi ba mado Yehuda 74.600 niha.
28 Fefu nono matua ngaʼötö Gisasari,+ lafasuraʼö döira moloʼö mado hegöi ösi nomo zatuara ira matua. Laʼerai fefu zi töra 20 fakhe si tola tobali saradadu.
29 Si no tesura moroi ba mado Gisasari 54.400 niha.
30 Fefu nono matua ngaʼötö Zebuloni,+ lafasuraʼö döira moloʼö mado hegöi ösi nomo zatuara ira matua. Laʼerai fefu zi töra 20 fakhe si tola tobali saradadu.
31 Si no tesura moroi ba mado Zebuloni 57.400 niha.
32 Fefu nono matua ngaʼötö Geferai+ ono Yosefo, lafasuraʼö döira moloʼö mado hegöi ösi nomo zatuara ira matua. Laʼerai fefu zi töra 20 fakhe si tola tobali saradadu.
33 Si no tesura moroi ba mado Geferai 40.500 niha.
34 Fefu nono matua ngaʼötö Manase,+ lafasuraʼö döira moloʼö mado hegöi ösi nomo zatuara ira matua. Laʼerai fefu zi töra 20 fakhe si tola tobali saradadu.
35 Si no tesura moroi ba mado Manase 32.200 niha.
36 Fefu nono matua ngaʼötö Mbeniami,+ lafasuraʼö döira moloʼö mado hegöi ösi nomo zatuara ira matua. Laʼerai fefu zi töra 20 fakhe si tola tobali saradadu.
37 Si no tesura moroi ba mado Mbeniami 35.400 niha.
38 Fefu nono matua ngaʼötö Dano,+ lafasuraʼö döira moloʼö mado hegöi ösi nomo zatuara ira matua. Laʼerai fefu zi töra 20 fakhe si tola tobali saradadu.
39 Si no tesura moroi ba mado Dano 62.700 niha.
40 Fefu nono matua ngaʼötö Gaseri,+ lafasuraʼö döira moloʼö mado hegöi ösi nomo zatuara ira matua. Laʼerai fefu zi töra 20 fakhe si tola tobali saradadu.
41 Si no tesura moroi ba mado Gaseri 41.500 niha.
42 Fefu nono matua ngaʼötö Nafetali,+ lafasuraʼö döira moloʼö mado hegöi ösi nomo zatuara ira matua. Laʼerai fefu zi töra 20 fakhe si tola tobali saradadu.
43 Si no tesura moroi ba mado Nafetali 53.400 niha.
44 Lafasuraʼö döi ndra niha daʼö fefu ira Moze, Aʼaroni, ba si 12 zondröniaʼö ndraono Gizaraʼeli nituyu tobali salahi ba madora* zamösana.
45 Fefu ndraono Gizaraʼeli si töra 20 fakhe si tola tobali saradadu, lafasuraʼö döira moloʼö ösi nomo zatuara ira matua.
46 Faʼatora fefu 603.550 niha.+
47 Hizaʼi, faböʼö niha Lewi+ moroi ba mado tanö böʼö. Lö lafasuraʼö döira moloʼö ösi nomo zatuara ira matua.+
48 Imane Yehowa khö Moze,
49 ”Böi fasuraʼö döi mado Lewi ba böi fonönö waʼatora ba ndraono Gizaraʼeli tanö böʼö.+
50 Fataro niha Lewi ba wondrorogö ose Lowalangi si so Famaduhuʼö,+ simanö göi fefu gama-gamania.+ Yaʼira zolohe ose Lowalangi awö gama-gamania.+ Ba daʼö mangai halöwö ira+ ba lafazökhi nosera ba zi fasui ose Lowalangi andrö.+
51 Na lafawuʼa nose Lowalangi, ha ira niha Lewi zi tola mamokai.+ Ba na lafasindro nose Lowalangi, ha yaʼira zi tola mamazökhi. Niha si lö mutehegö* samahatö yaʼia ba naha niʼamoniʼö, hasambalö mubunu.+
52 ”Dozi iraono Gizaraʼeli lafasindro nosera ba nahia si no mutatugöi, moloʼö ngawawa moroi ba zi tölu mado,*+ moloʼö ngawawara* zamösana.
53 Na lafasindro nosera ira niha Lewi, ba zi fasui ose Lowalangi si so Famaduhuʼö lataruʼö, enaʼö lö mofönu ndraʼo ba ndraono Gizaraʼeli sato.+ Niha Lewi zangonorogö tödö ba wondrorogö* ose Lowalangi si so Famaduhuʼö.”+
54 Lafalua fefu goroisa Yehowa iraono Gizaraʼeli nifaʼemania khö Moze. Lafalua simane sibai niwaʼönia.
Nisura ba gahe zura
^ Sin.: ”saradadura”.
^ Mazui ”sondröniaʼö moroi ba nösi nomo zatuania ira matua”.
^ Mazui ”salahi nösi nomo zatuara ira matua”.
^ Sin.: ”Niha si fatewu”, yaʼia daʼö si tenga niha Lewi.
^ Mazui ”laʼoʼö mandrera khöra zamösana”.
^ Sin.: ”saradadura”.
^ Mazui ”wozago”.
