4 Moze 29:1-40
29 Ba ngaluo siföföna ba mbaŵa si fitu, mifalua gangowuloa niʼamoniʼö. Tebai mifalua halöwö sabua.+ Lafoli dorofe ba ngaluo daʼö.+
2 Mibeʼe sageu zawi si matua sawuyu-wuyu, sageu mbiri-biri si matua, ba fitu ngaʼeu mbiri-biri si matua sawuyu-wuyu si döfi faʼebua si lö fökhö. Daʼö zumange nitunu. Hua zumange andrö möi fangomuso dödö Yehowa.
3 Mibeʼe göi zumange niʼa,* yaʼia daʼö hamo darigu si sökhi nifaruka fanikha, faʼoyania 6,6 liter* soguna ba zawi si matua, ba 4,4 liter* ba mbiri-biri si matua,
4 ba 2,2 liter* ero sageu mbiri-biri moroi ba zi fitu ngaʼeu mbiri-biri si matua sawuyu-wuyu.
5 Mibeʼe göi sageu nambi si matua sawuyu-wuyu tobali sumange fameta horö ba wamalua fangatulö ba zala nifaluami.
6 Daʼö zinangea mibeʼe tobali sumange simane si toʼölö mifalua, baero zumange nitunu ero waŵa ba sumange niʼa+ si fao ba daʼö, sumange nitunu si toʼölö mubeʼe ero maʼökhö ba sumange niʼa+ si fao ba daʼö. Mufaogö göi wameʼe sumange nibadu.+ Daʼö zumange nitunu ba galitö khö Yehowa si möi fangomuso dödönia.
7 ”’Ba ngaluo si fulu ba mbaŵa si fitu, mifalua gangowuloa niʼamoniʼö+ ba miʼide-ideʼö ami.* Tebai mohalöwö ami.+
8 Mibeʼe khö Yehowa sageu zawi si matua sawuyu-wuyu, sageu mbiri-biri si matua, ba fitu ngaʼeu mbiri-biri si matua sawuyu-wuyu si döfi faʼebua, si tobali sumange nitunu si möi fangomuso dödönia. Böi mibeʼe zofökhö.+
9 Mibeʼe göi zumange niʼa, yaʼia daʼö hamo darigu si sökhi nifaruka fanikha, faʼoyania 6,6 liter* soguna ba zawi si matua, ba 4,4 liter* ba mbiri-biri si matua,
10 ba 2,2 liter* ero sageu mbiri-biri moroi ba zi fitu ngaʼeu mbiri-biri si matua sawuyu-wuyu.
11 Mibeʼe göi sageu nambi si matua sawuyu-wuyu tobali sumange fameta horö, baero zumange fameta horö soguna ba ngaluo wangatulö+ hegöi sumange nitunu si toʼölö mubeʼe awö zumange niʼa si fao ba daʼö. Mufaogö göi wameʼe sumange nibadu.
12 ”’Ba ngaluo si 15 ba mbaŵa si 7, mifalua gangowuloa niʼamoniʼö. Tebai mifalua halöwö sabua, ba fitu hari mifalua gowasa khö Yehowa.+
13 Lö tola löʼö mibeʼe 13 ngaʼeu zawi si matua sawuyu-wuyu, 2 ngaʼeu mbiri-biri si matua, ba 14 ngaʼeu mbiri-biri si matua sawuyu-wuyu si döfi faʼebua tobali sumange nitunu.+ Böi mibeʼe zofökhö.+ Daʼö zumange nitunu ba galitö. Hua zumange andrö möi fangomuso dödö Yehowa.
14 Mibeʼe göi zumange niʼa, yaʼia daʼö hamo darigu si sökhi nifaruka fanikha, faʼoyania 6,6 liter* ero sageu zawi moroi ba zi 13 ngaʼeu zawi si matua, ba 4,4 liter* ero sageu mbiri-biri moroi ba zi 2 ngaʼeu mbiri-biri si matua,
15 ba 2,2 liter* ero sageu mbiri-biri moroi ba zi 14 ngaʼeu mbiri-biri si matua sawuyu-wuyu.
16 Mibeʼe göi sageu nambi sawuyu-wuyu tobali sumange fameta horö baero zumange nitunu si toʼölö mubeʼe awö zumange niʼa si fao ba daʼö ba sumange nibadu.+
17 ”’Ba ngaluo si 2, mibeʼe 12 ngaʼeu zawi si matua sawuyu-wuyu, 2 ngaʼeu mbiri-biri si matua, ba 14 ngaʼeu mbiri-biri si matua sawuyu-wuyu si döfi faʼebua. Böi mibeʼe zofökhö.+
18 Mibeʼe göi zumange niʼa ba sumange nibadu soguna ba zawi si matua, biri-biri si matua, ba biri-biri si matua sawuyu-wuyu andrö moloʼö faʼoyania simane si toʼölö.
19 Mibeʼe göi sageu nambi sawuyu-wuyu tobali sumange fameta horö baero zumange nitunu si toʼölö mubeʼe awö zumange niʼa si fao ba daʼö ba sumange nibadu.+
20 ”’Ba ngaluo si 3, mibeʼe 11 ngaʼeu zawi si matua, 2 ngaʼeu mbiri-biri si matua, ba 14 ngaʼeu mbiri-biri si matua sawuyu-wuyu si döfi faʼebua. Böi mibeʼe zofökhö.+
21 Mibeʼe göi zumange niʼa ba sumange nibadu soguna ba zawi si matua, biri-biri si matua, ba biri-biri si matua sawuyu-wuyu andrö moloʼö faʼoyania simane si toʼölö.
22 Mibeʼe göi sageu nambi sawuyu-wuyu tobali sumange fameta horö baero zumange nitunu si toʼölö mubeʼe awö zumange niʼa si fao ba daʼö ba sumange nibadu.+
23 ”’Ba ngaluo si 4, mibeʼe 10 ngaʼeu zawi si matua, 2 ngaʼeu mbiri-biri si matua, ba 14 ngaʼeu mbiri-biri si matua sawuyu-wuyu si döfi faʼebua. Böi mibeʼe zofökhö.+
24 Mibeʼe göi zumange niʼa ba sumange nibadu soguna ba zawi si matua, biri-biri si matua, ba biri-biri si matua sawuyu-wuyu andrö moloʼö faʼoyania simane si toʼölö.
25 Mibeʼe göi sageu nambi sawuyu-wuyu tobali sumange fameta horö baero zumange nitunu si toʼölö mubeʼe awö zumange niʼa si fao ba daʼö ba sumange nibadu.+
26 ”’Ba ngaluo si 5, mibeʼe 9 ngaʼeu zawi si matua, 2 ngaʼeu mbiri-biri si matua, ba 14 ngaʼeu mbiri-biri si matua sawuyu-wuyu si döfi faʼebua. Böi mibeʼe zofökhö.+
27 Mibeʼe göi zumange niʼa ba sumange nibadu soguna ba zawi si matua, biri-biri si matua, ba biri-biri si matua sawuyu-wuyu andrö moloʼö faʼoyania simane si toʼölö.
28 Mibeʼe göi sageu nambi sawuyu-wuyu tobali sumange fameta horö baero zumange nitunu si toʼölö mubeʼe awö zumange niʼa si fao ba daʼö ba sumange nibadu.+
29 ”’Ba ngaluo si 6, mibeʼe 8 ngaʼeu zawi si matua, 2 ngaʼeu mbiri-biri si matua, ba 14 ngaʼeu mbiri-biri si matua sawuyu-wuyu si döfi faʼebua. Böi mibeʼe zofökhö.+
30 Mibeʼe göi zumange niʼa ba sumange nibadu soguna ba zawi si matua, biri-biri si matua, ba biri-biri si matua sawuyu-wuyu andrö moloʼö faʼoyania simane si toʼölö.
31 Mibeʼe göi sageu nambi sawuyu-wuyu tobali sumange fameta horö baero zumange nitunu si toʼölö mubeʼe awö zumange niʼa si fao ba daʼö ba sumange nibadu.+
32 ”’Ba ngaluo si 7, mibeʼe 7 ngaʼeu zawi si matua, 2 ngaʼeu mbiri-biri si matua, ba 14 ngaʼeu mbiri-biri si matua sawuyu-wuyu si döfi faʼebua. Böi mibeʼe zofökhö.+
33 Mibeʼe göi zumange niʼa ba sumange nibadu soguna ba zawi si matua, biri-biri si matua, ba biri-biri si matua sawuyu-wuyu andrö moloʼö faʼoyania simane si toʼölö.
34 Mibeʼe göi sageu nambi sawuyu-wuyu tobali sumange fameta horö baero zumange nitunu si toʼölö mubeʼe awö zumange niʼa si fao ba daʼö ba sumange nibadu.+
35 ”’Ba ngaluo si 8, mifalua gangowuloa niʼamoniʼö. Tebai mifalua halöwö sabua.+
36 Mibeʼe göi sageu zawi si matua, sageu mbiri-biri si matua, ba fitu ngaʼeu mbiri-biri si matua sawuyu-wuyu si döfi faʼebua tobali sumange nitunu. Böi mibeʼe zofökhö.+ Daʼö zumange nitunu ba galitö. Hua zumange andrö möi fangomuso dödö Yehowa.
37 Mibeʼe göi zumange niʼa ba sumange nibadu soguna ba zawi si matua, biri-biri si matua, ba biri-biri si matua sawuyu-wuyu andrö moloʼö faʼoyania simane si toʼölö.
38 Mibeʼe göi sageu nambi sawuyu-wuyu tobali sumange fameta horö baero zumange nitunu si toʼölö mubeʼe awö zumange niʼa si fao ba daʼö ba sumange nibadu.+
39 ”’Daʼö zumange nitunu,+ sumange niʼa,+ sumange nibadu+ hegöi sumange fangatulö+ si lö tola löʼö mibeʼe khö Yehowa ero mifalua gowasa,+ baero zumange fawuʼusa li+ awö zumange si no aoha gölö fameʼe.’”+
40 Ifaʼema daʼö fefu Moze ba ndraono Gizaraʼeli simane niwaʼö Yehowa khönia.
Nisura ba gahe zura
^ Mazui ”zumange bua nowi”.
^ Te eluahania fuasö mazui laböhöli wamalua si tebai.
