Ba Niha Heberaiʼo 1:1-14
1 Me mböröta, iʼogunaʼö ndra samaʼeleʼö Lowalangi ba wahuhuosa khö ndra tuada ba ginötö hegöi lala si faböʼö-böʼö.+
2 Ba ginötö safuria andre, iʼogunaʼö Nononia ba wahuhuosa khöda,+ sanema ondröita ba ngawalö hadia ia+ ba niʼogunaʼönia ba wamazökhi banua si yawa awö danö.+
3 Ono andrö yaʼia daʼö khili-khili lakhömi Lowalangi+ ba famaedonia.+ Ituhini fefu hadia ia faoma taromali Lowalangi safönu faʼabölö. Aefa daʼö, me no iʼamoniʼö ita moroi ba horö,+ modadao ia ba gambölö Lowalangi Sebua Lakhömi ba zorugo.+
4 Abölö alawa ia moroi khö ndra malaʼika sato,+ börö me iʼokhögö döi solakhömi moroi ba danö böʼö.+
5 Duma-dumania, haniha ba gotalua ndra malaʼika zi no irai iwaʼö Lowalangi, ”Onogu ndraʼugö; iadaʼa tobali ndraʼo Amau”?+ Sakali tö, ”Tobali ndraʼo Amania ba onogu ia”?+
6 Me no ifatenge Nononia Siaʼa+ ba gulidanö imane, ”Yamangalulu khönia fefu ndra malaʼika Lowalangi.”
7 Baero daʼö, imane sanandrösa khö ndra malaʼika, ”Ibaliʼö eheha sabölö ndra malaʼikania, ba sangai halöwö khönia+ ibaliʼö simane hola-hola galitö.”+
8 Imane sanandrösa khö Nononia, ”Lowalangi zamataro yaʼugö+ tobali samatörö irugi zi lö aetu, ba siʼo Wamatörömö yaʼia daʼö siʼo faʼatulö dödö.
9 Omasi ndraʼugö zindruhu ba fatuwuʼö wanawö huku. Daʼö mbörö wa ibayoini ndraʼugö+ Lowalangi faoma fanikha, ba ibeʼe khöu waʼomuso dödö moroi ba razo tanö böʼö.”+
10 So göi ba zura, ”He Lowalangi, yaʼugö zamazökhi dane-dane gulidanö, ba omböila dangamö mbanua si yawa.
11 Fefu daʼö oi adudu, hizaʼi lö tebulö ndraʼugö sagötö faʼara; ba simane nukha, fefu daʼö oi obou,
12 ba öfurui dania simane baru sebua, simane nukha, ba fefu daʼö tefalalini. Hizaʼi, lö tebulö ndraʼugö ba auri sagötö faʼara.”+
13 Haniha ba gotalua ndra malaʼika zi no irai iwaʼö, ”Dadao ba gambölögu, irege ubaliʼö dane-dane gahemö zi faʼudu khöu”?+
14 Hadia tenga malaʼika sangai halöwö niʼamoniʼö ira fefu,+ nifatenge ba wanolo niha sanema ondröita fangorifi?