4 Moze 12:1-16
12 Ibörögö mukökö Miriya faoma Aʼaroni khö Moze börö me ihalö foʼomonia ndra alawe Gusi.+
2 Lamane khönia, ”Hadia ha khö Moze fahuhuo Yehowa? Fahuhuo ia göi khöma!”+ Ba irongo daʼö Yehowa.+
3 Moze andrö ira matua si so fangide-ngideʼö, lö simane yaʼia ba zi sagörö ulidanö.+
4 Ba zi lö mudöna-döna, fahuhuo Yehowa khö Moze, Aʼaroni, ba Miriya, ”Datölu ami, miʼaeʼe ba nose waʼowulo.” Ba mofanö ira.
5 Ba tohare Yehowa möi ia tou ba döla lawuo,+ mosindro ia ba mbawandruhö nose andrö. Ikaoni Gaʼaroni faoma Miriya. Ba tohare ira.
6 Imane, ”Mifondrondrongo wehedegu. Na so zamaʼeleʼö khö Yehowa ba gotaluami, ubeʼe khönia gangilata+ ba wangombakha haniha ndraʼo. Fahuhuo ndraʼo khönia ba wangifi.+
7 Hizaʼi, tenga simane daʼö ndraʼo khö genonigu Moze. No ufaduhusi tödö ia ba wondrorogö ono mbanuagu.*+
8 Yaʼo Yehowa zi fatutu bawa ba wahuhuosa khönia+ ba li salio iʼila eluaha, ba tenga si fadahö-dahö. No uforomaʼö ndraʼo khönia. Ba hana wa barani ami wangumaʼö fehede si lö sökhi khö genonigu Moze?”
9 Mofönu sibai khöra Yehowa ba mofanö ia.
10 Awuʼa lawuo daʼö moroi ba nose ba göna bou auri Miriya, afusi simane esi.+ Ifakhölö ia Aʼaroni wamaigi Miriya ba iʼila wa no göna bou auri Miriya.+
11 Iʼanemaiʼö mohede Gaʼaroni khö Moze, ”He Pa, uʼandrö khöu! Böi tehegö göna khöma wanguhuku börö horöma! No mafalua gamuata faʼabodo.
12 Uʼandrö khöu, böi tehegö tobali ia simane ono si mate ba waʼatumbu, si no matonga obou!”
13 Ba mangandrö Moze khö Yehowa, ”He Lowalangi, uʼandrö khöu! Fadöhö ia!”+
14 Imane Yehowa khö Moze, ”Na idiloi mbawania amania, hadia lö teʼailasi ia sagötö zi fitu hari? Börö daʼö, akha tefasambua ia baero nose sagötö zi fitu hari.+ Awena dania tola mangawuli ia.”
15 Andrö, lafasambua Miriya baero nose sagötö zi fitu hari.+ Ba lö mofanö soi daʼö irege mangawuli Miriya.
16 Ba mofanö soi daʼö moroi ba Haseroti,+ lafasindro nosera ba Danö si Mate Farana.+
Nisura ba gahe zura
^ Sin.: ”Lö si faröi ia ba wondrorogö ösi nomogu maʼafefu”.
