4 Moze 24:1-25
24 Me iʼila Bileamo wa omuso dödö Yehowa na tefahowuʼö ndraono Gizaraʼeli, lö iʼalui saʼae wamaʼeleʼö si lö sökhi simane ba wamobörö.+ Me ifaigi danö si mate Bileamo,
2 iʼila wa no lafaʼoli wamazökhi osera iraono Gizaraʼeli moloʼö madora zamösana,+ ba itema geheha niʼamoniʼö moroi khö Lowalangi.+
3 Ba iwaʼö gamaedola andre,+
”Daʼa wehede Mbileamo ono Mbeori,Fehede ndra matua si no teboka hörö,
4 Fehede niha samondrongo niwaʼö Lowalangi,Sanöndra angilata moroi khö Wondrege Zabölö,Sotuhi tanö ba si no teboka hörö:+
5 Hawaʼasökhi nosemö, yaʼugö Yakobo,Nahia waʼatoröimö, yaʼugö Izaraʼeli!+
6 Hulö simane daso sebolo,+Simane sinanö ba zinga nungo nidanö,Simane gaharu* nitanö Yehowa,Simane eu eresi ba zinga nidanö.
7 Lö aetu mowöi nidanö moroi ba embenia si dombua,Ba mufazawili danömönia* ba zinga nidanö.+
Abölö molakhömi razonia+ moroi khö Agagi,+Ba tefolakhömi wamatörönia.+
8 Lowalangi zangeheta iraono Gizaraʼeli ba danö Miserai;Hulö dandru zawi gatua si matua ia khöra.
Laʼa fefu ngawalö soi samakao yaʼira iraono Gizaraʼeli,+Laʼökhi döla nudura ba lahori faoma ono wana.
9 Ifadölö ia, ilau mörö simane singo.Börö me hulö zingo ia, haniha zi barani ba wanusugi yaʼia?
Samahowuʼö yaʼugö ba tefahowuʼö,Sangelifi yaʼugö ba göna fangelifi.”+
10 Ba mofönu sibai Mbalaki khö Mbileamo. Ibözi tawo-tawo ba wangoʼaya Bileamo imane, ”Wa ukaoni ndraʼugö ba daʼa ba wangelifi si faʼudu khögu,+ hizaʼi no medölu kali öfahowuʼö ira.
11 Angawuli iadaʼa. Sindruhunia, omasido ubeʼe khöu zumange sebua,+ hizaʼi no itaha khöu daʼö Yehowa.”
12 Imane Bileamo, ”No uwaʼö ba niha nifatengeu khögu,
13 ’Hewaʼae iʼamualagö khögu nomonia Balaki safönu firö ba anaʼa, tebai usawö goroisa Yehowa ba niwaʼö dödögu, hewaʼae si sökhi daʼö mazui tenga. Hadia niwaʼö Yehowa, daʼö niwaʼögu göi.’+
14 Mangawulido iadaʼa ba soigu. Ufatunö dania khöu hadia nifalua soi daʼa ba soimö.”*
15 Iwaʼö gamaedola daʼa Bileamo,+
”Daʼa wehede Mbileamo ono Mbeori,Fehede nono matua si no teboka hörö,+
16 Fehede niha samondrongo niwaʼö Lowalangi,Sangokhögö faʼaboto ba dödö sanandrösa khö Wondrege Zalawa,Sanöndra angilata moroi khö Wondrege ZabölöSotuhi tanö ba si no teboka hörö:
17 Ufaigi dania ia, hizaʼi tenga iadaʼa;Unehegö dania ia, hizaʼi ba zi so miföna.
Tumbu dania sambua ndröfi+ moroi khö Yakobo,Tohare dania ziʼo famatörö+ moroi ba Gizaraʼeli.+
Hasambalö dania ifufu gangango niha Moabi+Awö zole högö ndra saradadu sagamuʼi.
18 Sagötö iforomaʼö waʼabaraninia Izaraʼeli,Ifatörö dania Gedomo,+Ba aekhu Zeʼira+ ba danga zi faʼudu khönia.+
19 Moroi ba ngaʼötö Yakobo dania tohare zokalaisi udu,+Ba ihori fefu niha si tosai ba mbanua daʼö.”
20 Me iʼila niha Gamaleki, itohugö gamaedolania Bileamo,
”Ba gotalua soi tanö böʼö, niha Gamaleki zi oföna,*+Hizaʼi, tehori ia ba gafuriata.”+
21 Me iʼila niha Geni,+ itohugö gamaedolania,
”Lö ametaʼuö ba nahia waʼatoröimö, ba toröi ndraʼugö ba hili sokara.
22 So dania samösa zanunu niha Geni irege ahori.
Hawaʼara tö iʼoloiʼö ndraʼugö niha Asiria?”
23 Ba itohugö gamaedolania,
”Alai! Haniha zauri na ifalua daʼa Lowalangi?
24 Tohare dania göfa moroi ba mbanua Gitimi;+Lafakao Asiria,+Ba lafakao Geberi.
Hizaʼi, tehori göi dania ira.”*
25 Aefa daʼö, mofanö Mbileamo+ mangawuli ia ba nahania, simanö göi Mbalaki.
Nisura ba gahe zura
^ Töi geu somuhua niʼogunaʼö tobali fanikha fangomuhua ba götö Zura Niʼamoniʼö.
^ Mazui ”ngaʼötönia”.
^ Mazui ”ba ngaluo safuria”.
^ Eluahania niha Gamaleki andre zi oföna manuwö iraono Gizaraʼeli me no aheta ira ba danö Miserai.
^ Sin.: ”ia”.
