Nisura Mataiʼo 28:1-20
28 Me no aefa luo Sabato, me ibörögö tumbu luo ba ngaluo siföföna ba migu daʼö,* möi lafaigi lewatö Yesu ira Maria Magadala hegöi Maria tanö böʼö.+
2 Ba zi lö mudöna-döna, alua ndruru danö sabölö-bölö börö me tohare malaʼika Yehowa* moroi ba zorugo, iheta gara duhö-duhö lewatö andrö, aefa daʼö modadao ia yawa ba dete.+
3 Muhaga ia hulö gari mbanua ba afusi sibai nukhania simane esi.+
4 Ataʼu zozago, manizi-nizi ira hulö zi mate.
5 Imane malaʼika khö ndra alawe andrö, ”Böi miʼataʼufi, uʼila sa wa miʼalui Yesu nibunu ba döla geu.+
6 Lö yaʼia ba daʼa, no tesusugi ia simane si no irai iwaʼö.+ Miʼaine, mifaigi nahania me mifadölö ia mege.
7 Iadaʼa miʼofanö, miʼaliokö wamatunö khö ndra nifahaʼönia. No tesusugi ia moroi ba gotalua zi mate ba no idari-dari wofanö ia ba Galilaia,+ ba daʼö dania falukha ami. Mitöngöni niwaʼögu andre.”+
8 Ba laʼaliokö wofanö moroi ba lewatö andrö, fagohi ira ba wangombakha khö ndra nifahaʼönia. Ataʼu ira, hizaʼi omuso göi dödöra.+
9 Ba zi lö mudöna-döna, ifalukhaisi ba iʼowai ira Yesu. Laʼondrasi ia ba latuhi danö fönania.
10 Imane khöra Yesu, ”Böi miʼataʼufi! Miʼae mifatunö khö ndra talifusögu enaʼö möi ira ba Galilaia. Ba daʼö dania falukha ndraʼaga.”
11 Gasa-gasa wofanö ndra alawe andrö ba lala, so ösa zozago lewatö+ si möi ba mbanua, lafatunö khö ndra kafalo gere fefu zi no alua.
12 Lafadunö-dunö daʼa ira ere khö ndra sondröniaʼö. Lahalö gangetula ba wameʼe firö soya khö ndra saradadu
13 ba lamane, ”Miwaʼö manö, no möi ndra nifahaʼönia ba zi bongi wanagö boto Yesu me no mörö ndraʼaga.+
14 Na irongo daʼa gubernur, mahaogö wangombakha* khönia. Böi miʼabusi tödö.”
15 Latema wirö andrö ira saradadu ba lafalua niwaʼö khöra. Ahori larongo ira niha Yahudi zalua daʼa irugi maʼökhö.
16 Mofanö ndra nifahaʼö si 11, numalö ira ba Galilaia+ wamalukhaisi Yesu ba hili niwaʼönia khöra.+
17 Me laʼila ia, latuhi danö fönania. Hizaʼi, so nasa zi lö faduhu tödö.
18 Iʼondrasi ira Yesu imane, ”No tebeʼe khögu fefu waʼabölö ba zorugo hegöi ba gulidanö.+
19 Börö daʼö, miʼae mibaliʼö nifahaʼögu fefu niha moroi ba ngawalö soi,+ mibayagö ira idanö+ ba döi Nama, ba döi Nono, ba döi geheha niʼamoniʼö.
20 Mifahaʼö ira ba woloʼö fefu niwaʼögu khömi.+ Ba hiza, fao khömi ndraʼo ero maʼökhö irugi gamozua götö* daʼa.”+
Nisura ba gahe zura
^ Eluahania daʼa ngaluo nifotöida iadaʼa hari Migu. Ba niha Yahudi, böröta ngaluo ba migu daʼö yaʼia hari Migu.
^ Sin.: ”wangai tödö”.
^ Faigi Geluaha Ngawua Wehede.
