4 Moze 2:1-34
2 Ba imane Yehowa khö Moze hegöi Aʼaroni,
2 ”Akha lafasindro nosera iraono Gizaraʼeli ba nahia si no mutatugöi moloʼö ngawawa moroi ba zi tölu mado,+ laʼoʼö mandrera* nösi nomo zatuara ira matua. Lafazökhi nosera ba zi fasui nahia waʼowulo, laʼotahögö nose andrö.
3 ”Tölu ngawawa mado nidöniaʼö Yehuda, lafazökhi nosera tanö ba gatumbukha luo, moloʼö ngawawara* zamösana. Sondröniaʼö mado Yehuda yaʼia daʼö Nahaso+ ono Gaminadabi.
4 Si no tesura töi ba ngawawania 74.600 niha.+
5 Ba zinga daʼö lafazökhi nosera mado Gisasari. Sondröniaʼö mado Gisasari yaʼia daʼö Netaneʼeli+ ono Zuara.
6 Si no tesura töi ba ngawawania 54.400 niha.+
7 Ba zinga mado Yehuda toröi mado Zebuloni. Sondröniaʼö mado Zebuloni yaʼia daʼö Eliabi+ ono Helono.
8 Si no tesura töi ba ngawawania 57.400 niha.+
9 ”Fefu zi no tesura töi ba ngawawa zaradadu nidöniaʼö mado Yehuda 186.400 niha. Yaʼira andre ngawawa si oföna mofanö.+
10 ”Tölu ngawawa mado nidöniaʼö Rubeno,+ lafazökhi nosera tanö raya, moloʼö ngawawara* zamösana. Sondröniaʼö mado Rubeno yaʼia daʼö Elisuri+ ono Zedeuri.
11 Si no tesura töi ba ngawawania 46.500 niha.+
12 Ba zinga daʼö lafazökhi nosera mado Zimeoni. Sondröniaʼö mado Zimeoni yaʼia daʼö Selumieli+ ono Zurisadaʼi.
13 Si no tesura töi ba ngawawania 59.300 niha.+
14 Ba zinga mado Rubeno toröi mado Gado. Sondröniaʼö mado Gado yaʼia daʼö Eliazafi+ ono Regueli.
15 Si no tesura töi ba ngawawania 45.650 niha.+
16 ”Fefu zi no tesura töi ba ngawawa zaradadu nidöniaʼö mado Rubeno 151.450 niha. Yaʼira andre ngawawa sofanö ganete ziföföna.+
17 ”Na lafawuʼa nose waʼowulo,+ enaʼö ba gotalua ngawawa tanö böʼö so niha Lewi.
”Mofanö ndraono Gizaraʼeli simane me laföfögö wamasindro osera+ ba nahiara zamösana, moloʼö ngawawa moroi ba zi tölu mado.
18 ”Tölu ngawawa mado nidöniaʼö Geferai, lafazökhi nosera tanö ba gaekhula, moloʼö ngawawara* zamösana. Sondröniaʼö mado Geferai yaʼia daʼö Elisama+ ono Gamihudi.
19 Si no tesura töi ba ngawawania 40.500 niha.+
20 Ba zinga daʼö lafazökhi nosera mado Manase.+ Sondröniaʼö mado Manase yaʼia daʼö Gamalieli+ ono Wedasuri.
21 Si no tesura töi ba ngawawania 32.200 niha.+
22 Ba zinga mado Geferai toröi mado Mbeniami. Sondröniaʼö mado Mbeniami yaʼia daʼö Abidano+ ono Gideono.
23 Si no tesura töi ba ngawawania 35.400 niha.+
24 ”Fefu zi no tesura töi ba ngawawa zaradadu nidöniaʼö mado Geferai 108.100 niha. Yaʼira andre ngawawa sofanö ganete zi dua.+
25 ”Tölu ngawawa mado nidöniaʼö Dano, lafazökhi nosera tanö yöu, moloʼö ngawawara* zamösana. Sondröniaʼö mado Dano yaʼia daʼö Ahieseri+ ono Gamisadai.
26 Si no tesura töi ba ngawawania 62.700 niha.+
27 Ba zinga daʼö lafazökhi nosera mado Gaseri. Sondröniaʼö mado Gaseri yaʼia daʼö Fagieli+ ono Gokherana.
28 Si no tesura töi ba ngawawania 41.500 niha.+
29 Ba zinga mado Dano toröi mado Nafetali. Sondröniaʼö mado Nafetali yaʼia daʼö Ahira+ ono Genani.
30 Si no tesura töi ba ngawawania 53.400 niha.+
31 ”Fefu zi no tesura töi ba ngawawa zaradadu nidöniaʼö mado Dano 157.600 niha. Yaʼira andre ngawawa safuria mofanö,+ moloʼö ngawawa moroi ba zi tölu mado.”
32 Daʼö ndraono Gizaraʼeli si no tesura töi moloʼö ösi nomo zatuara ira matua. Fefu zi tola tobali saradadu 603.550 niha.+
33 Hizaʼi, lö lafasuraʼö döi niha Lewi,+ lafaogö ira ba ndraono Gizaraʼeli tanö böʼö+ simane niwaʼö Yehowa khö Moze.
34 Lafalua fefu iraono Gizaraʼeli niwaʼö Yehowa khö Moze. Simane daʼö wamazökhira ose hegöi fofanöra,+ yaʼia daʼö moloʼö ngawawa moroi ba zi tölu mado,+ moloʼö mado hegöi ösi nomo zatuara ira matua.
Nisura ba gahe zura
^ Mazui ”dandra”.
^ Sin.: ”saradadura”.
^ Sin.: ”saradadura”.
^ Sin.: ”saradadura”.
^ Sin.: ”saradadura”.