5 Moze 14:1-29
14 ”Yaʼami andrö ono Yehowa Lowalangimi. Böi mikhokhoi mbotomi+ mazui mitöwö mbu röngö-röngömi* na so zi mate.+
2 Börö me soi niʼamoniʼö ami+ khö Yehowa Lowalangimi. Moroi ba soi si so ba gulidanö, no ifili ami Yehowa tobali ono mbanuania, yaʼia daʼö okhötania si tohude.*+
3 ”Böi miʼa gofu hadia ia zi raʼiö.+
4 Daʼa gurifö si tola miʼa:+ sawi, biri-biri, nambi,
5 böhö, nago, nambi gatua, antelop, biri-biri gatua hegöi nago hili.
6 Tola miʼa fefu gurifö si no fabali saʼa ba samomendrua femanga göra.
7 Hizaʼi, tebai miʼa gurifö na ha ifomendrua wemanga gönia mazui ha si no fabali saʼa, yaʼia daʼö ondra, kelinci* hegöi hiraks,* börö me lö si fabali zaʼania hewaʼae na ifomendrua wemanga gönia. Fefu daʼö oi salakha.+
8 Urifö salakha göi mbawi. Hewaʼae na fabali zaʼania, hizaʼi lö ifomendrua wemanga gönia. Tebai miʼa daʼö fefu mazui mibabaya gamatelania.
9 ”Urifö sauri ba nidanö si tola miʼa yaʼia daʼö sohuna-huna ba sofere-fere.+
10 Hizaʼi, tebai miʼa fefu zi lö hadöi huna-huna ba fere-fere. Fefu daʼö oi salakha.
11 ”Tola miʼa gofu hadia wofo si lö alakha.
12 Daʼa ngawalö wofo si tebai miʼa: moyo, moyo nasi, fofo saitö si manga amatela,+
13 moyo soyo, moyo saitö, ba fefu ngawalö moyo,
14 fefu ngawalö gaga,
15 fofo ondra, lamuhu, katawaena, ba fefu ngawalö wötö,
16 lamuhu side-ide, lamuhu sanau talinga, surati,
17 fofo pelikan, fofo si manga amatela, bebe laza,
18 tumbao, fefu ngawalö kotoli, fofo hupo ba bögi.
19 Alakha fefu gurifö si gide-ide si so afi ba tebai miʼa.
20 Tola miʼa fefu gurifö si hombo si lö alakha.
21 ”Na so gurifö si no mate nisöndrami, böi miʼa gurifö daʼö.+ Tola mibeʼe daʼö ö niha si fatewu ba mbanuami* ba tola iʼa mazui mifamawa ba niha si fatewu. Yaʼami andrö ono mbanua niʼamoniʼö khö Yehowa Lowalangimi.
”Böi mirino nono nambi ba zusu ninania.+
22 ”Ero röfi mibeʼe zi sambua niʼofulu mbua zinanö nitanömi ba nowi.+
23 Miʼa zi sambua niʼofulu moroi ba mbua nowi khömi, agu si bohou, ba fanikha hegöi siaʼa nono zawi, nambi ba biri-biri. Miʼa daʼö föna Yehowa Lowalangimi ba nahia si no itatugöi ba wamolakhömi töinia.+ Na mifalua daʼö, no mifahaʼö ami ba wangataʼufi Yehowa Lowalangimi.+
24 ”Hizaʼi, na talafo aröu nahia nitatugöi Yehowa Lowalangimi ba wamolakhömi töinia,+ ba tebai miʼohe ba daʼö mbua nowi khömi börö wa aröu lala nitörö, (me no ifahowuʼö ami Yehowa Lowalangimi),
25 ba tola mifamawa. Bölinia tola miʼohe na möi ami ba nahia si no itatugöi Yehowa Lowalangimi.
26 Tola mifake gefe daʼö na so zomasi ami miʼöli, he sawi, biri-biri, nambi hegöi agu ba tuo tanö böʼö. Ba daʼö miʼa föna Yehowa Lowalangimi ba miʼomusoiʼö dödömi awö nösi nomomi.+
27 Böi miʼositengagö niha Lewi si so ba mbanuami,+ börö me lö hadöi tana khöra mazui ondröita nitemara simane nitemami.+
28 ”Ba gangohorita ndröfi si tölu fakhe, miʼohe fefu zi sambua niʼofulu moroi ba mbua nowi ba ndröfi daʼö, ba mibeʼe daʼö ba mbanuami.+
29 Tohare dania niha Lewi si lö hadöi manöndra tana khöra mazui ondröita simane yaʼami, simanö göi niha si fatewu, si lö ama* hegöi lakha mbanua ba mbanuami, ba manga ira irege abuso.+ Na mifalua daʼö, ifahowuʼö fefu nifaluami Yehowa Lowalangimi.+
Nisura ba gahe zura
^ Mazui ”mbumi yawa ba gangangomi”.
^ Mazui ”yaʼia daʼö ono mbanua niʼomasiʼönia”.
^ Sin.: ”kawelu”. Hulö simane kelinci, hizaʼi abölö ebua nasa gawelu. Anau dalinga hegöi ahenia.
^ Hulö marmut sebua, lö hadöi iʼo, ba toröi ia ba gotalua gara.
^ Sin.: ”bakha ba mbawa göli”.
^ Mazui ”si lö ama si lö ina”.
