5 Moze 13:1-18
-
Nifalua ba niha si no mondröi sindruhu (1-18)
13 ”Na so ba gotaluami zamaʼeleʼö mazui sanöndra angilata ba wangifi, ba ibeʼe dandra mazui angilata,
2 ba itörö fefu niwaʼönia andrö ba imane, ’Aine, dataʼoʼö lowalangi tanö böʼö si lö irai taʼila, datafosumange ira,’
3 böi fondrondrongo wehede zamaʼeleʼö andrö mazui fangifinia+ börö me itandraigö ami Yehowa Lowalangimi+ hadia miʼomasiʼö Yehowa Lowalangimi soroi ba dödö awö nosomi* maʼasambua.+
4 Yehowa Lowalangimi zinangea miʼoʼö ba yaʼia zinangea miʼataʼufi. Miʼoʼö goroisania ba mifondrondrongo niwaʼönia. Ha yaʼia zinangea mifosumange ba böi faröi ami khönia.+
5 Hizaʼi, hasambalö mibunu zamaʼeleʼö mazui sanöndra angilata andrö ba wangifi+ börö me idönisi ami ba wolawa Yehowa Lowalangimi, si no mangeheta yaʼami moroi ba danö Miserai ba sangöhöli yaʼami moroi ba nahia wangosawuyu. Omasi ia na miröi lala sinangea mitörö si no iwaʼö Yehowa Lowalangimi. Miheta fefu zi lö sökhi moroi ba gotaluami.+
6 ”Na idönisi ami talifusömi ba zi lö laʼila niha sato, yaʼia daʼö ono ninami, onomi, foʼomo niʼomasiʼömi mazui si fahuwu khömi ba wamosumange lowalangi tanö böʼö+ si lö irai miʼila ba si lö irai laʼila ira tuami,
7 lowalangi moroi ba soi böʼö si so ba zi fasuimi, sahatö mazui saröu, iʼotarai mbalö danö faföfö,
8 böi miʼoʼö mazui mifondrondrongo niwaʼönia.+ Böi mihakhösi tödö mazui milumöʼö ia.
9 Mibunu ia,+ yaʼami zi oföna manebu yaʼia faoma kara irege mate, awena dania laʼoʼö niha sato wanebu yaʼia.+
10 Mitebu ia irege mate+ börö me iʼodödögö enaʼö miʼerogö Yehowa Lowalangimi si no mangeheta yaʼami moroi ba danö Miserai, nahia wangosawuyu yaʼami.
11 Aefa daʼö, larongo dania iraono Gizaraʼeli maʼafefu ba ataʼu ira. Iʼotarai daʼö, lö irai saʼae lafalua zi lö sökhi simane daʼö.+
12 ”Te mirongo dania duria ba zi sambua banua nibeʼe Yehowa Lowalangimi khömi wa
13 so niha si lö karua zamaelungu ono mbanuara ba wamosumange lowalangi tanö böʼö si lö irai miʼila.
14 Na mirongo duria simane daʼö, mihaogö minehegö ua samuza, mifareso ba misofu.+ Na sindruhu no lafalua zi raʼiö andrö,
15 mibunu fefu nono mbanua daʼö faoma föda.+ Mihori fefu mbanua daʼö awö zi so khönia, fao ngawalö gurifö.+
16 Ba miʼowuloi fefu zi no mirabu ba golayama mbanua andrö, awena mitunu mbanua daʼö. Fefu zi no mirabu tobali simane sumange nitunu khö Yehowa Lowalangimi. Tobali akhökhöla mbanua daʼö sagötö faʼara ba tebai lafuli lafazökhi.
17 Tebai mihalö gofu hadia zi no muʼosambuaʼö enaʼö tehori+ faböi ifuli mofönu Yehowa ba ahakhö dödönia ami. Monönö waʼatomi ibeʼe simane si no möi ia ba hölu khö ndra tuami.+
18 Miʼoʼö* niwaʼö Yehowa Lowalangimi, mifalua fefu goroisania si no ufaʼema khömi maʼökhö. Ba daʼö oroma dania wa satulö nifaluami föna Yehowa Lowalangimi.+
