Sinunö Sebua 1:1-17
-
Sinunö fondrege zi sökhi (1)
-
Ono alawe Sulamiti (2-7)
-
Iraono alawe Yeruzalema (8)
-
Razo (9-11)
-
”Mafazökhi dania khöu dakula anaʼa” (11)
-
-
Ono alawe Sulamiti (12-14)
-
”Tuho dödögu andrö amaedola zi sambua bola-bola gemuri somuhua” (13)
-
-
Kubalo (15)
-
”He tuho dödögu, no baga-baga ndraʼugö”
-
-
Ono alawe Sulamiti (16, 17)
-
”He tuho dödögu, no siga-siga ndraʼugö” (16)
-
1 Sinunö fondrege zi sökhi, nisura Zelomo:+
2 ”Uma ndraʼo faoma bewemö,Börö me abölö sökhi waʼomasimö moroi ba nagu.+
3 Omuhua sibai wanikha nifagule andrö khöu.+
Töimö andrö hulö wanikha somuhua si no mufaduwa.+
Daʼö mbörö wa laʼomasiʼö ndraʼugö iraono alawe.
4 Ohe* ndraʼo wefao khöu, datalau moloi,Börö me no iʼohe ndraʼo razo ba mbateʼenia!
Dataʼomusoiʼö dödöda ba taʼowua-wuaʼö dödöda.
Datadunö-dunö hewisa me öfaehagö waʼomasimö, sabölö sökhi moroi ba nagu.
Andrö wa lö ahöli dödögu na laʼomasiʼö* ndraʼugö.
5 He yaʼami ono alawe Yeruzalema, aitö ndraʼo hizaʼi baga-baga,Simane ose Gedara,+ simane nukha nose+ Zelomo.
6 Böi mifaigi-faigi ndraʼo börö waʼaitögu,Börö me no akhozi guligu ba zino.
Mofönu-fönu khögu ndra talifusögu matua;*Lafatenge ndraʼo ba wanarogö kabu nagu,Hewaʼae na lö utarogö kabu nagu khögu.
7 Fatunö khögu, yaʼugö tuho dödögu,Hezo ökubaloi mbiri-biri,+Hezo öfeförö ira ba zi maʼökhö.
Fatunö khögu, enaʼö lö ufasui-sui ngawawa mbiri-biri nawöuSimane ira alawe sabu tödö.”*
8 ”He yaʼugö ono alawe si baga-baga, na lö öʼila,Oʼö lahe ngawawa mbiri-biriBa kubaloi nono nambi andrö khöu ba zinga nose ndra kubalo.”
9 ”He tuho dödögu, faʼabaga-bagamö hulö kudo si alawe ba gureta Waraʼo.+
10 Hawaʼasökhi mboʼömö me no öfogama-gama,*Sökhi sibai mbagimö börö naya.
11 Mafazökhi dania khöuDakula* anaʼa nifogama-gama firö.”
12 ”Me modadao razo ba mezania,Iʼanöröi misa hua wanikha* somuhua+ andrö khögu.
13 Tuho dödögu andrö amaedola zi sambua bola-bola gemuri somuhua,+Soleagö yaʼia ba dötöʼagu na bongi.
14 Tuho dödögu andrö amaedola zi sambua ngafu zinanö somuhua*+Ba gotalua kabu nagu ba Nengedi.”+
15 ”He tuho dödögu, no baga-baga ndraʼugö!
No baga-baga ndraʼugö! Hulö hörö marafadi hörömö.”+
16 ”He tuho dödögu, no siga-siga ndraʼugö, ha lö omasiö!+
Duʼu sauri zi tobali nahia wemöröda.
17 Eu eresi zi tobali döla-döla nomoda,*Ba eu juniper zi tobali toga-togania.
Nisura ba gahe zura
^ Sin.: ”Döni”.
^ Yaʼia daʼö iraono alawe.
^ Sin.: ”nono ninagu”.
^ Sin.: ”samalugö bawania börö waʼabu dödö”.
^ Mazui te ”ba gotalua mbumö si no öndrandra”.
^ Mazui ”Gama-gama”.
^ Sin.: ”hua zare”.
^ Mazui ”ngafu mbunga lahine”.
^ Mazui ”nomoda sebua”.
