Sinunö Sebua 2:1-17
2 ”Yaʼodo ha bunga safron* ba danö saloʼo,Bunga lili si sara daha ba ndraso.”+
2 ”Amaedola mbunga lili ba gotalua ndruʼu sodoi,Simane daʼö duho dödögu ba gotalua ndraono alawe.”
3 ”Simane töla apel ba gotalua döla geu ba gatua,Simane daʼö duho dödögu ba gotalua zi bohou ebua.
Omasido sibai molombase barö lumönia,Ba ami khögu mbuania.
4 Iʼohe ndraʼo ba nomo wangowasa,*Ba fefu niha laʼila wa ha yaʼo niʼomasiʼönia.
5 Okafui dödögu faoma kue nifaruka bua nagu;*+Fofaʼabölö ndraʼo faoma bua apel,Tebai ndraʼo börö waʼomasi.
6 Itaya högögu tangania kabera,Ba no italagui ndraʼo tangania kambölö.+
7 Miʼaeʼe ba hölu, yaʼami ono alawe Yeruzalema,Ba döi nago+ awö mböhö ba mbenua:
Böi mifasugi ba dödögu waʼomasi fatua lö inötönia.+
8 Terongo li niha niʼomasiʼögu!
Hiza! Tohare ia, isösö hili,Itaokasi hili-hili.
9 Hulö nago duho dödögu andrö, hulö nono mböhö si matua.+
Mozizio ia furi dowa khöma,Ifaigi-faigi moroi ba zandrela,Inehe-nehegö moroi ba zara-zara.
10 Imane khögu tuho dödögu,
’He yaʼugö niʼomasiʼögu, faoso.
Tuho dödögu, fao khögu.
11 No awai mbaŵa deu;No döhö deu ba no tebato.
12 No mamoka mbowo mbunga misa ba danö,+No irugi inötö wanaba daha,+Ba terongo li marafadi ba mbanua misa.+
13 Ibörögö so mbua ara sagasoso;+Ibörögö mobowo döla nagu ba iʼanöröi hua.
Faoso yaʼugö tuho dödögu, aine.
Tuho dödögu, fao khögu.
14 He yaʼugö marafadigu, sanuge ba dögi hili sokara,+Ba gotalua mbaho kara salawa,Omasido uʼila ndraʼugö ba ufondrondrongo limö,+Börö waʼasökhi zikhalamö ba faʼabaga-baga limö.’”+
15 ”Miraʼu nasu gatua daʼö,Asu gatua side-ide* samakiko kabu nagu,Börö me awena mobowo khöma döla nagu.”
16 ”Tana khögu duho dödögu ba tana khönia ndraʼo.+
No möi ia ikubaloi mbiri-biri+ ba gotalua mbunga lili.+
17 Fatua lö ihoho angi ba fatua lö taya lumö-lumö,Aliokö angawuli, yaʼugö tuho dödögu,Hulö nago+ mazui ono mböhö si matua+ ba hili famabali.*
Nisura ba gahe zura
^ Mazui ”kumkuma”.
^ Sin.: ”nomo nagu”.
^ Mazui ”kue kismis”.
^ Hulö nasu. Adogo-dogo gahe, ebolo dalinga, ba onekhe.
^ Mazui ”ba Hili Mbeteri”.
