4 Moze 17:1-13
-
Siʼo Gaʼaroni soliwiö, daʼö zi tobali tandra (1-13)
17 Imane Yehowa khö Moze,
2 ”Waʼö ba ndraono Gizaraʼeli enaʼö labeʼe khöu ziʼo, sara ero sambua mado,* 12 rozi fefu ziʼo moroi khö ndra sondröniaʼö ba mado.*+ Sura döira zamösana ba ziʼo daʼö.
3 Sura döi Gaʼaroni ba ziʼo Lewi, börö me sara ziʼo ero samösa sondröniaʼö mado.*
4 Iröʼö fefu ziʼo daʼö ba nose waʼowulo föna Wamaduhuʼö,+ ba zi toʼölö falukha ndraʼo khömi.+
5 Mobowo dania ziʼo niha nifiligu+ ba ufadöhö wekökö ndraono Gizaraʼeli, si kökö-kökö khögu+ hegöi khömi.”+
6 Ba fahuhuo Moze ba ndraono Gizaraʼeli. Aefa daʼö, tohare fefu zondröniaʼö ba wameʼe siʼo khö Moze, sara ziʼo ero samösa sondröniaʼö mado,* 12 rozi fefu, ba so göi ba daʼö ziʼo Gaʼaroni.
7 Iʼiröʼö fefu ziʼo daʼö Moze, ibeʼe bakha ba nose si so Famaduhuʼö föna Yehowa.
8 Mahemolunia me möi Moze bakha ba nose si so Famaduhuʼö, ba no moliwiö ziʼo Gaʼaroni ba mado Lewi, mobunga, ba mobua almond* sasoso.
9 Ihalö fefu ziʼo daʼö Moze föna Yehowa ba iforomaʼö ba ndraono Gizaraʼeli. Lafaigi ba lahalö ziʼora zamösana.
10 Imane Yehowa khö Moze, ”Fuli ziʼo Gaʼaroni+ tanö föna Wamaduhuʼö, ba iröʼö daʼö si tobali tandra+ ba niha samadaö andrö.+ Daʼö mbörö dania wa döhö wekökö-kököra khögu ba lö mate ira.”
11 Iʼanemaiʼö ifalua daʼö Moze. Ifalua simane niwaʼö Yehowa khönia.
12 Lamane iraono Gizaraʼeli khö Moze, ”Si mate saʼae ndraʼaga iadaʼa, hasambalö tehori ndraʼaga. Nihori saʼae ndraʼaga fefu!
13 Hasambalö mate niha sangahatöʼö yaʼia ba nose Yehowa!+ Hadia si mate ndraʼaga fefu?”+
Nisura ba gahe zura
^ Mazui ”ba nösi nomo zatuania ira matua”.
^ Mazui ”ba nösi nomo zatuania ira matua”.
^ Mazui ”ba nösi nomo zatuania ira matua”.
^ Mazui ”ba nösi nomo zatuania ira matua”.
^ Mazui ”mobua badam”.
