4 Moze 15:1-41
15 Ifuli zui fahuhuo Yehowa khö Moze,
2 ”Fatunö ba ndraono Gizaraʼeli, ’Na mirugi dania danö nibeʼegu khömi ba toröi ami ba daʼö+
3 ba mibeʼe zawi, biri-biri, mazui nambi tobali sumange nitunu ba galitö khö Yehowa, he sumange nitunu,+ sumange fawuʼusa li, sumange fangandrö saohagölö+ mazui sumange ba wamalua owasa,+ enaʼö hua zumange andrö möi fangomuso dödö Yehowa,+
4 ba mibeʼe göi khö Yehowa zumange niʼa* yaʼia daʼö 2,2 liter* hamo darigu si sökhi+ si no mufaruka fanikha sarakhagö saliter.*
5 Mibeʼe göi saliter nagu si tobali sumange nibadu ba fao zumange nitunu+ mazui ero sageu mbiri-biri si matua sawuyu-wuyu nibeʼemi tobali sumange.
6 Ero sageu mbiri-biri si matua, mibeʼe zumange niʼa 4,4 liter* hamo darigu si sökhi si no mufaruka ba zi töra saliter* fanikha.
7 Ba mibeʼe töra saliter* nagu tobali sumange nibadu. Hua zumange andrö möi fangomuso dödö Yehowa.
8 ”’Hizaʼi na mibeʼe sageu zawi si matua tobali sumange nitunu+ mazui sumange fahölusa,+ mazui sumange fangatulö khö Yehowa,+
9 mifaogö wameʼe yaʼia ba zumange niʼa+ yaʼia daʼö 6,6 liter* hamo darigu si sökhi si no mufaruka fanikha sarakhagö dua liter.*
10 Ba mibeʼe arakhagö dua liter* nagu sumange nibadu,+ tobali sumange nitunu ba galitö. Hua zumange andrö möi fangomuso dödö Yehowa.
11 Daʼö zinangea mufalua ero sageu zawi si matua, biri-biri si matua, biri-biri si matua sawuyu-wuyu mazui nambi.
12 Gofu hawaʼoya nibeʼemi, daʼö zinangea mifalua ero sageu gurifö nibeʼe sumange.
13 Simane daʼö wameʼemi sumange nitunu ba galitö. Hua zumange andrö möi fangomuso dödö Yehowa.
14 ”’Na labeʼe zumange nitunu ba galitö ira niha si fatewu ba gotaluami mazui niha si no ara toröi ba khömi, ba hua zumange andrö möi fangomuso dödö Yehowa, ifalua zimane nifaluami.+
15 Moguna khömi gamakhoita daʼa hegöi ba niha si fatewu si toröi ba gotaluami. Moguna khömi daʼa irugi zi lö aetu ofeta ba ngaʼötömi. He yaʼami hegöi niha si fatewu, fagölö-gölö föna Yehowa.+
16 Enaʼö fagölö-gölö goroisa awö gangetula huku soguna khömi hegöi ba niha si fatewu.’”
17 Imane Yehowa khö Moze,
18 ”Fatunö ba ndraono Gizaraʼeli, ’Na no mirugi danö niʼohegu yaʼami dania,
19 ba miʼa gofu hadia ia roti* si so ba soi daʼö,+ mibeʼe dolo-tolo si no aoha gölö khö Yehowa.
20 Mibeʼe mbua siföföna+ moroi ba ziaʼa hamo darigu ba mifazökhi roti niʼogaladanga. Mibeʼe daʼö simane sumange moroi ba naha wamöbörö.
21 Yaʼami hegöi ngaʼötömi, mibeʼe ösa mbua siföföna moroi ba ziaʼa hamo darigu tobali sumange khö Yehowa.
22 ”’Na mifalua zala ba lö miʼoʼö fefu goroisa nifaʼema Yehowa khö Moze,
23 fefu goroisa Yehowa khömi nifaʼemania khö Moze, soguna ba ngaʼötömi iʼotarai me ifaʼema Yehowa irugi maʼökhö,
24 ba na mufalua daʼö hewaʼae tenga niʼodödögö ba samösa lö sangila ba gotalua ndraono Gizaraʼeli, hasambalö labeʼe sageu zawi si matua sawuyu-wuyu tobali sumange nitunu. Hua zumange andrö möi fangomuso dödö Yehowa. Ba labeʼe göi zumange niʼa awö zumange nibadu simane si toʼölö,+ ba sageu nambi sawuyu-wuyu tobali sumange fameta horö.+
25 Ere zamalua fangatulö ba ndraono Gizaraʼeli maʼafefu. Teʼefaʼö zalara+ börö me tenga laʼodödögö wamalua daʼö, ba no labeʼe zumange nitunu ba galitö khö Yehowa ba sumange fameta horö föna Yehowa.
26 Teʼefaʼö zala ndraono Gizaraʼeli sato hegöi niha si fatewu ba gotaluara börö me tenga niʼodödögö wamalua daʼö.
27 ”’Na so niha samalua horö hewaʼae tenga niʼodödögö, moguna ibeʼe sageu nambi si alawe si döfi faʼebua mazui ambö tobali sumange fameta horö.+
28 Ere zamalua fangatulö föna Yehowa salahi niha samalua horö si tenga niʼodödögö andrö. Teʼefaʼö horönia börö me no mufalua wangatulö.+
29 Sanandrösa ba wamalua horö si tenga niʼodödögö, fagölö-gölö goroisa soguna ba ndraono Gizaraʼeli sindruhu hegöi ba niha si fatewu ba gotaluara.+
30 ”’Hizaʼi, na so niha sangodödögö wamalua horö,+ he iraono Gizaraʼeli sindruhu hegöi niha si fatewu, no iʼoʼaya Yehowa ba hasambalö mubunu ia.*
31 Börö me no iʼosiwawöi wehede Yehowa ba isawö goroisania, andrö wa mubunu ia.+ Mate ia börö zalania samösa.’”+
32 Me so ndraono Gizaraʼeli ba danö si mate, falukha ira samösa ndra matua sangozaragö eu ba ngaluo Sabato.+
33 Laʼohe ndra matua daʼö khö Moze, Aʼaroni, hegöi iraono Gizaraʼeli sato.
34 Lataha ndra matua daʼö+ börö me lö si tatu hadia nifalua khönia.
35 Imane Yehowa khö Moze, ”Mibunu ndra matua daʼö,+ miʼohe ia baero nose ba mitebu ia kara.”+
36 Ba laʼohe ia baero nose iraono Gizaraʼeli, latebu ia kara irege mate, simane niwaʼö Yehowa khö Moze.
37 Imane nasa Yehowa khö Moze,
38 ”Fatunö ba ndraono Gizaraʼeli hegöi ba ngaʼötöra enaʼö lafohuru-huru gahe mbarura. Lafasa mbana sobalau yawa gahe mbaru sohuru-huru andrö.+
39 ’Mifasa huru-huru andrö enaʼö miʼila ba itörö tödömi niwaʼö Yehowa ba mifalua.+ Böi miʼoʼö niwaʼö dödömi awö niʼila hörömi, ma dania miʼerogö ndraʼo.*+
40 Oroisa daʼa zanolo yaʼami enaʼö itörö tödömi, irege miʼoʼö fefu goroisagu, ba tobali ami niʼamoniʼö khö Lowalangimi.+
41 Yaʼo Yehowa Lowalangimi, si no mangeheta yaʼami ba danö Miserai ba wangoromaʼö wa yaʼo Lowalangimi.+ Yaʼo Yehowa Lowalangimi.’”+
Nisura ba gahe zura
^ Mazui ”zumange bua nowi”.
^ Mazui ”gö”.
^ Sin.: ”laheta ia moroi ba soinia”.
^ Mazui ”mifalua wohorö ba wamati”.
