5 Moze 16:1-22
16 Mitörö tödömi mbaŵa Abibi* ba miʼowasaini Wasa khö Yehowa Lowalangimi,+ börö me ba mbaŵa daʼö iheta ami Yehowa Lowalangimi ba danö Miserai ba zi bongi.+
2 Mibeʼe zumange Wasa khö Yehowa Lowalangimi,+ yaʼia daʼö nambi, biri-biri, sawi,+ ba nahia si no itatugöi Yehowa ba wamolakhömi töinia.+
3 Böi mifaogö wemanga sumange daʼö ba zi no mufaruka ragi.+ Sagötö zi fitu hari, miʼa roti si lö mufaruka ragi, simane me aösö-aösö ami wofanö moroi ba danö Miserai,+ ba mitörö tödömi wamakao nitaögömi. Mifalua daʼö enaʼö itörö tödömi sandrohu faʼaurimi hewisa me aheta ami ba danö Miserai.+
4 Sagötö zi fitu hari andrö, tebai so ragi ba mbanuami maʼasagörö.+ Nagole gurifö nibeʼe sumange ba mbongi si oföna tebai mutenagö irugi mahemolu sihulö wongi.+
5 Tebai mibeʼe misa zumange Wasa ba mbanua nibeʼe Yehowa Lowalangimi khömi.
6 Hizaʼi, mibeʼe daʼö tobali sumange ba nahia si no itatugöi Yehowa Lowalangimi ba wamolakhömi töinia. Ba zi bongi mibeʼe zumange Wasa, me no aekhu luo+ ba ginötö si fagölö me aheta ami ba danö Miserai.
7 Mirino ba miʼa+ ba nahia si no itatugöi Yehowa Lowalangimi+ ba na no moluo tola mangawuli ami ba nosemi zamösana.
8 Miʼa roti si no mufaruka ragi sagötö zi önö hari, ba so gangowuloa si tohude ba ngaluo si fitu khö Yehowa Lowalangimi. Tebai mohalöwö ami ba ngaluo daʼö.+
9 ”Miʼerai zi fitu migu. Mibörögö wangerai yaʼia iʼotarai me awena sibai mibörögö wamasi bua nowimi.+
10 Aefa daʼö, mifalua Gowasa Ero Migu khö Yehowa Lowalangimi,+ miʼohe zumange si no aoha gölö, moloʼö howu-howu nibeʼe Yehowa Lowalangimi khömi.+
11 Miʼomusoiʼö dödömi föna Yehowa Lowalangimi ba nahia si no itatugöi Yehowa Lowalangimi ba wamolakhömi töinia, mifaogö ndraonomi hegöi sawuyumi awö niha Lewi si so ba mbanuami,* niha si fatewu, si lö ama,* hegöi lakha mbanua si so ba gotaluami.+
12 Mitörö tödömi wa no teʼosawuyu ami mböröta ba danö Miserai.+ Miʼoʼö ba mifalua gamakhoita andre.
13 ”Mifalua Gowasa Nose Ndraha Geu*+ sagötö zi fitu hari, yaʼia daʼö ba ginötö miʼowuloi mbua zinanö ba naha wamöbörö hegöi naha wamera fanikha faoma bua nagu.
14 Miʼomusoiʼö dödömi ba gowasa andrö+ si fao iraonomi awö zawuyumi, simanö göi niha Lewi, niha si fatewu, si lö ama hegöi lakha mbanua si so ba mbanuami.
15 Miʼowasaini daʼö sagötö zi fitu hari+ khö Yehowa Lowalangimi ba nahia si no itatugöi Yehowa, börö me ifahowuʼö Yehowa Lowalangimi mbasitömi ba fefu nifaluami.+ Miʼomusoiʼö manö dödömi.+
16 ”Tölu kali ba zi döfi, fefu ndra matua enaʼö laʼondrasi Yehowa Lowalangimi ba nahia si no itatugöi, yaʼia daʼö ba Gowasa Roti si Lö Mufaruka Ragi,+ Owasa Ero Migu,+ ba Owasa Nose Ndraha Geu.*+ Tebai so zangondrasi Yehowa na lö hadöi noro dangania.
17 Yamuʼohe zamösana mbuala nibeʼenia moloʼö howu-howu si no itema moroi khö Yehowa Lowalangimi.+
18 ”Mifataro zanguhuku+ awö ndra sondröniaʼö khömi ero sambua mado ba mbanua* nibeʼe Yehowa Lowalangimi khömi. Lafalua wanguhuku ba soi daʼö si fao faʼatulö.
19 Böi fuyuʼö zatulö,+ böi faʼawö dambai+ mazui ötema zölö-sölö. Tola balunö niha satua-tua ba zindruhu+ na itema zölö-sölö ba tola ifaböʼöni wehedenia niha satulö.
20 Törö lala satulö,*+ ha lala satulö, enaʼö auri ami ba tola mirabu danö nibeʼe Yehowa Lowalangimi khömi.
21 ”Böi mitanö gofu hadia döla geu tobali döla-döla niʼamoniʼö*+ ba zinga naha wanunu sumange nifazökhimi khö Yehowa Lowalangimi.
22 ”Böi mifazökhi gehomo niʼamoniʼö*+ si fatuwu khö Yehowa Lowalangimi.
Nisura ba gahe zura
^ Sin.: ”bakha ba mbawa göli khömi”.
^ Mazui ”si lö ama si lö ina”.
^ Mazui ”Nahia Waʼatoröi Sabata”.
^ Mazui ”Nahia Waʼatoröi Sabata”.
^ Sin.: ”bakha ba mbawa göli”.
^ Sin.: ”Gohi waʼatulö”.
^ Faigi Geluaha Ngawua Wehede.
^ Faigi Geluaha Ngawua Wehede.