5 Moze 2:1-37
2 ”Aefa daʼö, mangawuli ita ba danö si mate tatörö lala si numalö ba Nasi Soyo, simane niwaʼö Yehowa khögu.+ Ara sibai ita wamasui Hili Zeʼira.
2 Andrö imane khögu Yehowa,
3 ’No ara ami wamasui hili andre. Iadaʼa miholeʼö ami miyöu.
4 Faʼema goroisagu andre ba ndraono Gizaraʼeli, ”Mitörö dania nola danö ndra talifusömi, ngaʼötö Gezau+ si toröi ba Zeʼira.+ Ataʼu ira khömi,+ hizaʼi miʼangelama.
5 Böi miʼalui lala wa faʼudu ami khöra,* börö me lö ubeʼe khömi danöra hewaʼae ha sambua lahe. No ubeʼe khö Gezau Hili Zeʼira.+
6 Mibuʼa mböli gö niʼami awö nidanö nibadumi.+
7 No ifahowuʼö fefu nifaluami Yehowa Lowalangimi. Anehe ia hewisa wofanömi ba danö si mate sebolo andre. Sagötö zi 40 fakhe, lö si faröi khömi Lowalangimi Yehowa, ba lö soʼamböta ami gofu hadia ia.”’+
8 Andrö tatörö nola danö ndra talifusöda ngaʼötö Gezau,+ si toröi ba Zeʼira. Fandröndröu ita ba lala si numalö ba Garaba, moroi ba Gelata ba Esiono-geberi.+
”Aefa daʼö, mangawuli ita ba tatörö lala si numalö ba Danö si Mate Moabi.+
9 Imane khögu Yehowa, ’Böi miʼalui lala wa faʼudu ami Moabi mazui fasuwö ami, maʼifu lö ubeʼe khömi danöra. No ubeʼe mbanua Gari andrö ba ngaʼötö Loti.+
10 (Ba daʼö toröi mböröta niha Gemi,+ soi sagabölö ba sato niha. Agalawa ira simane niha Genaki.
11 Niha Refaʼi+ göi hulö simane niha Genaki,+ ba lafotöi ira niha Gemi moloʼö niha Moabi.
12 Me mböröta, ba Zeʼira toröi niha Hori,+ hizaʼi larabu mbanua daʼö ira ngaʼötö Gezau, lahori fefu, ba toröi ira ba mbanua andrö.+ Daʼö göi nifalua ndraono Gizaraʼeli ba danö si tobali tana khöra dania, nibeʼe Yehowa khöra.)
13 Ofanö iadaʼa ba anöröi Ndraso Zaredi.’ Daʼö mbörö wa taʼanöröi Ndraso Zaredi.+
14 Faʼara wofanöda iʼotarai Gadesi-mbarenea numalö yefo Ndraso Zaredi 38 fakhe, irege ahori mate fefu ngaʼötö ndra saradadu andrö ba soi daʼa, simane niwaʼö Yehowa khöra me möi ia ba hölu.+
15 Tanga Yehowa zangohori yaʼira moroi ba soi daʼa irege aseʼe ira ba danö.+
16 ”Lö ara me no mate fefu ndra saradadu andrö,+
17 ifuli zui fahuhuo khögu Yehowa,
18 ’Maʼökhö andre mitörö dania danö Moabi, yaʼia daʼö Ari.
19 Na no mirugi dania mbanua niha Gamoni, böi mifakao mazui migadu ira. Maʼifu lö ubeʼe khömi danö niha Gamoni, no ubeʼe daʼö ba ngaʼötö Loti.+
20 Me mböröta, lawaʼö wa banua niha Refaʼi daʼö.+ (No irai toröi ba daʼö niha Refaʼi, ba lafotöi ira niha Zamisumi moloʼö niha Gamoni.
21 Soi sagabölö ira ba sato niha. Agalawa ira simane niha Genaki.+ Hizaʼi, itolo niha Gamoni andrö Yehowa ba wangohori yaʼira irege larabu mbanua andrö ba toröi ira ba daʼö.
22 Daʼö nifaluania ba ngaʼötö Gezau si toröi ba Zeʼira iadaʼa,+ me itolo ira ba wangohori niha Hori+ enaʼö tola larabu mbanua ndra niha daʼö ba laʼiagö irugi maʼökhö.
23 Sanandrösa ba niha Gawi, toröi ira ba zi fasui Gaza.+ Hizaʼi, tehori ira ba danga niha Gafatorimi+ si toröi ba Gafatori,* irege yaʼira zi toröi ba mbanua daʼö.)
24 ”’Miʼofanö, mitörö Ndraso Garono.+ No ubeʼe ba dangami Zihona razo Hesibona niha Gamori andrö.+ Börö daʼö, mirabu mbanuania ba misuwö ia.
25 Maʼökhö andre, ibörögö manizi ba ataʼu fefu soi ba gulidanö ubeʼe börö me larongo duria sanandrösa khömi. Abu dödöra ba manizi ira* börö ami.’+
26 ”Ba Danö si Mate Kedemoti,+ ufatenge mato hadauga niha khö Zihona razo Hesibona ba wamaʼema oroisa fangatulö andre,+
27 ’Tehegö khögu wanörö banuamö. Ha lala sebua utörö. Lö uholeʼö ndraʼo ba gambölö mazui ba gabera.+
28 Awai niʼa hegöi nibadugu ha nifamawamö khögu. Niʼandrögu khöu, tehegö khögu wanörö banuamö.
29 Daʼö göi nifalua ngaʼötö Gezau khögu si toröi ba Zeʼira, ba niha Moabi si toröi ba Gari. Tehegö khögu wanörö banuamö irege tola uʼötö Nungo Nidanö Yoridano numalö ba danö nibeʼe Yehowa Lowalangima khöma.’
30 Hizaʼi, lö itehe na tatörö mbanua daʼö Sihona razo Hesibona. No itehegö Yehowa Lowalangimi enaʼö abeʼe högönia+ hegöi tödönia irege ilulu ia ba dangami simane salua iadaʼa.+
31 ”Ba imane khögu Yehowa, ’Hiza, no ibörögö ubeʼe ba dangau Zihona awö soinia. Iadaʼa, rabu danönia.’+
32 Me isuwö ita Sihona awö zaradadunia ba Yasa,+
33 ilulu ia ba dangada Yehowa Lowalangida, irege takalaisi ia, iraononia matua ba fefu ndra saradadunia.
34 Me luo daʼö, tarabu fefu mbanuania ba tahori ira, he ono matua, ono alawe hegöi iraono. Samösa lö hadöi sauri.+
35 Tahalö khöda guriföra ba taʼoloiʼö fefu gama-gama moroi ba mbanua nirabuda.
36 Iʼotarai Naroeri+ si so ba Ndraso Garono (farahu mbanua si so ba ndraso daʼö), ofeta ba Gileadi, lö hadöi banua si tebai talawa. No ilulu ira ba dangada Yehowa Lowalangida.+
37 Hizaʼi, lö mifahatö ami ba soi niha Gamoni,+ banua si fasui Daso Yaboko+ hegöi ba mbanua si so ba hili, mazui ba nahia si lö nitehegö Lowalangida Yehowa.
Nisura ba gahe zura
^ Mazui ”Böi miʼandrö-andrö horöra”.
^ Yaʼia daʼö Kereta.
^ Mazui ”ba larasoi waʼafökhö simane nirasoi ndra alawe soʼono”.
