Nisura Mataiʼo 1:1-25
1 Buku waö-waö Yesu Keriso,* maʼuwu Dawido,+ maʼuwu Gaberahamo:+
2 Aberahamo ama Gizaʼaki,+Izaʼaki ama Yakobo,+Yakobo ama Yehuda+ hegöi ira talifusönia matua,
3 Yehuda ama Weresi ba Sera,+ inara Tamara,Feresi ama Hezerono,+Hezerono ama Rama,+
4 Rama ama Gaminadabi,Aminadabi ama Nahaso,+Nahaso ama Zalomono,
5 Salomono ama Mboasi, ina Mboasi yaʼia Rakhaba,+Boasi ama Gobedi, ina Gobedi yaʼia Ruti;+Obedi ama Gizaʼi;+
6 Izaʼi ama Razo Dawido.+
Dawido ama Zelomo,+ ina Zelomo si no irai tobali foʼomo Guria,
7 Selomo ama Rehabeamo;+Rehabeamo ama Gabia;Abia ama Asa;+
8 Asa ama Yozafati;+Yozafati ama Yoramo;+Yoramo ama Usia;
9 Usia ama Yotamo;+Yotamo ama Gahasi;+Ahasi ama Hizikia;+
10 Hizikia ama Manase;+Manase ama Gamoni;+Amoni ama Yosia;+
11 Yosia+ ama Yekhonia+ hegöi ira talifusönia matua. Tumbu ira me tetiboʼö ba Mbabilona.+
12 Me no aefa tetiboʼö ira ba Mbabilona, tumbu nono khö Yekhonia sotöi Selatieli;Selatieli ama Zerubabeli,+
13 Serubabeli ama Gabiudi;Abiudi ama Geliaki;Eliaki ama Gasori;
14 Asori ama Zadoki;Sadoki ama Gakhimi;Akhimi ama Geliudi;
15 Eliudi ama Geleazari;Eleazari ama Matana;Matana ama Yakobo;
16 Yakobo ama Yosefo, yaʼia woʼomo Maria soʼadonogö+ Yesu, nifotöi Keriso.+
17 Tobali, iʼotarai khö Gaberahamo irugi Dawido 14 ngaʼötö; iʼotarai khö Dawido irugi tetiboʼö ba Mbabilona 14 ngaʼötö; iʼotarai me tetiboʼö ba Mbabilona irugi khö Keriso 14 ngaʼötö.
18 Daʼa waö-waö waʼatumbu Yesu Keriso. No famatua ninania Maria khö Yosefo. Hizaʼi, fatua lö sangowalu ira, no manabina ia moroi ba waʼabölö geheha niʼamoniʼö.*+
19 Foʼomonia* Yosefo andrö niha satulö, ba lö omasi ia na teʼailasi Maria föna zato. Andrö tumbu ba dödönia enaʼö fabali* ira, ilau zi lö hede-hede.+
20 Me no aefa mangera-ngera Yosefo, tohare malaʼika Yehowa* wamalukhaisi yaʼia ba wangifi. Imane, ”He Yosefo, ono Dawido, böi aombö dödöu wolohe foʼomou Maria andrö ba nomo, manabina ia börö waʼabölö geheha niʼamoniʼö.+
21 Tumbu dania khönia nono matua. Beʼe töinia Yesu,*+ börö me yaʼia zangefaʼö soinia moroi ba horöra.”+
22 Sindruhunia, wa alua daʼa fefu enaʼö itörö niwaʼö Yehowa* khö zamaʼeleʼö khönia, yaʼia daʼö,
23 ”Hiza! Manabina dania nono alawe andrö ba moʼono ia ono matua. Labeʼe töinia Emanueli,”+ eluahania ”Fao Khöda Lowalangi”.+
24 Ba maoso Yosefo, ifalua niwaʼö malaʼika Yehowa.* Iʼohe woʼomonia ba nomo.
25 Hizaʼi, lö orudu ia khö woʼomonia irege tumbu nono andrö.+ Ba ibeʼe Yosefo döi nono andrö Yesu.+
Nisura ba gahe zura
^ Mazui ”Mesia; Nibayoini”.
^ Mazui ”ba waʼabölö nifalua Lowalangi”.
^ Moloʼö niha Yahudi, fabali eluahania tenga si famatua ira saʼae.
^ Si toʼölö ba niha Yahudi, si no famatua hulö zi no mangowalu.
^ Daʼa döi Lowalangi Yehowa si oföna tesura ba mbuku andre moroi ba zi 237 kali wanura yaʼia ba Mbuku Niʼamoniʼö Yunani Niha Keriso. Faigi Lamp. A5.
^ Ba li Heberaiʼo töinia Yesua, mazui Yosua, eluahania ”Yehowa No Fangorifi”.
