5 Moze 18:1-22
18 ”Lö hadöi tana nitema ndra ere Lewi ba fefu mado Lewi ba lö latema gondröita simane iraono Gizaraʼeli tanö böʼö. Moroi ba zumange nitunu ba galitö nibeʼe tana khö Yehowa, daʼö zi tobali balazora.+
2 Lö hadöi ondröita nitemara ba gotalua ndra talifusöra. Yehowa zameʼe soguna khöra* simane si no iwaʼö.
3 ”Daʼa zi tobali tana khö ndra ere moroi ba zumange nibeʼe soi daʼö: Gofu haniha zameʼe sumange nitunu, sawi mazui biri-biri, enaʼö ibeʼe khö gere daʼio, simbi, ba betuʼa gurifö daʼö.
4 Mibeʼe khöra ziaʼa mbua nowi, agu si bohou, fanikha hegöi bu mbiri-biri si no laguti.+
5 Moroi ba madomi fefu, yaʼia hegöi iraononia zi no ifili Yehowa Lowalangimi tobali sangai halöwö ba döi Yehowa sagötö faʼara.+
6 ”Hizaʼi, na so niha Lewi sofanö moroi ba mbanua si so ba Gizaraʼeli, nahia si toröi yaʼia,+ ba möi ia ba nahia si no itatugöi* Yehowa,+
7 tola mangai halöwö ia ba daʼö ba döi Yehowa Lowalanginia, simane ira talifusönia fefu, yaʼia daʼö niha Lewi sangai halöwö föna Yehowa.+
8 Itema dana gönia simane yaʼira,+ baero mböli harato ndra tuania si no ifamawa.
9 ”Na no mirugi dania danö nibeʼe Yehowa Lowalangimi khömi, böi miʼoʼö gamuata si raʼiö si toʼölö lafalua ba soi daʼö.+
10 Tebai so ba gotaluami zanunu ononia tobali sumange,+ mamaʼeleʼö,+ faetasa,+ mangalui tandra,+ fakelemusa,+
11 mogönaisi niha böʼö, mangandrö fanuturu lala moroi khö zogaoni bekhu niha si no mate,+ samaʼeleʼö+ mazui sanofu ba niha si no mate.+
12 Ogoro Yehowa ba niha samalua daʼö, ba börö wamalua si raʼiö andrö, ifofanö fefu soi daʼö fönami Yehowa Lowalangimi.
13 Tebai mosinegu ami föna Yehowa Lowalangimi.+
14 ”No toʼölö soi nirabumi ba wamondrondrongo fanuturu lala ba niha si fakelemu+ hegöi samaʼeleʼö,+ hizaʼi itegu ami Yehowa Lowalangimi enaʼö lö mifalua daʼö.
15 Ituyu dania Yehowa Lowalangimi samösa zamaʼeleʼö moroi ba soimi, samaʼeleʼö simane yaʼo. Lö tola löʼö mifondrondrongo ia.+
16 Daʼö wanema li ba gangandröwami khö Yehowa Lowalangimi ba Horebi, me owulo ami+ ba mimane, ’Sökhi na tenga Yehowa Lowalangida zi fahuhuo khöda ba böi tehegö maʼila galitö sebua andrö, faböi mate ndraʼaga.’+
17 Ba imane khögu Yehowa, ’Sökhi niwaʼöra andrö.
18 Ufataro dania samösa zamaʼeleʼö moroi ba gotaluara,+ samaʼeleʼö simane yaʼugö. Ufatunö dania khönia wehedegu*+ ba yaʼia zamaʼema khöra.+
19 Uhuku niha si lö omasi mamondrongo fehedegu nifaʼema zalahigu andrö.*+
20 ”Hizaʼi, na so zamaʼeleʼö si lö ataʼu fahuhuo salahigu* hewaʼae lö nifatengegu yaʼia mazui fahuhuo ia salahi lowalangi tanö böʼö, hasambalö mate ia.+
21 Te mimane tödömi, ”Hezo taʼila wa tenga fehede Yehowa daʼö?”
22 Na fahuhuo zamaʼeleʼö andrö tobali salahi* Yehowa ba lö itörö wehedenia, eluahania tenga fehede Yehowa daʼö. Börö wayawasa wa fahuhuo zamaʼeleʼö andrö. Böi miʼataʼufi ia.’
Nisura ba gahe zura
^ Sin.: ”Yehowa zi tobali ondröitara”.
^ Yaʼia daʼö nahia nifili Yehowa tobali nahia waʼowulo niha sato ba wamosumange yaʼia.
^ Sin.: ”Ubeʼe dania ba mbawania wehedegu”.
^ Sin.: ”nifaʼema ba döigu”.
^ Sin.: ”ba döigu”.
^ Sin.: ”ba döi”.
