4 Moze 26:1-65
-
Mufuli muʼerai hawaʼato mado Gizaraʼeli (1-65)
26 Me no aefa wökhö waba andrö,+ imane Yehowa khö Moze hegöi Eleazari ono Gere Aʼaroni,
2 ”Erai fefu hawaʼato ndraono Gizaraʼeli si töra 20 fakhe moloʼö ösi nomo zatuara ira matua. Erai fefu zi tola tobali saradadu ba Gizaraʼeli.”+
3 Börö daʼö, fahuhuo Moze faoma Ere Eleazari+ ba ndraono Gizaraʼeli ba Danö si Mate Moabi,+ ba zinga Nungo Nidanö Yoridano sahatö ba Yerikho,+
4 ”Erai fefu hawaʼato niha si töra 20 fakhe, simane niwaʼö Yehowa khö Moze.”+
Daʼa ndraono Gizaraʼeli saheta ba danö Miserai:
5 Mado Rubeno+ ono siaʼa khö Gizaraʼeli; ngaʼötö Rubeno:+ moroi khö Hanokhi, ösi nomo ngaʼötö Hanokhi; moroi khö Walu, ösi nomo ngaʼötö Walu;
6 moroi khö Hezerono, ösi nomo ngaʼötö Hezerono; moroi khö Garemi, ösi nomo ngaʼötö Garemi.
7 Daʼö nösi nomo ngaʼötö Rubeno, ba si no tesura töi 43.730 niha.+
8 Ono matua khö Walu yaʼia daʼö Eliabi.
9 Ono matua khö Geliabi yaʼia daʼö Nemueli, Datano ba Abiramo. Datano faoma Abiramo andrö niha nifili ba gotalua zato, ba yaʼira göi zolawa Moze+ hegöi Aʼaroni, fao khöra ngawawa nidöniaʼö Gora+ me mamadaö ira khö Yehowa.+
10 Ibokai mbawania tanö ba itölö ira. Mate Gora, simanö göi niha si faʼawö khönia me iʼa alitö zi 250 niha.+ Salua khöra andrö tobali sambua famangelama.+
11 Hizaʼi, lö mate ndraono Gora.+
12 Ngaʼötö Zimeoni+ moloʼö ösi nomora: Moroi khö Nemueli, ösi nomo ngaʼötö Nemueli; moroi khö Yamini, ösi nomo ngaʼötö Yamini; moroi khö Yakhino, ösi nomo ngaʼötö Yakhino;
13 moroi khö Zera, ösi nomo ngaʼötö Zera; moroi khö Zaulo, ösi nomo ngaʼötö Zaulo.
14 Daʼö nösi nomo ngaʼötö Zimeoni. Faʼatora fefu 22.200 niha.+
15 Ngaʼötö Gado+ moloʼö ösi nomora: Moroi khö Zefono, ösi nomo ngaʼötö Zefono; moroi khö Hagi, ösi nomo ngaʼötö Hagi, moroi khö Zuni, ösi nomo ngaʼötö Zuni;
16 moroi khö Gosini, ösi nomo ngaʼötö Gosini; moroi khö Geri, ösi nomo ngaʼötö Geri;
17 moroi khö Garodi, ösi nomo ngaʼötö Garodi; moroi khö Gareli, ösi nomo ngaʼötö Gareli.
18 Daʼö nösi nomo ngaʼötö Gado, ba si no tesura töi 40.500 niha.+
19 Ono matua khö Yehuda+ yaʼia daʼö Ero ba Onani.+ Hizaʼi, mate Gero faoma Onani ba danö Ganaʼana.+
20 Ngaʼötö Yehuda moloʼö ösi nomora: Moroi khö Zela,+ ösi nomo ngaʼötö Zela; moroi khö Weresi,+ ösi nomo ngaʼötö Weresi; moroi khö Zera,+ ösi nomo ngaʼötö Zera.
21 Ngaʼötö Weresi: Moroi khö Hezerono,+ ösi nomo ngaʼötö Hezerono; moroi khö Hamuli,+ ösi nomo ngaʼötö Hamuli.
22 Daʼö nösi nomo ngaʼötö Yehuda, ba si no tesura töi 76.500 niha.+
23 Ngaʼötö Gisasari+ moloʼö ösi nomora: Moroi khö Dola,+ ösi nomo ngaʼötö Dola; moroi khö Wuwa, ösi nomo ngaʼötö Wuni,
24 moroi khö Yasubi, ösi nomo ngaʼötö Yasubi; moroi khö Zimeroni, ösi nomo ngaʼötö Zimeroni.
25 Daʼö nösi nomo ngaʼötö Gisasari, ba si no tesura töi 64.300 niha.+
26 Ngaʼötö Zebuloni+ moloʼö ösi nomora: Moroi khö Zeredi, ösi nomo ngaʼötö Zeredi, moroi khö Gelono, ösi nomo ngaʼötö Gelono; moroi khö Yaleʼeli, ösi nomo ngaʼötö Yaleʼeli.
27 Daʼö nösi nomo ngaʼötö Zebuloni, ba si no tesura töi 60.500 niha.+
28 Ngaʼötö Yosefo+ moloʼö ösi nomora: Manase ba Eferai.+
29 Ngaʼötö Manase:+ Moroi khö Makhiri,+ ösi nomo ngaʼötö Makhiri; Makhiri ama Gileadi;+ moroi khö Gileadi, ösi nomo ngaʼötö Gileadi.
30 Daʼa ngaʼötö Gileadi: Moroi khö Yezeri, ösi nomo ngaʼötö Yezeri; moroi khö Heleki, ösi nomo ngaʼötö Heleki;
31 moroi khö Gaserieli, ösi nomo ngaʼötö Gaserieli; moroi khö Zikhema, ösi nomo ngaʼötö Zikhema;
32 moroi khö Zemida, ösi nomo ngaʼötö Zemida; moroi khö Heferi, ösi nomo ngaʼötö Heferi.
33 Lö hadöi ono matua khö Zelofadi ono Heferi, ha ono alawe.+ Töi ndraononia alawe+ yaʼia daʼö Mala, Noa, Hogela, Milika hegoi Tirisa.
34 Daʼö nösi nomo ngaʼötö Manase, ba si no tesura töi 52.700 niha.+
35 Daʼa ngaʼötö Geferai+ moloʼö ösi nomora: Moroi khö Zutela,+ ösi nomo ngaʼötö Zutela; moroi khö Mbekheri, ösi nomo ngaʼötö Mbekheri; moroi khö Dahana, ösi nomo ngaʼötö Dahana.
36 Daʼa ngaʼötö Zutela: Moroi khö Gerano, ösi nomo ngaʼötö Gerano.
37 Daʼö nösi nomo ngaʼötö Geferai, ba si no tesura töi 32.500 niha.+ Daʼö ngaʼötö Yosefo moloʼö ösi nomora.
38 Ngaʼötö Mbeniami+ moloʼö ösi nomora: Moroi khö Mbela,+ ösi nomo ngaʼötö Mbela; moroi khö Gasibeli, ösi nomo ngaʼötö Gasibeli; moroi khö Gahiramo, ösi nomo ngaʼötö Gahiramo;
39 moroi khö Zufama, ösi nomo ngaʼötö Zufama; moroi khö Hufama, ösi nomo ngaʼötö Hufama.
40 Ngaʼötö Mbela yaʼia daʼö Aradi ba Naʼema.+ Moroi khö Garadi, ösi nomo ngaʼötö Garadi; moroi khö Naʼema, ösi nomo ngaʼötö Naʼema.
41 Daʼö nösi nomo ngaʼötö Mbeniami, ba si no tesura töi 45.600 niha.+
42 Daʼa ngaʼötö Dano+ moloʼö ösi nomora: Moroi khö Zuha, ösi nomo ngaʼötö Zuha. Daʼö nösi nomo Dano moloʼö ösi nomora.
43 Si no tesura töi ba nösi nomo Zuha 64.400 niha.+
44 Ngaʼötö Gaseri+ moloʼö ösi nomora: Moroi ba Yimina, ösi nomo ngaʼötö Yimina; moroi ba Yisiwi, ösi nomo ngaʼötö Yisiwi; moroi ba Mberia, ösi nomo ngaʼötö Mberia;
45 moroi ba ngaʼötö Mberia: Moroi khö Heberi, ösi nomo ngaʼötö Heberi; moroi khö Malekieli, ösi nomo ngaʼötö Malekieli.
46 Töi nono alawe khö Gaseri yaʼia daʼö Sera.
47 Daʼö nösi nomo ngaʼötö Gaseri, ba si no tesura töi 53.400 niha.+
48 Ngaʼötö Nafetali+ moloʼö ösi nomora: Moroi khö Yaseʼeli, ösi nomo ngaʼötö Yaseʼeli; moroi khö Guni, ösi nomo ngaʼötö Guni;
49 moroi khö Yeseri, ösi nomo ngaʼötö Yeseri; moroi khö Zilemi, ösi nomo ngaʼötö Zilemi.
50 Daʼö nösi nomo ngaʼötö Nafetali moloʼö ösi nomora, ba si no tesura töi 45.400 niha.+
51 Faʼato fefu ndraono Gizaraʼeli si no tesura töi 601.730 niha.+
52 Aefa daʼö imane Yehowa khö Moze,
53 ”Mibagi danö daʼö tobali ondröita, moloʼö döi-töi* si no tesura.+
54 Ba ngawawa sabölö ebua, hasambalö önönö gondröitara. Ba ngawawa sabölö ide-ide, hasambalö öʼalösi gondröitara.+ Ondröita ero sambua ngawawa enaʼö fagölö moloʼö hawaʼato döi si no tesura.
55 Hizaʼi, mubagi danö andrö si fao dahö-dahö.+ Latema gondröitara moloʼö mado ndra tuara.
56 Fefu gondröita mutatugöi ia moloʼö dahö-dahö, ba labagi ero sambua ngawawa sebua hegöi side-ide.”
57 Daʼa zi no tesura töi moroi ba ngaʼötö Lewi+ moloʼö ösi nomora: Moroi khö Gereso, ösi nomo ngaʼötö Gereso; moroi khö Gahati,+ ösi nomo ngaʼötö Gahati; moroi khö Merari, ösi nomo ngaʼötö Merari.
58 Daʼa nösi nomo ngaʼötö Lewi: ösi nomo ngaʼötö Libini,+ ösi nomo ngaʼötö Heberona,+ ösi nomo ngaʼötö Maheli,+ ösi nomo ngaʼötö Musi,+ ösi nomo ngaʼötö Gora.+
Kahati andrö ama Gameramo.+
59 Töi woʼomo Gameramo yaʼia daʼö Yokhebe,+ ono Lewi si tumbu ba danö Miserai. Ononia khö Gameramo yaʼia daʼö Aʼaroni, Moze, ba Miriya dalifusöra alawe.+
60 Ba tumbu ndraono khö Gaʼaroni sotöi Nadabi, Abihu, Eleazari ba Itamari.+
61 Hizaʼi, mate Nadabi faoma Abihu börö me labeʼe zumange somuhua khö Yehowa si lö ba goroisa.+
62 Fefu nono matua si töra sara waŵa si no tesura töi 23.000 niha.+ Lö lafaogö wanura töira ba ndraono Gizaraʼeli tanö böʼö+ börö me lö tebeʼe khöra gondröita.+
63 Daʼö döi-töi niha nisura Moze awö Gere Eleazari me laʼerai ndraono Gizaraʼeli ba Danö si Mate Moabi, ba zinga Nungo Nidanö Yoridano sahatö ba Yerikho.
64 Hizaʼi, lö hadöi ba gotaluara niha nisura Moze faoma Aʼaroni me laʼerai ndraono Gizaraʼeli ba Danö si Mate Zinaʼi.+
65 Börö me no iwaʼö Yehowa wa mate ndra niha daʼö ba danö si mate.+ Awai zauri ba gotaluara ha Kalebi ono Yefune ba Yosua ono Nuni.+
Nisura ba gahe zura
^ Mazui ”hawaʼato niha”.
