5 Moze 33:1-29
33 Daʼa howu-howu nifatunö Moze, enoni Lowalangi sindruhu ba ndraono Gizaraʼeli fatua lö si mate ia.+
2 Imane,
”Tohare Yehowa moroi ba Zinaʼi,+Ihagaini ira moroi ba Zeʼira.
Mohaga ia moroi ba mbanua si so ba hili Warana,+Ngafulu ribu ndra malaʼika niʼamoniʼö si fao khönia,+So ba gambölönia ndra saradadunia.+
3 Iʼomasiʼö nono mbanuania;+Ba dangania fefu so nono mbanua niʼamoniʼö andrö.+
Ba gahenia modadao ira;+Ibörögö lafondrondrongo daromalinia.+
4 (Ibeʼe khöda gamakhoita andrö Moze hegöi oroisa,+Si tobali okhöta nono mbanua Yakobo.)+
5 Lowalangi zi tobali razo ba Yesuru,*+Me owulo ndra sondröniaʼö soi daʼö+Si fao ba mado ndraono Gizaraʼeli fefu.+
6 Yaʼauri Rubeno ba lö mate;+Yamonönö waʼato niha khönia.”+
7 Ba ifaʼema howu-howu daʼa ba mado Yehuda,+
”He Yehowa, fondrondrongo niwaʼö Yehuda,+Ohe ia mangawuli ba soinia.
Iforege tangania ba wangoʼawögö tana khönia,Tolo ia ba wolawa udunia.”+
8 Imane sanandrösa khö Lewi,+
”Okhöta niha si lö faröi khöu*+ Gurimi andrö faoma Tumimi,+Nitandraigöu ba Masa.+
Fasoso ndraʼugö khöra ba Gumbu Nidanö Meriba,+
9 Niha sangumaʼö khö namania faoma inania, ’Lö ufosumange ami.’
Ba lö ifaduhuʼö ndra talifusönia,+Lö ihakhösi tödö ndraononia.
Laʼoʼö wehedemö,Ba lagogohe mbuʼusa limö.+
10 Yalafahaʼö Yakobo ba gangetula huku andrö khöu+Hegöi Izaraʼeli sanandrösa ba Goroisamö.+
Yalabeʼe khöu zumange somuhua si möi fangomuso dödöu+Awö zumange nitunu ba naha wanunu sumange khöu.+
11 He Yehowa, fahowuʼö waʼabölönia,Foromaʼö wa öʼomasiʼö nifaluania.
Fatö gahe* niha solawa yaʼia,Enaʼö tebai saʼae mozizio dozi si fatuwu khönia.”
12 Imane sanandrösa khö Mbeniami,+
”Yalöhadia ia ba niha niʼomasiʼö Yehowa sahatö khönia;Ba ilumöʼö ira ero maʼökhö,Toröi ira ba hulunia.”*
13 Imane sanandrösa khö Yosefo,+
”Yaʼifahowuʼö danönia Yehowa+Faoma ngawalö zi sökhi moroi ba mbanua si yawa,Namo mbanua hegöi idanö moroi ba narö danö,+
14 Bua zinanö si sökhi si tumbu börö haga luo,Hegöi bua zinanö si sökhi ero waŵa,+
15 Ngawalö zabölö sökhi moroi ba hili-hili götö föna,*+Ngawalö zi sökhi moroi ba hili-hili si no ara,
16 Ngawalö zi sökhi moroi ba danö awö nösinia,+Ba faʼasökhi dödö moroi khö Lowalangi salua ba ndruʼu sodoi.+
Yaʼitema fefu daʼö Yosefo,*Niha nifili moroi ba gotalua ndra talifusönia.+
17 Molakhömi ia simane siaʼa nono zawi si matua,Ba tandrunia hulö dandru zawi gatua si matua.
Ilulugö fefu soi faoma tandruniaIrugi mbalö danö.
Yaʼira zi ngafulu ribu niha Geferai,+Yaʼira zi hauga ribu niha Manase.”
18 Imane sanandrösa khö Zebuloni,+
”Omusoiʼö dödöu ba döröwamö misa ba wogale, yaʼugö Sebuloni,Omusoiʼö dödöu ba nosemö, yaʼugö Isasari.+
19 Lakaoni soi misa weʼamöi ba hili.
Ba daʼö labeʼe zumange satulö.
Lahalö* dania waʼakayo si fahöna ba nasiBa harato si no tobini ba gawu.”
20 Imane sanandrösa khö Gado,+
”Yatefahowuʼö niha sangeboloʼö tanö Gado.+
Ba daʼö ileagö ia simane singo,No ihenaigö ia ba wanasawi taʼio awö högö.
21 Ifili khönia zabölö sökhi,+Daʼö zi no ihenaigö sameʼe huku.+
Owulo dania ndra sondröniaʼö soi daʼö.
Ifalua dania waʼatulö salahi Yehowa,Ba angetula hukunia ba ndraono Gizaraʼeli.”
22 Imane sanandrösa khö Dano,+
”Hulö nono zingo Dano.+
Manaoka ia moroi ba Mbazana.”+
23 Imane sanandrösa khö Nafetali,+
”Fahöna mbuala Yehowa khö NafetaliBa abuso ia faoma howu-howu.
Halö khöu mbanua ba gaekhula hegöi tanö raya.”
24 Imane sanandrösa khö Gaseri,+
”Yatefahowuʼö Gaseri, yaʼato ndraononia.
Yalaʼomasiʼö ia ira talifusönia,Yaʼiungugö* gahenia ba wanikha.
25 Siʼöli ba tembaga zi tobali bua rate ba mbawa göli khöu,+Ba lö hadia ia khöu sandrohu faʼaurimö.
26 Lö hadöi simane Lowalangi Yesuru,+ Lowalangi satulö,+Sanölaʼö talu mbanua ba wanolo yaʼugö,Sanöröi lawuo ba lakhöminia andrö.+
27 Lowalangi andrö nahia folumöʼö iʼotarai mböröta,+Ituwu ndraʼugö faoma taʼionia si lö tebulö.+
Ifofanö fönamö zi faʼudu khöu+Imane, ’Hori ira!’+
28 Lö hadöi sametaʼu iraono Gizaraʼeli,Ohahau dödö ngaʼötö* YakoboBa danö si fahöna bua nowi awö nagu si bohou,+Samowöi namo moroi ba dalu mbanua.+
29 Omusoiʼö dödöu, yaʼugö Izaraʼeli!+
Lö hadöi simane yaʼugö,+Soi niʼorifi Yehowa.+
Yaʼia mbaluse folumöʼö khöu+Ba födamö sabölö.
Ataʼu khöu nudumö,+Ba ötarai hulura.”*
Nisura ba gahe zura
^ Eluahania ”Niha Sadölö Tödö”, töi sebua khö Gizaraʼeli.
^ Ba ayati daʼa, ngawua wehede ”khöu”, ”nitandraigöu” awö ”ndraʼugö” manandrösa ia khö Lowalangi.
^ Mazui ”löwi-löwi”.
^ Sin.: ”ba gotalua galisinia”.
^ Mazui te ”hili-hili ba gatumbukha”.
^ Sin.: ”Yamufaduwa daʼö fefu ba högö Yosefo”.
^ Sin.: ”Lahofo”.
^ Mazui ”Yaʼifemondri”.
^ Sin.: ”gumbu nidanö khö”.
^ Mazui te ”nahia sagalawa khöra”.
