4 Moze 33:1-56
33 Daʼa waö-waö wofanö ndraono Gizaraʼeli me aheta ira ba danö Miserai+ moloʼö ngawawara*+ nidöniaʼö Moze faoma Aʼaroni.+
2 Simane niwaʼö Yehowa, isura fefu Moze hezo manö mbanua si no irai latörö sagötö fofanöra. Daʼa waö-waö wofanöra moroi ba nahia si sambua numalö ba zi sambua:+
3 Ba ngaluo si 15 ba mbaŵa siföföna,+ mofanö ira moroi ba Ramese.+ Sahari me no aefa Wasa,+ lö faʼataʼu ba ndraono Gizaraʼeli* me mofanö ira föna niha Miserai.
4 Gasa-gasa daʼö, lakoʼo nonora siaʼa ira niha Miserai nibunu Yehowa+ börö me no ihuku fefu lowalangira andrö Yehowa.+
5 Mofanö ndraono Gizaraʼeli moroi ba Ramese ba lafazökhi nosera ba Zukhota.+
6 Mofanö ira moroi ba Zukhota ba lafazökhi nosera ba Getama,+ yaʼia daʼö ba zinga danö si mate.
7 Aefa daʼö, mofanö ira moroi ba Getama ba lafuli ira ba Wihakhiroti, yaʼia daʼö föna Mbaʼali-zefono,+ ba lafazökhi nosera föna Migidola.+
8 Mofanö ira moroi ba Wihakhiroti laʼötö nasi+ numalö ba danö si mate,+ tölu hari ira ba lala ba Danö si Mate Getama,+ ba lafazökhi nosera ba Mara.+
9 Mofanö ira moroi ba Mara ba larugi Gelima. So 12 gumbu nidanö ba Gelima ba 70 ngaʼeu döla geu khorema ba lafazökhi nosera ba daʼö.+
10 Mofanö ira moroi ba Gelima ba lafazökhi nosera ahatö ba Nasi Soyo.
11 Aefa daʼö, mofanö ira moroi ba Nasi Soyo ba lafazökhi nosera ba Danö si Mate Sini.+
12 Ba mofanö ira moroi ba Danö si Mate Sini ba lafazökhi nosera ba Dofeka.
13 Mofanö ira moroi ba Dofeka ba lafazökhi nosera ba Galusi.
14 Mofanö ira moroi ba Galusi ba lafazökhi nosera ba Rafidi.+ Lö hadöi öra idanö ba daʼö.
15 Mofanö ira moroi ba Rafidi ba lafazökhi nosera ba Danö si Mate Zinaʼi.+
16 Mofanö ira moroi ba Danö si Mate Zinaʼi ba lafazökhi nosera ba Giberoti-hataʼawa.+
17 Ba mofanö ira moroi ba Giberoti-hataʼawa ba lafazökhi nosera ba Haseroti.+
18 Mofanö ira moroi ba Haseroti ba lafazökhi nosera ba Ritima.
19 Mofanö ira moroi ba Ritima ba lafazökhi nosera ba Rimo-waresi.
20 Aefa daʼö, mofanö ira moroi ba Rimo-waresi ba lafazökhi nosera ba Libena.
21 Mofanö ira moroi ba Libena ba lafazökhi nosera ba Risa.
22 Mofanö ira moroi ba Risa ba lafazökhi nosera ba Gehelata.
23 Ba mofanö ira moroi ba Gehelata ba lafazökhi nosera ba Hili Zaferi.
24 Mofanö ira moroi ba Hili Zaferi ba lafazökhi nosera ba Harada.
25 Mofanö ira moroi ba Harada ba lafazökhi nosera ba Makeloti.
26 Mofanö+ ira moroi ba Makeloti ba lafazökhi nosera ba Dahata.
27 Mofanö ira moroi ba Dahata ba lafazökhi nosera ba Dera.
28 Aefa daʼö, mofanö ira moroi ba Dera ba lafazökhi nosera ba Mitika.
29 Mofanö ira moroi ba Mitika ba lafazökhi nosera ba Hasimona.
30 Ba mofanö ira moroi ba Hasimona ba lafazökhi nosera ba Mosera.
31 Mofanö ira moroi ba Mosera ba lafazökhi nosera ba Mbene-yaʼaka.+
32 Mofanö ira moroi ba Mbene-yaʼaka ba lafazökhi nosera ba Hori-hagidigada.
33 Mofanö ira moroi ba Hori-hagidigada ba lafazökhi nosera ba Yotabata.+
34 Ba mofanö ira moroi ba Yotabata ba lafazökhi nosera ba Gaberona.
35 Mofanö ira moroi ba Gaberona ba lafazökhi nosera ba Gesiono-geberi.+
36 Mofanö ira moroi ba Gesiono-geberi ba lafazökhi nosera ba Danö si Mate Zini,+ yaʼia daʼö ba Gadesi.
37 Ba latohugö wofanö moroi ba Gadesi-mbarenea ba lafazökhi nosera ba Hili Hori,+ ba nola mbanua Gedomo.
38 Ba möi Gere Aʼaroni yawa ba Hili Hori simane niwaʼö Yehowa khönia ba mate ia ba daʼö me no 40 fakhe aheta ndraono Gizaraʼeli ba danö Miserai, yaʼia daʼö ba ngaluo si oföna ba mbaŵa si lima.+
39 Mate Gaʼaroni ba Hili Hori me 123 fakhe ndröfinia.
40 Me luo daʼö, irongo waʼatohare ndraono Gizaraʼeli razo niha Garadi,+ yaʼia daʼö niha Ganaʼana si toröi ba Negebi ba danö Ganaʼana.
41 Lö ara aefa daʼö, mofanö ira moroi ba Hili Hori+ ba lafazökhi nosera ba Zalomona.
42 Mofanö ira moroi ba Zalomona ba lafazökhi nosera ba Wuno.
43 Mofanö ira moroi ba Wuno ba lafazökhi nosera ba Goboto.+
44 Mofanö ira moroi ba Goboto ba lafazökhi nosera ba Giye-haʼabari ba nola danö Moabi.+
45 Mofanö ira moroi ba Giyi* ba lafazökhi nosera ba Dibona-gado.+
46 Mofanö ira moroi ba Dibona-gado ba lafazökhi nosera ba Galimona-dibelataʼi.
47 Mofanö ira moroi ba Galimona-dibelataʼi ba lafazökhi nosera ba Hili Gabari+ föna Nebo.+
48 Ba gafuriata, mofanö ira moroi ba Hili Gabari ba lafazökhi nosera ba Danö si Mate Moabi, ba zinga Nungo Nidanö Yoridano sahatö ba Yerikho.+
49 Lafazökhi nosera ba zinga Nungo Nidanö Yoridano, moroi ba Mbeti-yesimoti ofeta ba Habeli-ziti,+ ba Danö si Mate Moabi.
50 Fahuhuo Yehowa khö Moze ba Danö si Mate Moabi, ba zinga Nungo Nidanö Yoridano sahatö ba Yerikho,
51 ”Fatunö ba ndraono Gizaraʼeli, ’Miʼötö dania Nungo Nidanö Yoridano weʼamöi ba mbanua Ganaʼana.+
52 Mifofanö fefu zowanua ba daʼö ba midudugö gara nitoto+ awö nadu nifazökhira moroi ba loga,*+ ba fefu naha wamosumange.*+
53 Mirabu dania mbanua andrö ba miʼiagö börö me hasambalö ubeʼe khömi soi daʼö.+
54 Mibagi-bagi dania danö daʼö ba nösi nomomi faoma dahö-dahö.+ Minönö danö ondröita ba ngawawa sabölö ebua, ba miʼalösi gondröita ba ngawawa sabölö ide-ide.+ Ondröita ero samösa niha dania mutatugöi moloʼö dahö-dahö. Mitema dania danö ondröita khömi moloʼö mado ndra tuami.+
55 ”’Hizaʼi, na lö mifofanö niha mbanua daʼö fönami,+ tobali ira simane olowingö ba hörömi ba doi ba mbetuʼami. Lafakao dania ami ba danö si toröi ami.+
56 Ba uhuku ami simane fanguhuku sedöna ufalua khöra.’”+
Nisura ba gahe zura
^ Sin.: ”saradadu”.
^ Sin.: ”lafazawa dangara iraono Gizaraʼeli”.
^ Te daʼa döi fangadogoiʼö Giye-haʼabari.
^ Mazui ”nadu nifahele”.
^ Sin.: ”nahia sagalawa”.
