5 Moze 30:1-20
30 ”Na alua khömi fefu wehede daʼa, howu-howu hegöi fangelifi si no ufaʼema,+ ba itörö tödömi daʼö*+ ba soi si no ifazawili ami Yehowa Lowalangimi,+
2 ba mifuli ami khö Yehowa Lowalangimi+ soroi ba dödö awö nosomi* maʼasambua,+ simanö göi ndraonomi, ba mifondrondrongo wehedenia nifaʼemagu khömi maʼökhö,
3 iʼohe ami mangawuli Yehowa Lowalangimi moroi ba nahia wangoloiʼö.+ Ihakhösi tödö göi ami Yehowa Lowalangimi+ ba iʼowuloi ami moroi ba soi si no ifazawili ami.+
4 Hewaʼae na muzawili ami misa ba wondrege danö, ifuli iʼowuloi ba iʼohe ami mangawuli Yehowa Lowalangimi.+
5 Iʼohe ami dania Yehowa Lowalangimi ba danö nirabu ndra tuami, ba tobali tana khömi daʼö. Ohahau dödömi ibeʼe ba abölö ato ami moroi khö ndra tuami mböröta.+
6 Yehowa Lowalangimi zangehaogö* tödömi hegöi ngaʼötömi,+ enaʼö miʼomasiʼö Yehowa Lowalangimi soroi ba dödö hegöi nosomi* maʼasambua, ba misöndra waʼauri.+
7 Ifatörö dania fefu wangelifi daʼa Yehowa Lowalangimi ba zi faʼudu khömi, si fatiu tödö ba samakao yaʼami.+
8 ”Aefa daʼö, ifuli zui dania mirongo wehede Yehowa ba mifalua fefu goroisania nifaʼemagu khömi maʼökhö.
9 Gofu hadia nifaluami, Yehowa Lowalangimi dania zameʼe khömi faʼohahau dödö.+ Iʼoyaʼö ndraonomi, urifömi, ba bua nowimi. Omuso dödö Yehowa ba wameʼe khömi faʼohahau dödö samuza tö, simane faʼomuso dödönia khö ndra tuami.+
10 Ba mirongo dania wehede Yehowa Lowalangimi ba mifalua goroisania awö gamakhoita si no tesura ba mbuku Goroisa andre. Mifuli zui ami khö Yehowa Lowalangimi soroi ba dödö awö nosomi* maʼasambua.+
11 ”Lö abua sibai goroisa nifaʼemagu khömi maʼökhö mazui si tebai mikhamö.+
12 Tenga ba dalu mbanua so ia irege mimane, ’Haniha zi möi miyawa ba dalu mbanua wangai enaʼö tarongo ba tafalua?’+
13 Tenga göi yefo nasi so ia irege mimane, ’Haniha zangötö asi ba wangai daʼö enaʼö tarongo ba tafalua?’
14 Ahatö sibai khömi goroisa daʼa, yaʼia daʼö ba mbawami hegöi ba dödömi,+ enaʼö tola mifalua.+
15 ”So dombua ngawalö nibeʼegu khömi maʼökhö ba tola mifili. Si oföna yaʼia daʼö faʼauri ba faʼohahau dödö, ba sambua tö yaʼia daʼö faʼamate ba famakao.+
16 Na mifondrondrongo goroisa Yehowa Lowalangimi nifaʼemagu khömi maʼökhö, miʼomasiʼö Yehowa Lowalangimi,+ mitörö lalania, ba mifalua goroisania, amakhoitania awö gangetula huku andrö khönia, teʼorifi ami+ ba monönö dania waʼatomi. Ifahowuʼö göi ami Yehowa Lowalangimi ba danö nirabumi dania.+
17 ”Hizaʼi, na faʼero dödömi khö Lowalangi,+ lö mifondrondrongo niwaʼönia, ba tedönisi dödömi wamosumange hegöi ba wangalulu khö lowalangi böʼö,+
18 hasambalö tehori ami.+ Lö anau nosomi ba danö nirabumi andrö dania na no miʼötö Nungo Nidanö Yoridano.
19 So dombua ngawalö nibeʼegu khömi si tola mifili, faʼauri ba faʼamate, howu-howu ba fangelifi.+ Banua si yawa awö danö zi tobali samaduhuʼö ba nifaluami. Mifili waʼauri faböi mate ami,+ yaʼami hegöi ngaʼötömi.+
20 Ba miʼomasiʼö Yehowa Lowalangimi,+ mifondrondrongo wehedenia, böi mifaröi khönia,+ börö me Yehowa zameʼe nosomi irege lö tebulö so ami ba danö nifabuʼunia si no möi ia ba hölu khö ndra tuami Aberahamo, Izaʼaki ba Yakobo.”+
Nisura ba gahe zura
^ Sin.: ”ba mibeʼe fefu daʼö ba dödömi”.
^ Faigi Geluaha Ngawua Wehede.
^ Sin.: ”zosuna”.
^ Faigi Geluaha Ngawua Wehede.
^ Faigi Geluaha Ngawua Wehede.
