4 Moze 28:1-31
28 Ifuli zui fahuhuo Yehowa khö Moze,
2 ”Faʼema goroisa daʼa ba ndraono Gizaraʼeli, ’Böi olifu ami wameʼe sumange khögu yaʼia daʼö roti si tobali sumange. Mutunu daʼö ba galitö ba ginötö si no muhonogöi,+ si tobali sumange fangomuso dödögu.’
3 ”Fatunö khöra, ’Sumange nitunu ba galitö si lö tola löʼö mibeʼe khö Yehowa yaʼia daʼö dua geu mbiri-biri si matua sawuyu-wuyu ba si lö fökhö si döfi faʼebua. Daʼö zumange nitunu si lö mamalö-malö mibeʼe ero maʼökhö.+
4 Biri-biri si sageu mitunu ia tobali sumange ba zihulö wongi, ba si sageu tö tanö owi.*+
5 Na mibeʼe mbiri-biri daʼö tobali sumange, mifaogö zumange niʼa* yaʼia daʼö 2,2 liter* hamo darigu si sökhi si no mufaruka ba zi saliter* fanikha.+
6 Daʼö zumange nitunu si lö mamalö-malö mibeʼe+ nihonogöi ba Hili Zinaʼi. Daʼö zumange nitunu ba galitö khö Yehowa sangomusoiʼö tödönia.
7 Mibeʼe göi zumange nibadu yaʼia daʼö saliter* duo ero sageu mbiri-biri.+ Mifaduwa ba nahia niʼamoniʼö si tobali sumange nibadu khö Yehowa.
8 Mibeʼe sumange mbiri-biri si sageu tö ba zi tanö owi.* Simane sumange nibeʼemi me sihulö wongi, mibeʼe göi zumange niʼa ba sumange nibadu tobali sumange nitunu ba galitö si möi fangomuso dödö Yehowa.+
9 ”’Hizaʼi ero luo Sabato,+ mibeʼe sumange dua ngaʼeu mbiri-biri si matua sawuyu-wuyu si lö fökhö ba si döfi faʼebua, ba 4,4 liter* hamo darigu si sökhi nifaruka fanikha tobali sumange niʼa, simanö göi zumange nibadu.
10 Daʼö zumange nitunu ba ngaluo Sabato, baero zumange nitunu si lö tebulö mubeʼe hegöi sumange nibadu.+
11 ”’Ero böröta mbaŵa, mibeʼe dua ngaʼeu zawi si matua sawuyu-wuyu, sageu mbiri-biri si matua, ba fitu ngaʼeu mbiri-biri si matua sawuyu-wuyu si lö fökhö si döfi faʼebua tobali sumange nitunu khö Yehowa.+
12 Mibeʼe göi zumange niʼa,+ yaʼia daʼö 6,6 liter* hamo darigu si sökhi nifaruka fanikha ero sageu zawi si matua, ba 4,4 liter* hamo darigu si sökhi nifaruka fanikha ba mbiri-biri si matua,+
13 ba 2,2 liter* hamo darigu si sökhi nifaruka fanikha ero sageu mbiri-biri si matua sawuyu-wuyu. Daʼö fefu zumange nitunu, sumange nitunu ba galitö khö Yehowa si möi fangomuso dödönia.+
14 Mibeʼe göi zumange nibadu, faʼoyania arakhagö dua liter* nagu ero sageu zawi si matua,+ töra saliter* ba mbiri-biri si matua,+ ba arakhagö saliter* ero sageu mbiri-biri si matua sawuyu-wuyu.+ Daʼö zumange nitunu ero waŵa ba zi döfi.
15 Baero daʼö, mibeʼe sageu nambi sawuyu-wuyu tobali sumange fameta horö khö Yehowa, baero zumange nitunu si lö tebulö mubeʼe hegöi sumange nibadu.
16 ”’Ba ngaluo si 14 ba mbaŵa siföföna alua Wasa khö Yehowa.+
17 Ba ngaluo si 15 ba mbaŵa daʼö alua gowasa. Muʼa roti si lö mufaruka ragi sagötö zi fitu hari.+
18 Ba ngaluo siföföna mufalua gangowuloa niʼamoniʼö. Tebai mifalua halöwö sabua.
19 Mibeʼe dua ngaʼeu zawi si matua sawuyu-wuyu, sageu mbiri-biri si matua, ba fitu ngaʼeu mbiri-biri si matua sawuyu-wuyu si döfi faʼebua tobali sumange nitunu khö Yehowa. Böi mibeʼe zofökhö.+
20 Fefu daʼö mibeʼe sumange ba mifaogö ba zumange niʼa yaʼia daʼö hamo darigu si sökhi nifaruka fanikha,+ faʼoyania 6,6 liter* ero sageu zawi si matua, ba 4,4 liter* ba mbiri-biri si matua,
21 ba 2,2 liter* ero sageu mbiri-biri moroi ba zi fitu ngaʼeu mbiri-biri si matua sawuyu-wuyu.
22 Mibeʼe göi sageu nambi tobali sumange fameta horö ba wamalua fangatulö ba zala nifaluami.
23 Mibeʼe fefu daʼö baero zumange nitunu si lö tebulö mubeʼe ero sihulö wongi.
24 Ero maʼökhö sagötö zi fitu hari, simane daʼö nifaluami ba wanunu sumange andrö ba galitö. Daʼö gö* nibaliʼö sumange. Hua zumange andrö möi fangomuso dödö Yehowa. Mufaogö wameʼe daʼö ba zumange nitunu si toʼölö mubeʼe hegöi sumange nibadu.
25 Mifalua gangowuloa niʼamoniʼö ba ngaluo si fitu.+ Tebai mifalua halöwö sabua.+
26 ”’Mifalua gangowuloa niʼamoniʼö ba Gowasa Ero Migu,+ yaʼia daʼö ba ngaluo siföföna na mamasi ami,+ na mibeʼe zumange niʼa si bohou khö Yehowa.+ Tebai mifalua halöwö sabua.+
27 Mibeʼe dua ngaʼeu zawi si matua sawuyu-wuyu, sageu mbiri-biri si matua, ba fitu ngaʼeu mbiri-biri si matua sawuyu-wuyu si döfi faʼebua tobali sumange nitunu. Hua zumange andrö möi fangomuso dödö Yehowa.+
28 Mibeʼe göi zumange niʼa, yaʼia daʼö hamo darigu si sökhi nifaruka fanikha, faʼoyania 6,6 liter* ero sageu zawi si matua, ba 4,4 liter* ba mbiri-biri si matua,
29 ba 2,2 liter* ero sageu mbiri-biri moroi ba zi fitu ngaʼeu mbiri-biri si matua sawuyu-wuyu.
30 Mibeʼe göi sageu nambi sawuyu-wuyu ba wamalua fangatulö ba zala nifaluami.+
31 Mibeʼe fefu daʼö tobali sumange ba mifaogö zumange nibadu, baero zumange nitunu si toʼölö mubeʼe awö zumange niʼa. Böi mibeʼe zofökhö.+
Nisura ba gahe zura
^ Te me no aekhu luo, fatua lö ogömi.
^ Mazui ”zumange bua nowi”.
^ Te me no aekhu luo, fatua lö ogömi.
^ Sin.: ”roti”.
