4 Moze 34:1-29
34 Imane Yehowa khö Moze,
2 ”Faʼema goroisa daʼa ba ndraono Gizaraʼeli, ’Na mirugi danö Ganaʼana,+ daʼö dania danö ondröita khömi, ba daʼa nola-olania.+
3 ”’Ola tanö raya tebörögö ba Danö si Mate Zini, ihene manö mbanua Gedomo, ba ola tanö ba gatumbukha iʼotarai mbalö Nasi Sasi-asi.*+
4 Ola tanö raya numalö ba Hili Nakerabi+ tanö raya ofeta ba Zini, ba aetu tanö raya Gadesi-mbarenea.+ Ba ofeta nasa nola daʼö ba Hasara-adara+ irugi Gasemona.
5 Ola daʼö numalö ba Gasemona ofeta ba Ndraso Miserai, ba aetu ba Nasi.*+
6 ”’Ola tanö ba gaekhula yaʼia daʼö Asi Sebolo* hegöi singa nasi. Daʼö nola tanö ba gaekhula khömi.+
7 ”’Daʼa nola tanö yöu khömi: Iʼotarai Nasi Sebolo ofeta ba Hili Hori,
8 iʼotarai Hili Hori ofeta ba Lebo-hamata,*+ ba aetu ba Zedadi.+
9 Ola daʼö numalö ba Ziferono ba aetu ba Hasara-enono.+ Daʼö nola tanö yöu khömi.
10 ”’Ola tanö ba gatumbukha iʼotarai Hasara-enono ofeta ba Zefama.
11 Moroi ba Zefama numalö ba Ribela ofeta ba gatumbukha Gaʼina, ba numalö mitou ba gahe hili gatumbukha Nasi Gineroti.*+
12 Ola daʼö numalö ba Nungo Nidanö Yoridano, ba aetu ba Nasi Sasi-asi.+ Daʼö zi tobali tanömi+ hegöi ola ba zi fasuinia.’”
13 Imane Moze ba ndraono Gizaraʼeli, ”Daʼa danö si tobali tana khömi nibagi moloʼö dahö-dahö.+ Tebeʼe daʼö ba zi siwa a matonga mado, simane niwaʼö Yehowa.
14 Börö me no lahalö dana khöra ira mado Rubeno, mado Gado, ba matonga mado Manase, moloʼö ösi nomo zatuara ira matua.+
15 Mado si dombua a matonga daʼö no lahalö dana khöra, yaʼia daʼö tanö ba gatumbukha Yoridano sahatö ba Yerikho, sangotahögö atumbukha luo.”+
16 Imane Yehowa khö Moze,
17 ”Töi ndra matua sombagi tanö andrö si tobali tana khömi yaʼia daʼö Ere Eleazari+ ba Yosua+ ono Nuni.
18 Mifili samösa zondröniaʼö ero sambua mado ba wombagi tanö ondröita andrö.+
19 Daʼa döi-töi ndra matua andrö: Moroi ba mado Yehuda,+ Kalebi+ ono Yefune;
20 moroi ba mado Zimeoni,+ Semueli ono Gamihudi;
21 moroi ba mado Mbeniami,+ Elidado ono Giselono;
22 moroi ba mado Dano,+ Buki ono Yogelisi;
23 moroi ba ngaʼötö Yosefo,+ moroi ba mado Manase,+ Hanieli ono Gefodi;
24 moroi ba mado Geferai,+ Kemueli ono Zifetano;
25 moroi ba mado Zebuloni,+ Elisafa ono Waranakhi;
26 moroi ba mado Gisasari,+ Falatieli ono Gasana;
27 moroi ba mado Gaseri,+ Ahihudi ono Zelomi;
28 ba moroi ba mado Nafetali,+ Fedaheli ono Gamihudi.”
29 Daʼö ndra matua nifili Yehowa sombagi tanö Ganaʼana ba ndraono Gizaraʼeli.+
Nisura ba gahe zura
^ Eluahania Asi si Mate.
^ Eluahania Asi Mediterania (Laut Tengah).
^ Eluahania Asi Mediterania (Laut Tengah).
^ Mazui ”lala si numalö ba Hamata”.
^ Eluahania Danau Genesare, mazui Asi Galilaia.