5 Moze 24:1-22
24 ”Na so ndra matua sangowalu khö zi samösa ira alawe, ba gafuriata lö omasi ia saʼae börö me no ifalua zi fatuwu khönia ira alawe andrö, ifazökhi zura wabalisa moloʼö huku+ ba ibeʼe khö ndra alawe daʼö. Awena ifofanö moroi ba nomo.+
2 Me no mofanö ia moroi ba nomo ndra matua daʼö, tola tobali ia foʼomo ndra matua böʼö.+
3 Na fatuwu zui khönia ndra matua* si samösa andrö, ifazökhi zura wabalisa moloʼö huku, ibeʼe khö ndra alawe daʼö, ba ifofanö moroi ba nomo, mazui na mate ndra matua si samösa andrö,
4 tebai ihalö ia saʼae foʼomonia si oföna börö me no raʼiö ia ba no sogoro Yehowa nifaluania. Böi misaoʼö horö ba danö nibeʼe Yehowa Lowalangimi khömi tobali ondröita.
5 ”Tebai möi fasuwö ndra matua sawena mangowalu mazui labeʼe khönia halöwö tanö böʼö. Lö lafohalöwö ia sagötö zi döfi, ba nomo manö toröi ia ba iʼomusoiʼö dödö woʼomonia.+
6 ”Böi halö gara wogili mazui ono wogili tobali gade+ börö me no amaedola zangai noso zamalua daʼö.
7 ”Na miʼila so zangoloiʼö awönia iraono Gizaraʼeli, ifakao aefa daʼö ifamawa,+ hasambalö mibunu zangoloiʼö andrö.+ Miheta zi lö sökhi ba gotaluami.+
8 ”Na hino wökhö mbou auri,* mifaigi enaʼö miʼoʼö fefu wanuturu lala nibeʼe ndra ere Lewi.+ Mifaigi enaʼö mifalua fefu zi no uwaʼö khöra.
9 Mitörö tödömi nifalua Yehowa Lowalangimi khö Miriya me mofanö ami moroi ba danö Miserai.+
10 ”Na so nifafizaʼömi khö dalifusömi,+ böi miʼae yomo ba nomonia wangai gade.
11 Baero mibaloi, ba samiza andrö zamasao khömi gade nibeʼenia.
12 Na tosasa niha daʼö ba böi taha mbaru nigadegönia ofeta mahemolu.+
13 Fangawuli khönia mbaru daʼö na no aekhu luo, enaʼö iʼila mörö.+ Mangandrö ia salahimi enaʼö ifahowuʼö ami Lowalangi ba lafotöi ami niha satulö tödö föna Yehowa Lowalangimi.
14 ”Böi limo niha si numana ba si tosasa sohalöwö si möi manga gazi, hewaʼae talifusöu ia mazui niha si fatewu ba soimi, ba mbanuami.*+
15 Mibeʼe gazinia ba zi maʼökhö daʼö+ fatua lö aekhu luo, börö me tosasa ia ba ha gazinia andrö nitötönania. Na löʼö, iʼangadugö ami khö Yehowa ba no mifalua horö.+
16 ”Tebai labunu nama börö gamuata nononia, ba tebai labunu nono börö gamuata namania.+ Dozi niha laʼetuʼö khönia huku faʼamate börö horönia samösa.+
17 ”Böi fuyuʼö zindruhu na öfatunö farakaro niha si fatewu mazui si lö ama,*+ ba böi rabu mbaru lakha mbanua tobali gade.+
18 Mitörö tödömi wa no teʼosawuyu ami mböröta ba danö Miserai, ba no ihöli ami Yehowa Lowalangimi moroi ba daʼö.+ Andrö wa uwaʼö khömi wamalua daʼa.
19 ”Na mibasi mbua nowi khömi ba so samböbö zi toröi, böi mifuli ami wangai. Miröi daʼö soguna ba niha si fatewu, si lö ama hegöi lakha mbanua+ enaʼö ifahowuʼö fefu nifaluami Yehowa Lowalangimi.+
20 ”Na no mifadögö ndraha geu zaitu khömi, böi mifuli mifadögö sakali tö. Mitehegö zi toröinia soguna ba niha si fatewu, si lö ama hegöi lakha mbanua.+
21 ”Na miʼowuloi mbua nagu khömi ba kabu, böi mifuli ami wangai si toröi. Mitehegö zi toröinia soguna ba niha si fatewu, si lö ama hegöi lakha mbanua.
22 Mitörö tödömi wa no teʼosawuyu ami mböröta ba danö Miserai. Daʼö mbörö wa uwaʼö khömi wamalua daʼa.
Nisura ba gahe zura
^ Mazui ”Na itimbagö ia ira matua”.
^ Ba li Heberaiʼo, ”bou auri” eluahania ngawalö wökhö guli si tola göna ba niha. Tola göi daʼö geluahania kiwo si so ba nukha hegöi ba nomo.
^ Sin.: ”bakha ba mbawa göli khömi”.
^ Mazui ”si lö ama si lö ina”.
